MATHI 2:4 - AMÜSA BAIBEL (BSI)

⁴ Abinü bebü ayingti ko Yuzeng adorüti atümung dsinü tsingdhingcho. “Khrista tsü khüde suronung?”

MATHI 2:4 Iomraidhean Croise

2 ROHTHÜP 34:13

Levirü aparü tsü kohro himüchita ko nguchi papa nguchirüti dhingyehcho, aparü tsü athrahrü ko khürü anyahrü licho.

2 ROHTHÜP 34:15

Abinü Shafan te yocho, “Ihnü hiba Amübükuh lanü Yuzeng vakha tsü nguko.”

2 ROHTHÜP 36:14

Hütsüchah lahkeh, Juda langnürüti, bebürü ko müyurünü arüh mükangmüshü liba yuchoti iithsa kyothri mübü, Abüdongba apunü Amüsa kangsohba Amübükuh münyisohcho.

EZRA 10:5

Achotsü Ezra te Shekania-nü tu yodhingcho hütsüta nguchinung pü bebürü, Levirü ko Israel langnürüti khyang yuchümsoh dikehcho.

EZRA 7:6

Ezra tsü Israel Tsingrang Abüdongba-nü Mosa khyang jüba yuzeng la axangcheh adorü licho.

NENGSEKHI 2:2

Yangthsarütinü nyümre, langnürütinü be müjangpü Abüdongba ko Abinü throchehcho yangthsaba nyüm arah külüpre.

JEREMIA 8:8

Nührü amüdherü ko nührünü I yuzeng müdhelepü khüta yonung? Dhing, yuzeng tsü yuje müchorü athrahrütinü thsamülako.

MALAKI 2:7

Tsingrangba yuje lümlong donung tsü bebürü nguchi. I lümcho nyichonung nyitsarünü arüh yang wüng, tunüo arüh Akohbong Abüdongba yusi hirü.

MATHI 13:52

Hütsütade abinü lalingcho. “Hi adüzü, Yuzeng adorü müipi sü ninglang Yanglih la mono khüdu kangro, abi tsü asi ko ahi kohro azahkehji lanü zangchehba kuh abüdongba kyole.”

MATHI 2:3

Hi yuchi yangthsaba Herod ko Jerusalem la lirü atümung dee müci rohchocho.

MATHI 2:5

“Judea lih la Bethlehem yangdila” arühnü lalingcho, Tunüo azikehrünü hiroh-i thrah lile:

MATHI 21:15

Bebü ayingti ko Yuzeng adorütinü khode abinü anyemüyangnung nguchicho ngucho, ko amübükuh la azarütinü “David Tsurü Neng seing” pü züdecho ngu zichürocho!

MATHI 21:23

Jisu-nü thali Amübükuh lang rocho; ko abinü do yode, Bebü ayingti ko azibarüti abi yang ronü tsingdhingcho, “Hiri nguchinung nüh tu tase liro? Sünü nü khyang hiba tase jücho?”

MATHI 26:3

Hütsüde bebü ayingti ko azibarüti Bebü amungthriba Kaifas kuh la shibülungcho,

MATHI 26:47

Jisu yu müchozah-e, mono dhüreanyüh yola khüdu Judas tsü ro chihcho. Abi yola bebü ayingti ko azibarütinü müthehcho nohsheng ko singdümpi bipü mülung amülah zeh rocho.

MATHI 27:1

Nyajang bebü ayingti ko azibarüti atümungnü Jisu süsohnung arah külüpcho.

MATHI 7:29

Abinü yuzeng adorü roh-i müthsapü tase bichi chocho.

MARK 8:31

Hütsüpü Jisu-nü amonoti te thsingyunung dikehcho: “Nyitsarü Tsurü dee chongchabae, azirüti, bebü ayingti ko yuzeng adorütinü abi mükhyüchonung. Abi süsohnung, ta nyümong asang khanglang kangli ronung.”

YUSE ATSA LUK 20:19

Yuzeng dorüti ko bebü ayingti tsünü hütsü chahnü Jisu rangnyücho, tunüo yukita abinü yoba hi arüh nyümrepü arühnü nyichehcho; ta arühnü nyitsarüti drücho.

YUSE ATSA LUK 23:10

Bebü ayingti ko yuzeng dorütinü shemüsu Jisu dee mülangjücho.

JOHAN 18:3

Achotsü Judas-nü Bebü ayingti ko Farisirü chahnü rothsarü mülung dsibhong ko thsunohrü bipü wücho.

JOHAN 3:10

Jisu-nü lalingcho, “Nüh Israel la adorü atsa khüdu, ko nühnü hi mümüdherü ang?

JOHAN 7:32

Sühdi tsünü Jisu nengdang jümjümcho Farisirü-nü yuchicho, hütsünü arüh ko bebü ayingtinü Jisu rangnung anyahrü khürü müthehcho.

JOHAN 8:3

Ko Yuzeng adorü e Farisirü-nü khingkurü khüdu nahtrahnaxeng yade rangchoba norocho, ko arüh atümung bete yasohcho.

RIWÜRÜTI NGUCHI 23:9

Khongba tsü alaa du kangcho, ko Farisirü mülung lanü yuzeng adorü khürünü shemüsu zinü nyümcho: “Hiba nyitsarü chah Ihrünü tu mülang müngure! Anbü khüdu mahkhang ninglang riwürü khüdunü abi te yuje chotapü linung!”

RIWÜRÜTI NGUCHI 4:5

Nyümong khüu tsü Jihudarü langnürüti, ko yuzeng adorüti Jerusalem la shibülungcho.

RIWÜRÜTI NGUCHI 6:12

Hütsüta arühnü nyitsarüti, azibarüti, yuzeng dorüti ruhmüsucho. Arühnü Stefan rang ashimükhong bete nowücho.