MATHI 24:7 - AMÜSA BAIBEL (BSI)

⁷ Yuchoti khüdunü khüdu te khatanung, ko yanglih khüdunü khüdu iichitanung. Apümlang yangkongthsükong ko alihyo zingba linung.

MATHI 24:7 Iomraidhean Croise

2 ROHTHÜP 15:6

Yucho khüdunü yucho khüdu sehchicho, yangdi khüdunü yangdi khüdu sehchicho, tunüo Tsingrangba-nü arüh chah chongcha ko awah hirojücho.

ISAYA 19:2

Abüdongba-nü yore, “Ihnü Ijip la müyurü kahla khata chürosohnung ko jünirüe jünirürü kahla ko kurümrüe kurümrürü kahla nyümtasohnung. Mükehta liba yangditi kahla khatanung, ko nyümta liba yangthsarüti tase nengdang rutanung.

ISAYA 29:6

Dhrongyengnü ko mülongdipü Akohba Abüdongba-nü nührü adrünung tsingxinyübong, ko alihyo zingba lanü khümchonung.

EZEKIEL 14:21

Amichahba Abüdongba-nü hita yore: “Ihnü Jerusalem michah akhingchi amütsauba müyü müthehnung, khata, yangkong, rangmü kanglungrü ko dhsara hirinü nyitsarü ko kanglungrüti changjünung.

EZEKIEL 21:27

Athsangnyang, athsangnyang! Ho, Ihnü yangdi tsü thsangnyangsohnung. Ta hiba yangdi khingchisohnung Ihnü throchehba tsü mürode, hi mütikehnung. Hütsüpü Ihnü hütsü abi khyang jünung.

ZEKARIA 14:13

Hütsüde Abüdongba-nü nyitsarü müipi abürü müshümba rangnung ko müpsehnungthsa Tsingrangba-nü yüyümingming ko drüsohnung.

YUSE ATSA LUK 21:11

Apümlang adrünung alihyo zingnung, yangkongdhsükong, ko arümra linung, ko ninglangnü adrünung ko amüdhethsa linung.

RIWÜRÜTI NGUCHI 11:28

Arüh yola nyüh khüdu anengnü Agabus yamüsu, alimih apüm la yangkong atrehdi ronungepü anbü la choyohcho. (Hütsü yangthsaba Klaudius chichah tikehcho.)

RIWÜRÜTI NGUCHI 2:19

Ihnü amilang ningchah thsayahiya ko apohki alih la anyemüyangnung nguchinung. Hütsüla ashüh, michang ko mikhu acheh linung.

IBRIRÜ 12:27

“Adesü khüdupi” pü yoba adüzü, athrichoti shühnahnung, ko khyümüinung ko tu müshünahchehro hütsü nyingnung.

MISHACHO 6:12

Ko Sanza tsünü ashingticho adhüroh-u tsü rohphoh khangthrucho Ihnü ngucho. Hütsüde alihyo atrehdi zingcho, ko nyü tsü arangshü roh-i anyah kangcho, ko chonu tsü ashüh kyo amoh kangcho.

MISHACHO 6:5

Hütsüpü Sanza tsünü ashingticho asangu tsü rohphoh khangthrucho; ko asanguba akang kanglungrü tsünü “Rung” pü yocho Ihnü yuchicho. Ihnü dhingcho ko hütsüla Kuri anyah khüdu licho. Hütsüla pümba kheh la tsü ahosing khüdu bicho.

MISHACHO 6:6

Akang kanglungrü müyü yola tsünü Ihnü yuchinü yuva khüdu chürocho, “Nyümong khüdu nyükheh ngang litoh süreh khüdu, ko lüdi süreh asang. Ta olive singdong ko shükusiluh tüthsangnyang!”

MISHACHO 6:8

Ihnü dhingde hütsüla Kuri apuleh khüdu licho. Hütsü chah pümba neng tsü Asüba ko asü yang abi shündhün iiwücho. Ko rothsa la, yangkongnü, adhsaranü, ko rangmü kangdinü süsohnung arüh khyang limih nohlüm müyü la khüdu michah tase jücho.