MATHI 2:12 - AMÜSA BAIBEL (BSI)

¹² Hütsüpü arühnü palu lih lang lang pa langnü thalicho, tunüo Herod yang müthalinung Tsingrangba-nü melang arüh iiticho.

MATHI 2:12 Iomraidhean Croise

LIPOH 31:24

Ta hütsü romang Tsingrangba-nü Laban te amelang yocho, “Jakob chah tu amütsa tünguchi.”

NÜCHEHCHO 1:17

Ta atrorü tsünü Tsingrangba drüchonü yangthsaba yu tsü mühnyicho ko adhrerü suronye mümüpsehcho.

DANIEL 2:19

Hütsü romang melang tsü münguchehla Daniel te mishacho. Achotsü abinü ning Tsingrang nengse yocho:

MATHI 1:20

Abinü hütsü roh-i lüm lide, Abüdongba ninglang riwürü khüdunü melang abi te chüro yocho, “David tsurü Josef, nü nitpü thsanung Mary khyünung tu tüdrü. Tunüo Anbü Amüsa khu abükyü afü müdeng lile.

MATHI 2:13

Arüh tsipü Abüdongba riwürü khüdu Josef melang chüro yocho, “Herod-nü azarü tsü müpsehnung yangchile. Hütsüeko shemüsung, azarü e atpa nyüh nüng, ko Ijip lang tsieng, ko Ihnü nüte tsinung müyode hütsüla lieng.”

MATHI 2:19

Herod süpü, Ijip la Abüdongba riwürü khüdu Josef te melang chüronü

MATHI 2:22

Ta khode Josef-nü Judea la Herod müli atsurü Arkelas-nü yangthsa thsalepü yuchicho, abinü hütsülang wünung drücho. Melang abi te alaa dsechichonü abinü Galil lih lang wücho,

MATHI 27:19

Pilat yangthsaba pümji la pümyade, anitpünü yusi khüdu müthehchücho: “Mülang müliba nyitsarü chah tsü tu tünguchi; tunüo shomang I melang abi nengdangnü Ih dee chongchako.”

YUSE ATSA LUK 2:26

ko abinü Abüdongba anyengchocho Mesia tsü müngu delü müsünungepü abi te nyengchocho.

RIWÜRÜTI NGUCHI 10:22

Arühnü yocho, “Adirü Kornelius-nü ihrü müthehcho. Abi nyitsarü atsa ko Tsingrangba mübürü ko Jihudarü atümungnü abi jengreng drüre. Nühnü abi te tu yonung lirünang abinü nyinungba abi kuh la nüh dsiyohnung riwürü khüdunü abi te yocho.”

RIWÜRÜTI NGUCHI 4:19

Ta Peter e Johan nyühnü arüh te lalingcho, “Tsingrangba tenü nührü te nyinung tsü Tsingrangba bete athsalanga mahro nührübürünü tsidsa young.

RIWÜRÜTI NGUCHI 5:29

Peter ko aparü riwürütinü lalingcho, “Ihrünü nyitsarü tenülü Tsingrangba yochonyibae.

1 KORINTRÜ 3:19

Tunüo hiba limih lümlong tsü Tsingrangba jingte amüsithsa lile. Amüsa yunü yocho kyo, “Tsingrangba-nü asithsa abürü athsehdhsa la xohsohre”

IBRIRÜ 11:7

Yudsinü Noa khyang aronung liba amünguba nengdang Tsingrangba amüzahnung yu yuchisohcho. Abinü Tsingrangba yochonyi Singkong khüdu külüpcho ko hütsüla abi ko akukhi khümchocho. Abi yudsinü limih mülangjücho, ko yudsi khu roba amüsaba kangcho.

IBRIRÜ 8:5

Arühnü nguchiba tsü ninglang liba amübükuh nbükhüm du iithsare. Mosa-sü hütsü roh-i du licho. Khode abinü shükuh thsanung dikehcho, Tsingrangba-nü abi te yocho, “Lüpcho tsü nüte azong chah ngusohcho roh-i du thsaang.”