MATHI 4:23 - AMÜSA BAIBEL (BSI)

²³ Jisu-nü Galil apüm bongnü, Sinagog la donü, ninglang Yanglih Yuse Atsa thsingyu, ko dhsara ko füdhsa alang papa kehrü kyangjü wücho.

MATHI 4:23 Iomraidhean Croise

NENGSEKHI 103:3

Abinü I münyi apüm mülang pehjüre ko I dhsara apüm kyangjüre.

NENGSEKHI 74:8

Arühnü ihrü khüdupinü münohnah; arühnü Amüsa kuh müdüm apüm tahpehjücho.

MATHI 11:5

Nahtohrünü ngunung kohre, jingjahrünü tsehchehre, mübhira kehrü müsachehjüre, nangtbengrünü yuchire, asürü kanglisohre, ko yusi atsa tsü ailümrü te thsingyure.

MATHI 12:9

Jisu-nü hütsü müdüm pehjücho ko Sinagog lang wücho,

MATHI 13:19

Sürünü Tsingrangba Yanglih nengdang yusi yuchirü ta hütsü münyichehrü arüh tsü langthsilang longba majüh kyole. Amünyi tsü rorüh ko arüh chah shukehba majüh tsü rohcho hitsire.

MATHI 13:54

ko apu yangdi lang thali wücho. Abinü Sinagog la docho, ko abi yu yuchirü atümung nyemüyangcho. Arühnü tsingdhingcho. “Abi khüdenü lümlong hi ngucho?” “Ko abi thsayahiya tsü khüroh-io?

MATHI 14:14

Jisu kihtang la tsünü jürocho ko khode abinü sühdi tsü ngucho, abinü arüh nengdang lasih dhsa lümcho, ko abinü arüh dhsangnangrü kyangjücho.

MATHI 24:14

Ko hiba ninglang yanglih nengdang yuse atsa limih apümlang amüi tsurü atümung te yuzithsanung thsingyunung; hütsüpü achangka tsü ronung.

MATHI 3:2

Abinü yocho, “Nührü münyi lanü ximülaang, tunüo Ninglang Yanglih amünyethsa lile!”

MATHI 9:35

Jisu-nü yangditi ko yangdongti xodhingnü wücho. Abinü Sinagog la docho ko ninglang Yanglih Yusi Atsa thsingyucho, ko dhsara ko füdhsa papa kyangjücho.

MARK 1:14

Johan jingkhehka la rangyohpü, Jisu-nü Galil lanü wü Tsingrangba chahnü Yuse atsa thsingyucho.

MARK 1:21

Jisu ko amonoti Kapernaum yangdi lang rocho, ko Sabath nyümong abinü Sinagog la docho.

MARK 1:39

Achotsü Galil apümlang Sinagog la thsingyunü amünyi nbü iipehjo rachicho.

MARK 3:10

Abinü adrong kyangjüko, ko füdhsarü atümungnü abi chah thahpünung nyingta abi yanglang rocho.

MARK 6:2

Sabath nyümong abinü Sinagog la thsingyunung dikehcho. Hütsüla nyitsarü adrong licho; ko khode arühnü abi yu yuchicho, arüh atümung nyemüyangcho. Arühnü tsingdhingcho, “Abi khüdenü yu hiri ngucho? Abi khyang jüba lümlong hi tuo? Abinü thsayahiya khüta nguchichehro?

MARK 6:6

Abi dee nyemüyangcho, tunüo nyitsarüti tsü yudsi mülicho. Hütsüpü Jisu-nü hütsü mükang liba yangdongti lang wü thsingyucho.

YUSE ATSA LUK 10:9

hütsüla füdhsarü kyangjüng ko I nyitsarü te, ‘Tsingrangba Yanglih nührü amünyethsa lilepü young.’

YUSE ATSA LUK 13:10

Sabath nyümong khüdu Jisu Sinagog khüdula do licho.

YUSE ATSA LUK 16:16

“Mosa yuzeng ko azikehrünü thrahchoti tsü baptijüba Johan tizah bichi rocho; hütsütinü Tsingrangba yanglih yuse atsa tsü thsingyure ko atümungnü tsohkhuta züdure.

