MATHI 23:4 - AMÜSA BAIBEL (BSI)

⁴ Arühnü bürü khangtung chah mükoh hinungthsa khe amüling dhikehjüre, ta arühnülü hütsüri tronung müyungza khüdusü mümühachire.

MATHI 23:4 Iomraidhean Croise

ISAYA 46:1

“Babylon tsingrang nengdang hi achangka! Khüdupilü Bel ko Nebo mübücho, ta adelü arüh gadu chah zangkehre, kyahsehba kanglungrü khangtung nengdang bhamüling.

MATHI 23:23

“Nührü ahohah, yuzeng adorüti ko Farisirüti! Nührü akhürahrüti! Nührünü axümlichi singvarova, thungwi, jira ko tonia hiri lanü mii Tsingrangba khyang dhüre nohlüm jüre, ta atungte Yuzeng adoba adüzünü yuje, yanglilüm ko yuje choba thrüchahchüpehre. Apa tsüsü müthrüchahchüpehpü hirisü bichibae.

MATHI 23:3

Hütsüeko arühnü tu yoro hütsü khyücho bichieng; ta arüh tüithsa, tunüo arühnü docho roh-i münguchire.

YUSE ATSA LUK 11:46

Jisu-nü lalingcho, “Nührü yuzeng dorüsü khüta adrünung! Nührünü nyitsarü khyang bha amüling zang mühehre, ta hütsüri bhamüling tronung nührübürü müyungza khüdu mii mümüyungchüre.

RIWÜRÜTI NGUCHI 15:10

Hütsütakhang, bha khüi Ihsanü mahkhang Ihsa jümürütinü mükoh hicho, hütsü yudsirü chah phungrangjonü, tuepü Tsingrangba thsadsüro?

RIWÜRÜTI NGUCHI 15:28

Yuzeng hiri chah khu apa bhamüling nührü khyang tu müjünung nengdang Anbü Amüsa ko ihrünü yutrümko:

GALATIARÜ 6:13

Amüjüp-pehrünü mii yuzeng tsü mübichire; ta nührü shutsa la arüh müthsehmülanung nengdang nührü müjüp-pehsohnyüre.

1 JOHAN 5:3

Tunüo Ihsanü Tsingrangba müireba tsü abi yuzeng bichicho du tsü lile. Ko abi yuzengti tsü Ihsa nengdang dee amülinglü mah,

MISHACHO 2:24

“Ta Thyatira la nührü anyingchoti nülü hiba amünyi adoba mü-iiwü; bürünü ‘Motsing asoh lümlong’ pü dsiba tsü nührünü mühnyicho. Nührü khyang bhamüling alaa müjünung Ihnü nührü te yore.