MATHI 2:7 - AMÜSA BAIBEL (BSI)

⁷ Achotsü Herod-nü nyüchürolangnü axodhingrü tsü rang dsiro püti chürocho bekhyah tsü tsidsacho.

MATHI 2:7 Iomraidhean Croise

NENGSEKHI 55:21

Abi yu asu tenü ananau, ta alasih la nahmoh lile; abi yu tuji kyo anana, ta hütsünü nohsheng akohnü roh-i wasahre.

NÜCHEHCHO 1:10

Khata chürokhang arühnü Ihsa rorüh lahpi zeh Ihsa te khatanung ko tsipehnung. Arüh adrong mükangsohnung lang khürü yangchibae.”

KHIDHINGCHO 24:17

Ihnü aronung nengdang dhingcho, Ko Ihnü Israel yucho ngucho. Yangthsarü khüdu, avisa püti kyo, hütsüba yucho lanü chüronung. Komet kyo abi Israel lanü ronung. Abinü Moab langnürüti chah xüpnung Ko Seth-rü atümung xüptsunung.

MATHI 2:1

Yangthsaba Herod chichah, Judea lih Bethlehem la Jisu surocho. Tunyah mülipü, nyüchürolangnü asithsamüdherü khürü Jerusalem lang ro

MATHI 2:16

Khode Herod-nü nyüchürolangnü axodhingrü tsünü abi rahmütsakopü müdhecho, abi dee rihlong chürocho. Abinü Bethlehem ko amükang dhrezarüti kang anyüh ko apohki atümung müpsehnung yuzengjücho, hi axodhingrü chahnü abinü nyisiba püti chürocho bekhyah müchehpü nguchicho.

MATHI 2:8

Hütsüpü abinü arüh Bethlehem lang hiroh-i yopü müthehcho: “wüng ko azarü tsü dee müzah yangching, ko khode nührünü abi ngunang, Ihnüsü wü abi mübünung I tesü müdhesong.”

RIWÜRÜTI NGUCHI 24:22

Hütsüde Felix, sünü Lang nengdang müdhejung licho, abinü yukhaba tsü zahsohcho. “Khode amichahba anüchirü Lesias rochihcho” abinü arüh te yocho, “Nührü yu tsü Ihnü khajünung.”

MISHACHO 12:15

Hütsüde abükyü müyeh tsisohnung nengdang abükyü khanglang dragon-nü abe lanü kihmülüm pohchehsohcho.

1 SAMUEL 18:21

Abinü lümcho, “Ihnü David khyang Mikal khyüsohnung; Ihnü abükyü khu arah külüpnung, ko Filistinrü khyang abi kyüsehsohnung.” Achotsü anyüpiusü Saul-nü David te yocho, “Nüh I tsunyahrü kangnung.”