MATHI 22:3 - AMÜSA BAIBEL (BSI)

³ Thsüti la dsiyohrüti dsinung nengdang abinü apu kulirüti müthehcho, ta arühnü müronyücho.

MATHI 22:3 Iomraidhean Croise

NENGSEKHI 68:11

Abüdongba-nü yuzengjücho ko khingkurü adrongnü yusi tsü hicho:

ISAYA 30:15

Amichahba Abüdongba, Israel Amüsa Tsingrang-nü müyurü te yore, “Thali rung ko longlüm khüti I chah longlang. Khang nührü rezeh khümcho linung.” Ta nührünü hütsüta münguchire.

JEREMIA 25:4

Abüdongba-nü nührü yang abi dikehrü ko azikehrü mütozah müthehnye, nührünü mühnyicho.

JEREMIA 35:15

Ihnü nührü yang mütozah I dikehrü azikehrü müthehre, ko arühnü nührü te amünyi langti pehjünung ko yuje du nguchinung yore. Ko Ihnü nührü ko nührü jümürü khyang jüba lih la tsü lidu linung nengdang aparü tsingrangti mümübünung ko müdikehnung nührü te müzahsohko. Ta nührünü Iyu mühnyi.

HOSEA 11:2

Ta Ihnü abi alaa dside, abi alaa I tenü za tsire. I nyitsarünü Baal mübücho; arühnü kyothri khyang axümlichi tahcho.

HOSEA 11:7

Arühnü I tenü za tsinyüre. Arüh hong la zehba hongzih shulüm arühnü züdenung, ta sünüsü hütsü müpehjünung.

ZEFANIA 1:7

Abüdongba nyümong tsü amünyeh lile; hütsüeko ajingte longlüm lieng. Abüdongba-nü amüyurü kangmübü roh-i kyüsehnung rungnümle.

MATHI 21:34

Khode shükusih laanung akyang chihcho, abinü anguchirü yang abi nohlüm chingnung akulirüti müthehcho.

MATHI 23:37

“Jerusalem, Jerusalem! Azikehrüti müpsehba Tsingrangba-nü nührü yang müthehcho yusi hirüti kengsehba. Hünanü abükyü za aqo pohki nübülungcho roh-i, Ihnü khütopi nührü atümung shüptinyücho, ta nührünü I khyang müshüptisoh!

MATHI 3:2

Abinü yocho, “Nührü münyi lanü ximülaang, tunüo Ninglang Yanglih amünyethsa lile!”

MATHI 9:15

Jisu-nü lalingcho, “Kuthriba arüh yola pümpü, thsütila rorüti wah ngunung do? Hütsüta mah! Ta kuthribong arüh tenü notsipehnung nyümong tsü ronung, hütsüde du arüh kongnung.

YUSE ATSA LUK 13:34

“O Jerusalem, Jerusalem! Tsingrangba-nü nührü yang müthehcho azikehrüti müpsehba, ko yusi hirüti lungnü kengsehba. Hünanü abükyü za aqo pohki nübülungcho kyo, Ihnü khüdopi nührü atümung khyahrinyücho, ta nührünü I khyang mükhyahrisoh.

YUSE ATSA LUK 15:28

Amung aziba tsü khütang alongmüsah kuh la müzüducho; achotsü aunü chüro abi te kuh la zürung pü kihchicho.

YUSE ATSA LUK 19:27

Ko I rorüti sürünü arüh michah Ih yangthsarü mükangsohnyücho, arüh tsü hila norung ko I betenü arüh kyüsehng!’”

JOHAN 5:40

Ta akang ngunung nengdang nührünü I yanglang ronung mülümre.

RIWÜRÜTI NGUCHI 13:45

Jihudarünü sühdi tsü ngude, arühnü mükoh dhingcho; ko Paul-nü chocho yula yujinü abi mükhimüngucho.

ROMRÜ 10:21

Ta Israelrü nengdang abinü yore, “Yocho mühnyiba ko hongzirüti khyüchonung mükhyang I kheh müyungchü lile.”

IBRIRÜ 12:25

Hütsünü, sünü choro abi yu mühnyinung lanü müzahng. Sürünü limih la amüsa yusi jübong yu mükhyüchocho arüh mütsiphucho. Akhang, Ihsanü ninglangnü chobong chahnü ximüla tsikhang khüta tsiphunung!

IBRIRÜ 9:15

Hütsünü, sürü Tsingrangba-nü dsicho, arühnü azengchocho amüwa ngunung nengdang Khrista tsü asi anyengchocho langbürü kangcho. Akhudiba azengchotacho lide nyitsarüti thsamehba lanü za lisohnung nengdang asüba licho.

MISHACHO 22:17

Anbü ko Kulangwütpünü yore, “Rung!” Hi yuchirü müipinü “Rung” pü young. Sü xoro, rung; Sünü khyünyüro abinü amükangnü akang kih khyüng.

1 SAMUEL 9:13

Abi ro hütsü müchide adsiyohrü tsüsü tsunung mükoh, tunüo kangmübü tsü abinü akhu müwajünungbae. Ade wükhang, abi akhanglang tsü mütuwüede abi shirünung.”