MATHI 2:13 - AMÜSA BAIBEL (BSI)

¹³ Arüh tsipü Abüdongba riwürü khüdu Josef melang chüro yocho, “Herod-nü azarü tsü müpsehnung yangchile. Hütsüeko shemüsung, azarü e atpa nyüh nüng, ko Ijip lang tsieng, ko Ihnü nüte tsinung müyode hütsüla lieng.”

MATHI 2:13 Iomraidhean Croise

1 YANGTHSARÜTI 11:17

arühnü Hadad ko Ijip lang rang tsiba au kulirü Edomrü chah khu adhrerüecho apüm kyüsehcho. (Hütsütade Hadad tsü azarü du licho.)

1 YANGTHSARÜTI 3:5

Hütsü romang Abüdongba-nü amelang abi te tsingdhingcho, “Ihnü nü khyang tu jüsohnyüro?”

JOB 33:15

Amala nyitsarü yüpjode, Tsingrangba-nü melang ko münguchehla chotare.

JOB 33:17

Arüh amünyi müshitpahsohnung Tsingrangba-nü chotare, ko müthsehnung lanü khümchore.

NÜCHEHCHO 1:22

Achangkathsa Farao-nü müyurüti khyang yuzengjücho “Ibrirü adhrerü surocho atümung Nile Yongkhi la müyehchüng, ta khingkurülü lisohng.”

MATHI 1:20

Abinü hütsü roh-i lüm lide, Abüdongba ninglang riwürü khüdunü melang abi te chüro yocho, “David tsurü Josef, nü nitpü thsanung Mary khyünung tu tüdrü. Tunüo Anbü Amüsa khu abükyü afü müdeng lile.

MATHI 10:23

Khode arühnü yangdi khüdula nührü dhsümthsenang, yangdi palang tsieng. Ihnü ajüje yore, “Nyitsarü Tsurü müroede nührünü Israel yangdi apüm la nührü nguchi münguchikhangenung.

MATHI 2:12

Hütsüpü arühnü palu lih lang lang pa langnü thalicho, tunüo Herod yang müthalinung Tsingrangba-nü melang arüh iiticho.

MATHI 2:14

Josef jesucho, ko azarü e atpa nyüh nüpü Ijip lang ama lanü tsicho,

MATHI 2:16

Khode Herod-nü nyüchürolangnü axodhingrü tsünü abi rahmütsakopü müdhecho, abi dee rihlong chürocho. Abinü Bethlehem ko amükang dhrezarüti kang anyüh ko apohki atümung müpsehnung yuzengjücho, hi axodhingrü chahnü abinü nyisiba püti chürocho bekhyah müchehpü nguchicho.

MATHI 2:22

Ta khode Josef-nü Judea la Herod müli atsurü Arkelas-nü yangthsa thsalepü yuchicho, abinü hütsülang wünung drücho. Melang abi te alaa dsechichonü abinü Galil lih lang wücho,

RIWÜRÜTI NGUCHI 10:22

Arühnü yocho, “Adirü Kornelius-nü ihrü müthehcho. Abi nyitsarü atsa ko Tsingrangba mübürü ko Jihudarü atümungnü abi jengreng drüre. Nühnü abi te tu yonung lirünang abinü nyinungba abi kuh la nüh dsiyohnung riwürü khüdunü abi te yocho.”

RIWÜRÜTI NGUCHI 10:7

Hütsüde riwürü tsü tsipehcho, ko abinü akulirü nyüh anyüh ko abi dikehrü Tsingrangba müdherü rothsarü khüdu dsicho.

RIWÜRÜTI NGUCHI 12:11

Hütsüde Peter-nü abi chah tu tikehcho hütsü lümcheh yocho, “Hi yuje tsalangepü Ihnü müdhele! Herod khehlanü ko Jihudarü nahmürahba lanü khümchonung Abüdongba-nü abi riwürü müthehko.”

RIWÜRÜTI NGUCHI 12:7

Dhrongyengnü Abüdongba riwürü khüdu yacho, ko hütsüla atsingse khüdu vikehcho. Riwürü tsünü Peter pakyarünü tphahmüsu yocho, “Zah shemüsung!” Hütsüde tsü akheh lanü tpoluyo tsü shohjocho.

RIWÜRÜTI NGUCHI 16:36

Hütsünü anyahrü tsünü Paul te yocho, “Yangthsarü chahnü Silas nühjü müthehnung yuva ro lile. Hütsüeko nühjü atbachila tsieng.”

RIWÜRÜTI NGUCHI 5:19

Ta hütsü romang Abüdongba ninglang riwürü khüdunü arangyoh trahtri khangthrujücho, ko riwürüti nücheh arüh te yocho,

RIWÜRÜTI NGUCHI 7:19

Abinü Ihsa jümürüti te thsacho ko mütsa bichicho, ko süsohnung nengdang akhungarüti dongkhu pehnung khingcho.

JOSHUA 3:13

Khode limih apüm Abüdongba Yuzeng Singdi dhirü bebürü tsünü kih la arüh jing mütrahrangnang, Jordan yongkhi tsü pohzahnung ko pohjüroba kih tsü müdüm khüdula tingbülung yanung.”

JOSHUA 3:17

Müyurü tsü akung lanü tseh lahkhude, bebürüti tsü müyurü apüm mütsikhangde Jordan yongkhi longla Abüdongba Yuzeng Singdi dhipü yacho.

JOSHUA 4:10

Abüdongba-nü Joshua te müyurü khyang nguchisohnung yoba lüpcho tsü münguchikhangde bebürünü Jordan longla tsü yacho. Hi Mosa-nü mülacho lile. Müyurütinü dhsüdhsa yongkhi tsü kehcho.

JOSHUA 4:18

ko khode bebürüti tsü kihbekhüm chii chürocho yongkhi tsü thali akong jengmülüm pohcho.

MISHACHO 12:14

Ta lipilih lang abükyü alichah khüde dragon kheh lanü khümcho kang asangpü achangsho linung, hütsü yang mong tsinung nengdang abükyü khyang müdi amülah qo anyüh jücho.

MISHACHO 12:4

Amüyingnü ningchah chenghi chang asangla khüdu tphah hiropü limih chah longsohcho. Ko akhunga tsü zatbüyeng tsunung abinü khingkutpü bete yacho.

MISHACHO 12:6

Ko khingkutpü tsü nyümong 1, 260 chii xükümnung Tsingrangba-nü müdüm khüdu rungnüm yohpüjücho lipilih yang tsicho.