MATHI 3:12 - AMÜSA BAIBEL (BSI)

¹² Fürü apüm winung abi kheh la müro biyale. Abinü abi shih la fürü hibülungnung, ta abinü mayülü khodesü mümehba michang la tahpehnung.”

MATHI 3:12 Iomraidhean Croise

JOB 21:18

Ko nyübongla mayü roh-i fü mütsidhingsoh-o? Mahkhang tsingxinyübongla asongsong roh-i müfotsidhingsoh-o?

NENGSEKHI 1:4

Ta nyitsarü amütsa hütsüta mah; Arüh tsü nyübongnü fotsiba mayü kyole.

NENGSEKHI 35:5

Abüdongba riwürünü arüh iichide, nyübongnü fotsiba manying kyosohng!

ISAYA 1:31

Mihpi michangnü manying trüpcho kyo, athrungrüti palu amünyi nguchinü changnung, ko athsangnyang tsü sünüsü müyatichehnung.

ISAYA 17:13

Yuchotinü kih thotho roh-i rore, ta Tsingrangba-nü arüh yübüre ko arühnü nyehlire, akhangchah asongsong kyo fopehre ko mayü kyo nyübongnü fopehre.

ISAYA 27:4

Adelü Ihnü shükusiluh te zii müchürore. Hütsüla zeng suropü du Ihnü arüh riri trüp-pehnung.

ISAYA 28:28

Abinü litoh thsangnyangnungthsa münyehre, ta khütapü atse müchürosohpü nyehchehnung abinü müdhele.

ISAYA 30:24

Nührü luh xüba misüpung ko gaduti atsauba manying tsunung.

ISAYA 41:16

Nühnü arüh nyübongla shu pehnung; ko nyübongnü arüh fütsinung, ko tsingxinyübongnü arüh shupishuzanung. Hütsüde Ih nührü Tsingrang thsacho ngang; nührünü künyangnung, Nührünü I Amüsa Israel Tsingrang neng senung.”

ISAYA 5:24

Hütsüeko ade, manying ko za akungcho tahkureng trüpcho kyo, nührü ara tsü sühtpah pehnung, ko nührü api tsü kungpehnung, ko fotsinung, tunüo Akohbong Abüdongba, Israel Amüsa Tsingrang-nü Ihsa te docho nührünü mübichi.

ISAYA 66:24

Arüh tside, I nyümrü me arühnü ngunung. Hütsüri tsuba müci khodesü müsünung, ko hütsüri trüpba michang khodesü mümehnung. Arüh athrünyinung tsü liküprü nengdang khüdu thsanung.”

JEREMIA 15:7

Alih la yangdi mükhu la, mayü kyo nyübongla Ihnü nührü shu müthehcho. Ihnü nührü changjücho, müyurüti, Ihnü nührü tsuzarüti kyüsehcho, tunüo nührünü nührü amünyi lang lanü müzacho.

JEREMIA 17:27

Ta arühnü Iyu nyieng ko Sabath nyümong müsa mung. Arühnü hütsü nyümong Jerusalem tbükhüm khu tusü mühizüronung, arühnü hizürokhang, Ihnü Jerusalem tbükhümti chah michang thsürangjünung. Michang tsünü Jerusalem yangthsaba kuh trüpnung ko hütsü sünüsü mümehchehsohnung.”

JEREMIA 4:11

Jerusalemrü te lipilih lanü nyübong adhsa arüh yang folepü yonung becho chihle. Hütsü mayü fopehba alonglüm nyübong müthsanung.

JEREMIA 51:2

Nyübongnü mayü fopehcho kyo Babylon changsohnung Ihnü shuparü müthehnung. Hütsüba achangba nyümong rode, arühnü apümlangnü benung ko alih tsü adeng pehjünung.

JEREMIA 7:20

Hütsü khu, Ih, Abüdongba-nü hiba Amübükuh chah I rihlong mükhakehnung. Ihnü hütsü nyitsarü ko kanglungrü apüm chah mükhakehjünung ko, singdonglidong ko tsahmarü chah mii küdusohnung. I rihlong tsü sünüsü mümehchehsohba michang kyo linung.”

HOSEA 13:3

Hütsünü hiri nyitsarü anyangnyü yingdhsa ko yingkih kyo changpehnung. Pungkhyangla nyübongnü fopehba mayü ko mikhu tsisingla mikhu kyonung.

AMOS 9:9

“Ihnü yuzeng jünung ko yejang la fürü yecho kyo Israelrü yenung. Amütsarü pehnung nengdang apüm yolanü Ihnü Israelrü yenung.

MALAKI 4:1

Akohba Abüdongba-nü yore, “Amüthsehrü ko amünyirü atümung manying roh-i tahpehnung nyümong tsü role. Hütsü nyümong arüh tahpehnung ko arüh tusü münyingnung.

MATHI 13:30

Maxa kyang müchide anyüding chisohng. Hütsüde, Ihnü maxarü te akhu sepungza tsü rohnung ko abhong kang rahnung ko tahpehnung, hütsüpü du fürü tsü I shih la hibülungnung yonung.’ ”

MATHI 13:41

Nyitsarü Tsurünü apu riwürüti abi yanglih lanü amünyi shitpasohrü atümung ko amünyi nguchirü atümung nübülungsohnung.

MATHI 13:42

Ko hütsüla arüh ha mütrehketa tranung, ko michang la arüh rangyohnung.

MATHI 13:43

Hütsütade Tsingrangba nyitsarüti Au Yanglih la nyü roh-i vinung. Nyieng, nührü nangkhi tpehkhang!

YUSE ATSA LUK 3:16

Hütsünü Johan-nü arüh te yocho, “Ihnü nührü kih la baptijüre, ta I tenü adiuba khüdu tsehle. Ihlü abi jingkhüm yo lehchehnungsü müleng. Abinü nührü Anbü Amüsa ko michang la baptijünung.

YUSE ATSA LUK 3:17

Pungkhyang lanü fürü wicheh abi shih la khyübülungnung nengdang, apu kheh la müro biyale; ta abinü ayülü khodesü mümehba michang la tahpehnung.”

JOHAN 15:2

I chah liba asih müsihba ajengza tsü abinü kyopehre, ko asih sihba jengza tsü asih alaa sihsohnung abinü hütsü dhrükehjüre.