MATHI 5:16 - AMÜSA BAIBEL (BSI)

¹⁶ Hütsüroh-i nührü atsingse tsü nyitsarü atümung bete visasohng, hütsüta arühnü nührü nguchi atsa ngu ninglang liba nührü Au hechinung.

MATHI 5:16 Iomraidhean Croise

NÜCHEHCHO 34:35

ko arühnü abi romih chah ahechi ngucho. Hütsükolü abi thali Abüdongba te chotanung müwüyingcheh aromih müshütipü licho.”

CHOYOH 4:18

Amüsarü lang tsü anyangnyü nyü chürode alaa atsingseu kangcho kyo lile.

ISAYA 58:8

“Hütsütakhang, nührü chah I akünyang anyangnyü nyü kyo vinung, ko nührü madhsa zah kyangnung. Nührü khümchonung Ih nührü te lede linung; Ih nührü te liba tsünü apümlang nührü tsungtinung.

ISAYA 61:3

Zion la meshürü khyang alongri mülih akünyang ko alongphi, awah mülih anengse jünung nengdang. Arüh atümungnü yuje du nguchinung, ko abinü nguchicho ngang Tsingrangba nengsenung.

MATHI 23:5

Arüh nguchi atümung nyitsarünü ngusohnung du nguchire. Arüh kikhang la ko bipüm la Amüsa yuyungti shengsheng thrahkeh biba tsü dhing, ko arüh tsü khütoh-inang dhing! Ko arüh shü la khütoh-i mükingkehchonang dhing.

MATHI 23:9

Ko hiba limih la sütesü nührünü ‘Uwa’ pü tüdsi, tunüo nührü Au khüdu du tsü ninglang lile.

MATHI 5:45

Hütsünü nührü ninglang liba Au tsurüti kangnung. Tunüo abinü atsarü ko amütsarü anyüding michah apu nyü thsakehjüre, ko atsa nguchirü ko amütsa nguchirü michah tsing rosohre.

MATHI 6:16

“Ko khode nührünü kongnang, akhürahrü roh-isü romih tümükhüm. Arüh kongcho nyitsarü khyang ngusohnung nengdang arühnü arüh romih mükhümre. Ihnü yore, arüh khyang ajeng jopehko.

MATHI 6:9

Hütsüeko, nührünü hiroh-i dangkhidangnang. “‘Ninglang liba Uwa: Nü neng Amüsa hechisohng;

MATHI 9:8

Sühdinü hütsü ngude, arühnü drücho, ko nyitsarü khyang zii hütsütoh-i jücho nengdang Tsingrangba neng secho.

YUSE ATSA LUK 11:2

Jisu-nü arüh te yocho, “Nührünü dangkhidangnangde hiroh-i young: “Uwa: Nü neng amüsa hechisohng; Nü yanglih rosohng.

JOHAN 15:8

Nührünü asih khütango sihcho khu I U ahechi ngusohre; ko hütsüta nührü I monoti kangre.

RIWÜRÜTI NGUCHI 9:36

Joppa la yudsilarü khüdu anengnü Tabitha licho. (Greek yula abükyü neng Dorkas, adüzü “Shümüshü.”) Abükyünü akang ayung nguchi atsa nguchi ko ailümrü tro licho.

1 KORINTRÜ 14:25

Abi lasih la rang licho apüm mishanung, ko mükhukeh mülang nyengcho yonung, “Tsingrangba hila nührü yola yuje lile.”

2 KORINTRÜ 9:13

Ko nührü nguchi yuzinü Khrista yuse nengdang yochonyiba, arüh ko aparü atümung te nührü amüküp changtacho khu adrongnü Tsingrangba khyang anengse jünung.

GALATIARÜ 1:24

Hütsüta I khyanglangnü arühnü Tsingrangba neng secho.

EFESIARÜ 2:10

Tsingrangba-nü Ihsa ade khüta liro, hütsü roh-i thricho, ko abinü Khrista la nguchi atsa akang nengdang Ihsa thricho khüi Ihsa khyang nguchisohnung abinü rungnümjung licho.

