MATHI 3:7 - AMÜSA BAIBEL (BSI)

⁷ Khode Johan-nü Farisirü ko Sadukirü adrong baptisohnung abi yanglang rochi ngucho, abinü arüh te yocho, “Nührü mürüti, Tsingrangba-nü müthehnung liba akhingchi lanü tsichehnung sünü nührü te yocho?

MATHI 3:7 Iomraidhean Croise

LIPOH 3:15

Ihnü khingkutpü nühjü arorüh kangsohnung; abi za ko nü za lede arorüh thsanung. Abi zanü nü thah jürüpnung ko nühnü arüh thsühza la mükyühnung.”

CHOYOH 28:4

Nühnü yuzeng münyikhang amütsarü khümre; ta nühnü nyikhang arüh nyümre.

ISAYA 59:5

Nührünü rah amütsa külüpba tsü müyüh kehba mürü kyü kyole. Akyü tsü lahphohng, hütsülanü mürü chüronung!

JEREMIA 51:6

Babylon lanü tsieng! Nührü akang khümcho tsieng! Babylon münyi ngang nührü tüsü, ade Ihnü rühyangre ko abi aleng khingchire.

JEREMIA 6:10

Ihnü lalingcho, “Ihnü arüh te müzahsoh chokhang sünü I yochonyinung? Arühnü hongzi Nüyu mii mühnyire; Nühnü I khyang yosohbala tsü arühnü münyodhingre.

MATHI 12:24

Khode Farisirü-nü hi yuchicho, arühnü yocho, “Arüh Aziba Beelzebul-nü hütsüroh-i nguchinung abi khyang zii jücho dunü abinü amünyi iipehjüre.”

MATHI 12:34

Nührü mürü zati, nührü mütsa yohpüpü khüta atsa choro? Tunüo lasih la tu liro hütsü du benü chore.

MATHI 15:12

Hütsütade monoti ro abi te yocho, “Nühnü yoba yu tsünü Farisirü müthikehsorepü nühnü mümüdheo?”

MATHI 16:1

Farisirü ko Sadukirü khürü Jisu thsadsünyo abi yang rocho ko arühnü thsayahiya khüdu ngusohngpü tsingdhingcho.

MATHI 16:6

Jisu-nü arüh te yocho, “Farisirü ko Sadukirü bhüpza nengdang müzahng.”

MATHI 22:15

Farisirü-nü wünü atsingdhingbanü Jisu xohsohnung arah külüpcho.

MATHI 22:23

Hütsü nyümong tsü Sadukirü khürü Jisu yang ronü nyitsarü asücho lanü kangchehli müronungepü yocho.

MATHI 22:34

Khode Farisirü-nü Jisu-nü Sadukirü sah müthsasohpü yuchicho, arüh müjang rocho,

MATHI 23:33

Nührü mürüti ko mürü tsurüti! Mümehmi züdunung mülangjücho lanü tsiphunung nührünü khüta longdiro?

MATHI 5:20

Hütsüeko Ihnü nührü te yore, yuzeng athsingyurü ko Farisirü tenü nührü yudsi ahou müthsakhang, nührünü ninglang Yanglih la khodesü müzüdunung.

MARK 12:13

Farisirü khürü ko Herod mülung lanü khürü yu tsingdhingnü abi xohsohnung müthehcho.

MARK 12:18

Hütsüde asü lanü kangchehli müronungepü yoba Sadukirü khürü Jisu yanglang ronü yocho,

MARK 8:15

Jisu-nü arüh müzahsohnü yocho, “Nyieng, Nührünü Farisirü ko Herod-rü bhüpza nengdang müzahmükieng.”

YUSE ATSA LUK 16:14

Khode Farisirü-nü hi apüm yuchicho, arühnü Jisu münyodhingcho, tunüo arühnü thsi müicho.

YUSE ATSA LUK 18:11

“Farisiba tsünü pathsa yapü dangkhidangnangcho, ‘Tsingrangba, Ih aparü roh-i müxümüngu, yuje mücho, nahtrahnaxeng mahkhang alihmüthsü dhribong hivi mükyocho nengdang Ihnü nüh sere.

YUSE ATSA LUK 7:30

Ta Farisirü ko yuzeng adorütinü arüh nengdang Tsingrangba alümcho tsü mükhyüchocho ko Johan khyang mübaptisohcho.

JOHAN 1:24

Hütsüde Farisirü-nü müthehba yusi hirü tsünü Johan te tsingdhingcho,

JOHAN 8:44

Nührü, nührü au motsing tsurüti ko nührünü nührü au lümcho la du tsehnyüre. Abi adikehdinü amüpsehrü ko khodesü yuje la mühle, abinü arahkheh choba tsü abi susuh, tunüo abi arahkhehrü ko arahkheh apüm au.

JOHAN 9:40

Farisirü khürü hütsüla abi te yarünü hütsü yuchi abi te tsingdhingcho, “Ihrü mii nahtohrü mah-o?”

RIWÜRÜTI NGUCHI 15:5

Ta Farisirü lahpi zehrü yudsirü khürünü shemüsu yocho, “Yangpirü tsü müjüp-pehbae ko Mosa yuzeng bichisohbae.”

RIWÜRÜTI NGUCHI 20:31

Hütsüeko khengyeng, ko kang asang nührü nyitsarü müipite ama atsingse nahshükih sho dochoepü lümchehng.

RIWÜRÜTI NGUCHI 26:5

Ih akhudinü khüta ihrü yangthsa mülung Farisirü yola adrengdreng khiyoh kang rocho, hütsü nengdang arühnü lümrelang I nengdang yuzi jüchehle.

RIWÜRÜTI NGUCHI 5:17

Hütsüde amichahba bebü ko ashangrüti, Sadukirü mülung la khiyohti atümungnü riwürüti dee nahmohcho; hütsünü riwürüti nyüm nguchinung arühnü dhrongchehcho.

ROMRÜ 1:18

Amünyi apüm ko nyitsarüti münyi khüinü yuje tsü yatiro, hütsü nyüm Tsingrangba rihlong chüroba misha lile.

ROMRÜ 5:9

Abi sücho khu ade Ihsa Tsingrangba te langjüko; khang, abinü khütoh-i alaa Tsingrangba rihlong lanü Ihsa khümchonung!

1 TESALONIKARÜ 1:10

ko atsudhre Jisu ninglangnü roba yingnung, sü abinü asücho lanü kanglisohcho, ko sünü aronung liba Tsingrangba rihlong chüronung lanü khümchoro, hiri nengdang nyitsarü atümungnü dangchire.

IBRIRÜ 11:7

Yudsinü Noa khyang aronung liba amünguba nengdang Tsingrangba amüzahnung yu yuchisohcho. Abinü Tsingrangba yochonyi Singkong khüdu külüpcho ko hütsüla abi ko akukhi khümchocho. Abi yudsinü limih mülangjücho, ko yudsi khu roba amüsaba kangcho.

IBRIRÜ 6:18

Hinyi la Tsingrangba-nü mümülichichehnung, ko mürakhehchehnung. Hütsünü Ihsa abi te khümcho lirütinü Ihsa bete alongdi khyangpüjüba nengdang drengdreng romehnung thsüchire.

1 JOHAN 3:10

Hinü Tsingrangba tsurü ko motsing tsurü adukah tsidsajüre: sünü yuje tsü münguchiro ko ajünirü mümüiro abi Tsingrangba tsurü mah.