YUSE ATSA LUK 20:1

Nyümong khüdu amübükuh la Jisu-nü nyitsarüti te donü ko Yuse atsa thsingyu yade, bebü ayingti ko yuzeng dorüti azibarüti te müjang

YUSE ATSA LUK 4:14

Hütsüpü Jisu Galil lang thali rocho, ko Anbü Amüsa zii abi te licho. Ko abi nengdang yusi tsü hütsü mükyah apümlang sobhocho.

YUSE ATSA LUK 5:17

Nyümong khüdu Jisu-nü do lide, Galil, Judea ko Jerusalem yangdi müipi lanü rocho Farisirü ko yuzeng adorüti khürü hütsüla pümcho. Adhsangnangrü kyangjüsohnung Abüdongba zii abi chah licho.

YUSE ATSA LUK 6:17

Khode Jisu akhanglang tsünü riwürüti yola jürocho, abinü amonoti khütango yola angah khüdula yacho. Hütsüla nyitsarü khütango Judea lanü, Jerusalem lanü ko kihbekhüm yangditi Tyre ko Sidon lanü ro licho;

YUSE ATSA LUK 6:6

Sabath nyümong apa khüdu Jisu-nü Sinagog apa khüdula züdupü docho. Hütsüla akheh tsalang sücho nyüh khüdu licho.

YUSE ATSA LUK 7:21

Hütsü shikhela tsü Jisu-nü füdhsa, dhsara ko amünyi nbünü rangcho nyitsarü adrong kyangjücho, ko nahtohrü adrong ngusohcho.

YUSE ATSA LUK 7:22

Abinü Johan yusi hirüti te lalingcho, “Thali wüng ko nührünü tu ngucho ko yuchicho hütsü Johan te young: nahtohrünü ngure, jingjahrünü tsehchehre, mübhira kehrü müsachehre, nangtbengrünü yuchire, asürü kanglisohre, ko yuse atsa tsü ailümrü te thsingyure.

YUSE ATSA LUK 8:1

Azachah lipü yangditi ko yangdongti bongnü Tsingrangba Yanglih Yuse Atsa thsingyu wücho. Mono dhüreanyüh tsü abi yola wücho,

YUSE ATSA LUK 9:11

Khode sühdinü hütsü yuchicho, arühnü abi iiwücho. Abinü arüh khyüchocho, ko arüh te Tsingrangba Yanglih nengdang yocho, ko füdhsarüti kyangjücho.

YUSE ATSA LUK 9:60

Jisu-nü lalingcho, “Asürü tsü arühbürü asürü khyang dhrürangsohng. Ta nühlü wüng ko Tsingrangba yanglih sobhoung.”

JOHAN 18:20

Jisu-nü lalingcho, “Ihnü atümung te lede misha choko; ko I adoba apüm nyitsarü atümung shibülung chah Sinagog ko amübükuh la du docho. Ihnü khodesü rang tusü müyo.

JOHAN 6:59

Jisu-nü hi Kapernaum la Sinagog la dode yocho.

JOHAN 7:1

Hütsüpü khanglang, Jisu-nü Galil la rachicho; ta Judea lalü mürachinyücho, tunüo Jihudarünü abi müpsehnung yangchicho.

RIWÜRÜTI NGUCHI 10:38

Tsingrangba-nü khüta Nazaret-rü Jisu chah Anbü Amüsa ko Zii mükhakehjücho hütsü nührünü müdhele. Abinü apümlang wünü nguchi atsa nguchi ko amünyi zii pohki lirü kyangjücho, tunüo abi te Tsingrangba zehcho.

RIWÜRÜTI NGUCHI 18:4

Abinü Sinagog la Sabath nyümong mükhu yulengtanü Jihudarü ko Greek-rü anyüding kihchonung müküpcho.

RIWÜRÜTI NGUCHI 20:25

“Ihnü nührü atümung yola Tsingrangba yanglih thsingyu rachiko. Ko adelü nührü sünüsü I romih anyüpiu müngunungepü Ihnü müdhele.

RIWÜRÜTI NGUCHI 28:31

Tu müthsungkyangpü abinü Tsingrangba yanglih nengdang thsingyunü ko Abüdongba Jisu Khrista nengdang rezeh docho.

ROMRÜ 10:15

Ko thsingyurü tsü mümüthehkhang yusi tsü khüta sobhonung? Amüsa yunü yocho kyo, “Yuse atsa thsingyurü jing tsü khüta atsah atsa!”