MATHI 18:4 - AMÜSA BAIBEL (BSI)

⁴ Sünü apu jangjang azarü hiroh-i longlüm kangnang abi ninglang Yanglih la adiuba.

MATHI 18:4 Iomraidhean Croise

ISAYA 57:15

“Ih müchangkapü liba amichahba ko Amüsa Tsingrang. Ih amilang ko Amüsa müdümla lire, ta arüh longlangba ko arüh alongdi lisohnung, longlüm ko lasih thsamülaba müyurü yolasü Ih lire.

MATHI 18:1

Hütsü shikhela tsü monotinü Jisu yang ro tsingdhingcho, “Ninglang Yanglih la sü adiubao?”

MATHI 18:3

ko yocho, “Ihnü ajüje nührü te yore, nührü mülichi azarü roh-i mükangde, ninglang Yanglih la nührü khodesü müzüduchehnung.

MATHI 18:5

Ko sünü I nengla hitari azarü khyüchonang, abinü Ih khyüchore.

MARK 10:43

Ta nührü yolalü hütsüta mah. Nührü yola khüdunü amülah kangnyükhang, anyingcho atümung dikehrü kangbae;

MARK 9:34

Ta arühnü abi te mülalingcho, tunüo arühnü langla arüh yola sü adiubao pü rehtacho.

YUSE ATSA LUK 14:11

Tunüo sünü palu jangjangthsa diro abi azikyah kangnung, ko sünü palu jangjangthsa azikyah kangro abi dinung.”

YUSE ATSA LUK 9:48

abinü arüh te yocho, “Sünü azarü hitari I nengla khyüchonang abinü Ih khyüchore; ko sünü Ih khyüchonang abinü Ih müthehbongsü khyüchore. Tunüo nührü atümung yola sü azauba abi tsü adiuba lile.”

JAKOB 4:10

Abüdongba jingte nührü jangjang longlüm kang, ko abinü nührü dhimüsunung.

1 PETER 5:5

Hütsü roh-i, nührü azabarütinü azibarü pohki lieng. Ko nührü atümungnü azikyah kangbanü kihrümpü khüdunü khüdu dikehtang; tunüo amüsa yunü yore, “Tsingrangba-nü amüthsehrü yatire, ta alonglümrü khyang achomang jüre.”