MATHI 3:11 - AMÜSA BAIBEL (BSI)

¹¹ Nührü lasih thsamülacho amüdhethsa Ihnü nührü kih la baptijüre, ta sü I khanglang ronung liro abinü nührü Anbü Amüsa ko michang la baptijünung. Abi I tenü dee adiu; Ihlü abi jingkhüm hinungsü müdekheng.

MATHI 3:11 Iomraidhean Croise

ISAYA 4:4

Abüdongba-nü abi tase yucho yukhanung ko Jerusalem mülang ko hütsüla threhba ashüh thsütoh pehjünung.

ISAYA 44:3

“Xoseh liba lih khyang Ihnü kih jünung ko akung lanü yongkhi pohsohnung. Ihnü nührü tsuzarü michah I nbü mükhakehjünung ko nü trah chah amüwa mükhakehjünung.

ZEKARIA 13:9

Ko nying lirü nohlüm asanguba tsü michangnü taripi mülucho roh-i Ihnü arüh müsachehjünung. Hon roh-i Ihnü arüh müchehdhingnung. Hütsüde arühnü Ite kihchinung, ko Ihnü arüh te lalingnung. Arüh I nyitsarüepü Ihnü arüh te yonung, ko Ih tsü arüh Tsingrangepü arühnü nyengchonung.”

MATHI 3:6

Arühnü arüh münyi nyengchocho, ko abinü arüh Jordan yongkhi la baptijücho.

MARK 1:4

Johan-nü lipilih la thsingyu ko baptijo rocho. “Nührü münyi lanü lasih thsamülang ko bapting” ko Tsingrangba-nü nührü münyi pehjünung.

YUSE ATSA LUK 1:17

Abinü azikehrü Elija kyo rezehnü Abüdongba müngu wünung. Abinü auti ko azarüti kehtalijünung; abinü ayocho mühnyirüti amüsaba langlang ximülasohnung; abinü Abüdongba nyitsarüti abi nengdang rungnümsohnung.”

YUSE ATSA LUK 3:16

Hütsünü Johan-nü arüh te yocho, “Ihnü nührü kih la baptijüre, ta I tenü adiuba khüdu tsehle. Ihlü abi jingkhüm yo lehchehnungsü müleng. Abinü nührü Anbü Amüsa ko michang la baptijünung.

YUSE ATSA LUK 3:3

Hütsünü Johan-nü Jordan yongkhi mükang liba lih atümunglang wünü thsingyu yocho, “Nührü münyi lanü ximüla bapting, ko Tsingrangba-nü nührü münyi pehjünung.”

JOHAN 1:15

Johan-nü abi nengdang chocho. Abinü züde yocho, “Abi I khanglang rore, ta abi I tenü adiuba, tunüo abi ‘Ih müsuro denü lijungcho ko sü nengdang Ihnü yocho, abi tsü hivie.’ ”

JOHAN 1:30

‘Abi I khanglang tsehle, ta abi I tenü adiuba, tunüo abi Ih müsuro denü lijungcho ko sü nengdang Ihnü yocho, abi tsü hivie.’

RIWÜRÜTI NGUCHI 1:5

Johan-nü kih la baptijücho, ta tunyah mülipü nührü Anbü Amüsa la baptijünung.”

RIWÜRÜTI NGUCHI 19:4

Paul-nü yocho, “Johan-nü baptijüba tsü amünyi lanü lasih thsamülarü nengdang; ko abinü Israelrü te abi khanglang roba Jisu chah yudsinung yocho.”

RIWÜRÜTI NGUCHI 8:36

Anyüh jowüyade, kih azikyah licho müdüm khüdu chii rocho, ko adibong tsünü yocho, “Hila kih lile. Ih mübaptichehnungthsa tunü yatinung?”

RIWÜRÜTI NGUCHI 8:38

Adibongnü akhülusing tsü nyehlinung yuzengjücho, ko Filip anyüding kih la tsü züducho, ko Filip-nü abi baptijücho.

1 KORINTRÜ 12:13

Hütsü kyo, Ihsa atümung, Jihudarü thsanye, yangpirü thsanye, ayurü thsanye, nyüje thsanye, Anbü khüdu du tsünü füpüm khüdula baptijücho, ko Ihsa atümung khyang Anbü khüdu lanü tihcho.

EFESIARÜ 3:8

Tsingrangba tsurü achangba tenüsü Ih azauba; atanye müchangkaba Khrista nengdang Yuse Atsa yangpirü yang hinung,

TITAS 3:5

abinü Ihsa khümchocho. Hütsü Ihsa jangjangnü nguchi atsa nguchichonü mah, ta apu achomangnü, Anbü Amüsa sü khu Ihsa thsütohjo, asi surosoh akang asi jüro, abinü Ihsa khümchoko.

1 PETER 5:5

Hütsü roh-i, nührü azabarütinü azibarü pohki lieng. Ko nührü atümungnü azikyah kangbanü kihrümpü khüdunü khüdu dikehtang; tunüo amüsa yunü yore, “Tsingrangba-nü amüthsehrü yatire, ta alonglümrü khyang achomang jüre.”