MATHI 24:9 - AMÜSA BAIBEL (BSI)

⁹ “Hütsüde nührü rangnü khingchisohnung ko süsohnung khakhuchüjünung. I khyanglangnü amüi tsurü atümungnü nührü thrünyinung.

MATHI 24:9 Iomraidhean Croise

CHOYOH 29:27

Amüsanü amütsa thrünyire, ko amütsanü amüsa thrünyire.

DANIEL 11:33

Asithsa müyurü langnürütinü adrong te arüh lümlong changtanung. Ta azachah nengdang arüh khürü khatala kyüsehnung, khürü tahseh süsohnung ko khürü kengchopü arangyoh la yohpünung.

MATHI 22:6

aparüti tsünü kulirüti rangpü lahcho, ko arüh müpsehcho.

MATHI 23:34

Hütsüeko Ihnü nührü te yore, Ihnü nührü yanglang azikehrüti, müdhemüthehrü ko adorüti müthehnung; nührünü arüh khürü müpsehnung, aparü hamkehnung ko khürü Sinagog lanü xüpnah yangdi khüdu lanü khüdu chii tsehchinung.

YUSE ATSA LUK 11:49

Hi khyanglangnü Tsingrangba lümlongnü yocho, ‘Ihnü arüh yang azikehrüti ko yusi hirü müthehnung; arühnü khürü müpsehnung ko khürü dhsümthsenung.’

YUSE ATSA LUK 21:12

Ta hiri tikehnung thsade, nührü rangnung ko dhsümthsenung; nührü Sinagog ko arangyoh kuh la nowünung; nührü yangthsarü ko governor bete noronung.

JOHAN 15:18

“Limihnü nührü thrünyikhang, hinü Ih akhu thrünyichoepü nührünü lümchehng.

JOHAN 15:21

Ta arühnü hi apüm nührü chah nguchinung; tunüo nührü I yo ko arühnü Ih müthehbong mümüdhe.

JOHAN 16:2

Sinagog lanü nührü iipehnung, ko sünü nührü müpsehnang abinü Tsingrangba dikehrepü lümnungba bekhyah tsehle.

RIWÜRÜTI NGUCHI 28:22

Ta nü alümcho tsü ihrünü nyinyüre, tunüo apümlang hiba nüh zehba mülung nyümnü chocho ihrünü müdhele.”

RIWÜRÜTI NGUCHI 7:59

Arühnü Stefan chah mütozah lungnü kengde abinü Abüdongba te dsi yocho, “Abüdongba Jisu, I nbü khyüchoung!”

1 PETER 4:16

Atanye khristan thsachonü nührü chongchakhang, hütsü nengdang tüshah, ta Khrista nengla Tsingrangba neng seing.

MISHACHO 2:10

Dhsükehnung liba chongcha nengdang tu tüdrü, Dhing! Nührü thsadsünung nengdang motsingnü khürü arangyoh la rangyohnung ko nührü chongcha tsü nyümong dhüre nengdang linung. Asü chii rangchoung, ko Ihnü nührü khyang akang kuthri jünung.

MISHACHO 2:13

Satan yangthsaba pümji khüdenü, liro hütsü Ihnü müdhele. Nüh Ite yuje cho lile, ko motsing lichah Ih longlangcheh yuzithsarü Antipas müpsehba chichahsü nühnü I chah nü yudsi müthrüchahchüpeh.

MISHACHO 7:14

Ihnü lalingcho, “Ihnü mümüdhe, nühnü müdhele, adirü!” Abinü Ite yocho, “Hiri nyitsarüti hi adrünung dhsümthsedhsümloh lanü khümcho rorüti lile. Arühnü arüh jengki Sanza shüh la thsütoh thru kangsohko.