EFESIARÜ 5:8

Nührübürü mii khüdupi amala licho, ta Abüdongba nyitsarü kangchonü, nührü ade atsingse la lile. Hütsüeko nührünü atsingse tsurüti kyo lieng,

1 TESALONIKARÜ 2:12

Ihrünü nührü thsüchicho, tbachijücho, ko Tsingrangba sünü nührü apu Yanglih ko ahechi la nohlüm khyünung dsicho, abi künyangnungthsa akang linung ihrünü nührü te mütozah thsüchi rore.

1 TIMOTI 2:10

ta nguchi atsa ko khingkurü chah phishuba yudsilarü kyo arüh shü ko jengki athsalangnü khyüsohnyüre.

1 TIMOTI 5:10

nguchi atsa nguchi licho; tsuzarü athsalangnü nümüsucho, shirü tsa kangcho, khristan jünirü nengdang atsa nguchicho, chongcharü trocho, ko atsa nguchinung la akang khakhuchüjücho, hitari du khiyohng.

1 TIMOTI 5:25

Hütsüta nguchi atsa tsü khohcheh ngure, ko dee khohcheh müngunyesü mürangpüchehre.

1 TIMOTI 6:18

Atsa nguchinung, nguchi atsa la alirü thsanung, amüi nguchinung, ko aparü te changtanung rungnüm linung arüh te young.

TITAS 2:14

Abinü amütsa apüm lanü Ihsa khümchonung ko apu yo amüsa nyitsarü, atsa nguchinyürü kangsohnung abinü apu akang jücho.

TITAS 2:7

Nü jangjang lüpcho la saying atsa adüzü kang libae. Nü athsingyuba la dee müci jüng.

TITAS 3:14

Ihsa nyitsarütinü ajingcho müliba akang tüli, ta yuje dhsütahti tsü desahnung nengdang; nguchi atsa nguchinung nyichosohng.

TITAS 3:4

Ta khode Ihsa Kangchehjüba Tsingrangba amüi ko yanglilüm mishacho,

IBRIRÜ 10:24

Amüi ngusohnung khüdunü khüdu te trota ko atsa nguchinü khüdunü khüdu khichitanung.

1 PETER 2:12

Müyudsirü yola nührü saying tsa yohpüng, hütsünü athsamehrü roh-i mülangjünye, arühnü nührü nguchi atsa ngunung, ko abi roba Nyümong Tsingrangba neng senung.

1 PETER 2:9

Ta nührü athrochehcho yucho, yangthsaba bebürüti, amüsa yanglih, Tsingrangba apu nyitsarü, abi anyemüyangnung nguchi sobhosohnung throchehcho, sünü nührü ama lanü apu anyemüyangnung atsingse yang dsicho.

1 PETER 3:1

Hütsü roh-i nitpürüti, nührü niirü khürünü Tsingrangba yu müyudsinye, nührü sayingnü arüh yudsisohnungthsa arüh pohki lieng. Nührünü yu khüdusü yonung müdhsütah,

1 PETER 3:16

ta hütsü longlüm jengrengjo nguching. Khrista mono roh-i nü saying atsa nengdang nyüm chode, ko müthsamünyüde, arühbürünü chochola ashah khyüsohnungthsa, nü lümlong müsa lieng.

1 PETER 4:11

Jisu Khrista sü chah ahechi ko zii lede lidu liro, abi khu Tsingrangba khyang lüpcho la nengse jünungthsa, sünü thsingyuro abinü Tsingrangba yusi thsingyung; sünü dikehro abinü Tsingrangba-nü jücho re tsünü dikehng. Ahechi ko yanglih müchangkapü abi yo thsaang Amen.

1 PETER 4:14

Khrista mono thsacho khyanglangnü nührü mükhimüngukhang, nührü künyang; tunüo Tsingrangba ahechi anbü tsü nührü chah lile.