MATHI 4:10 - AMÜSA BAIBEL (BSI)

¹⁰ Hütsüde Jisu-nü lalingcho, “Tsipehng, Satan! Amüsa yunü yore, ‘Abüdongba nü Tsingrang mübüng ko abi du dikehng!’”

MATHI 4:10 Iomraidhean Croise

1 ROHTHÜP 21:1

Satan-nü Israel michah chongcha hirojünyücho, hütsünü abinü David khyang mono khinung dhrongchehsohcho.

JOB 1:12

Abüdongba-nü Satan te yocho, “Dhing, abi licho lüpcho nü kheh la zehle, ta nühnü Job apu du tsü tüthsakehjü.” Achotsü Satan-nü hütsülanü tsicho.

JOB 1:6

Khode ninglangrünü Abüdongba te shirütanung nyümong chihcho, arüh yola satan-sü zehcho.

JOB 2:1

Adesü ninglangrünü Abüdongba te shirünung nyümong chii rocho ko arüh yola Satan-sü zehcho.

NENGSEKHI 109:6

I rorüh yukhanung amükhyu yukharü throchehng, ko apu rorüh yola khüdunü mülangjüsohng.

NÜCHEHCHO 23:25

Nührünü Ih Abüdongba nührü Tsingrang mübükhang, nührü tsang ko kih michah amüwa linung ko dhsara khyümüijünung.

ISAYA 30:22

Nührünü hon ko taripinü münohcho kyothri hironung, ko athrünyi kohro khüdu kyo “I nah tenü tsiengpü züde dhipehnung!”

MATHI 16:23

Jisu-nü ximüla Peter te yocho, “I tenü shehkhung, Satan! Nüh I nengdang amüthikehsing khüdu lile, tunüo nü lümlong hi Tsingrangba chahnü mah, ta nyitsarü chahnü lile.”

MARK 1:13

khüde nyümong yüre satan-nü thsadsü licho. Hütsüla rangmü kanglungrüsü licho, ta ninglang riwürünü ro abi trocho.

YUSE ATSA LUK 10:18

Jisu-nü arüh te lalingcho, “Ninglangnü ningmüla roh-i Satan shohjocho Ihnü nguko.

YUSE ATSA LUK 11:18

Hütsü roh-i Satan yanglih la amülung khüdunü khüdu te khatakhang, hütsü khüta yachehnung? Ihnü amünyi nbü iipehba tsü Belzebul ziinü nguchisohrepü nührünü yore.

YUSE ATSA LUK 13:16

Ade hila Abraham chahnü sihchocho khüdu kang dhürekeh satan-nü rahyohpücho lile; Sabath nyümonglü abükyü mülehchehjünung do?”

YUSE ATSA LUK 22:3

Hütsüde mono dhüreanyüh yola khüdu Iskariot pü dsiba Judas chah Satan züducho.

YUSE ATSA LUK 22:31

“Simon, Simon! Nyieng! Luthsarünü mayü lanü fürü müthrachehcho roh-i, atsa ko amütsa changshonung ko nührü atümung thsadsünung nengdang satan amülaba nguko.

YUSE ATSA LUK 4:8

Jisu-nü lalingcho, “Amüsa yunü yore, ‘Abüdongba nü Tsingrang mübüng ko abi du dikehng!’”

JOHAN 13:27

Judas-nü hümdhse tsü khyüyeng abi chah Satan züducho. Jisu-nü abi te yocho, “Nüh tu nguchinung lirünang zah nguching!”

RIWÜRÜTI NGUCHI 26:18

Arühnü I chah yudsicho khu arüh münyi mülang pehnung ko Tsingrangba athrochehrü yola nohlüm khyürü kangnung nengdang, amarürah lanü atsingse yang ko Satan zii lanü Tsingrangba yanglang arühnü ximülanung nengdang nühnü arüh nahtse khangthrujünung.’

RIWÜRÜTI NGUCHI 5:3

Peter-nü abi te yocho, “Ananias, amüthsüh achangsho rang yohponü Anbü Amüsa bete arahkheh chonungthsa tuepü Satan khyang nüh kihyochüsohcho?

1 KORINTRÜ 5:5

Abüdongba Nyümong anbü khümchonungthsa, hütsüba nyitsarü tsü Satan kheh la jüng.

1 KORINTRÜ 7:5

Nührünü dangkhidangnangla khakhuchüjüchehnung shulüm amüngunü yutrümpü, akhikyah chah khu khüdunü khüdu tüdhsongli; ko abürü jangjang mürahsehcho khu Satan-nü müthsadsüsohnung thali shirütaang.

2 KORINTRÜ 11:14

Hi tu nyemüyangnung mühle! Satan-nü mii atsingse ninglang riwürü kyo ngusohnung tsahthrimülare.

2 KORINTRÜ 12:7

Ihnü ngucho anyemüyangnungti khu Ih alaa mümüthsehnung nengdang, I khyang shutsa la zeng khüdu jücho, hütsünü satan riwürü khüdu kyo, I chah xüpnung, ko müthsehnung lanü ranglinung.

2 KORINTRÜ 2:11

Satan-nü Ihsa michah tulasü mükohnung nengdang pehjüre; tunüo abi rah Ihsanü müdhele.

AZIKA YU 10:20

Abüdongba nührü Tsingrang yocho nyieng ko Abi du mübüng. Abi te yuje choung ko Abi nengla du nührünü yuchüm.

JAKOB 4:7

Hütsüeko, Tsingrangba pohki lieng. Motsing nyüm yang ko abinü nührü drü tsinung.

JOSHUA 24:14

Joshua-nü mütozah yocho, “Hütsüeko ade, Abüdongba dhiching ko yuje cho abi dikehng. Nührü jümürünü Mesopotamia ko Ijip la mübüba tsingrangti tsü pehng ko Abüdongba du dikehng.

1 PETER 5:9

Nührü yudsi drengdreng ko abi yatieng, tunüo limih apüm la nührü müjang yudsirüti atümung hiroh-i du chongcha dhsükehlepü nührünü müdhele.

1 SAMUEL 7:3

Samuel-nü Israelrü te yocho, “Nührünü nührü lasih apümnü Abüdongba yang ximülaekhang, nührünü yangpirü tsingrang ko Astarte tsingranglarü tenü zang. Abüdongba te nührü jangjang müsachehng ko Abi du mübüng, khang Abinü nührü Filistinrü khehlanü khümchonung.”