MATHI 18:3 - AMÜSA BAIBEL (BSI)

³ ko yocho, “Ihnü ajüje nührü te yore, nührü mülichi azarü roh-i mükangde, ninglang Yanglih la nührü khodesü müzüduchehnung.

MATHI 18:3 Iomraidhean Croise

NENGSEKHI 131:2

Ta, Ih longsü ko tbachi lile. Akhunganü atpa nyikih chah sahmüthsacho kyo, I lasih kyahshang lile.

ISAYA 6:10

Hütsüpü Abinü Ite yocho, “Hiri nyitsarünü müngunung, müyuchinung mahkhang münyichehsohnung; hiri thoh lüsohng, arüh nangkhi tbengsohng, ko arüh nah tohsohng. Mahkhang arühnü Ih yang ximülanung ko arüh kyangnung.”

MATHI 13:15

tunüo arüh lüm shütiko, ko arüh nangkhi cheh kangko, ko arüh nah khangtiko. Hütsüta müthsalang, arüh nahtsenü ngunung, arüh nangkhinü yuchinung, arüh thohnü nyichehnung, Ko arühnü I yanglang ximülanung, ko Ihnü arüh kyangjünungepü Tsingrangba-nü yore.

MATHI 18:2

Achotsü Jisu-nü azarü khüdu dsiro, arüh bete yasohcho,

MATHI 18:4

Sünü apu jangjang azarü hiroh-i longlüm kangnang abi ninglang Yanglih la adiuba.

MATHI 19:14

Jisu-nü yocho, “Azarüti tsü I yanglang rosohng, arüh tüiti, tunüo ninglang Yanglih tsü hitari yo thsanung.”

MATHI 19:23

Hütsüde Jisu-nü amonoti te yocho, “Ihnü ajüje nührü te yore: Alirü nengdang ninglang Yanglih la züdunung dee athsah thsanung.”

MATHI 5:18

Ning ko alih müchangde ashingkehcho azauba mahkhang yuzeng yola azauba khüdu dusü mütikehpü mükhutsinung.

MATHI 5:20

Hütsüeko Ihnü nührü te yore, yuzeng athsingyurü ko Farisirü tenü nührü yudsi ahou müthsakhang, nührünü ninglang Yanglih la khodesü müzüdunung.

MATHI 6:16

“Ko khode nührünü kongnang, akhürahrü roh-isü romih tümükhüm. Arüh kongcho nyitsarü khyang ngusohnung nengdang arühnü arüh romih mükhümre. Ihnü yore, arüh khyang ajeng jopehko.

MATHI 6:2

“Hütsüeko khode nührünü chongcharü khyang lango jünang, akhürahrütinü amübükuh la ko yanglongla ngusohnung nengdang nguchicho roh-i tünguchi. Arühnü hütsü nyitsarünü arüh sesohnung nengdang nguchire. Ihnü yore, arüh khyang ajeng jopehko.

MATHI 6:5

“Khode nührünü dangkhidangnangnang, akhürahrü roh-i tüthsa! Arühnü nyitsarünü ngunung nengdang Sinagog amübükuh la ko langtpah la yapü dangkhidangnangnyüre. Ihnü yore, arüh khyang ajeng jopehko.

MARK 4:12

hütsünü du, “Arühnü angulü ngunung, ta müdhingchehnung; ayuchilü yuchinung, ta münyichehnung. Hütsüta müthsarelang arühnü Tsingrangba yang ximülanung, ko abinü arüh mülangpehjünung.”

YUSE ATSA LUK 13:24

“Akongsüm tbükhüm khu züdunung müküpm; tunüo khütangonü züdunung müküpnung ta mükohnung.

YUSE ATSA LUK 22:32

Ta Simon, nü yudsi amükoh müngunung nengdang Ihnü nü nengdang dangkhidangnangjüko. Ko khode nü lasih thsamüla I yanglang thali ronang, nühnü nü jünirüti rezehsohng.”

JOHAN 1:51

Ko abinü arüh te yocho, “Ihnü nührü te yutsatsa yore: Ning khangthrupü Tsingrangba riwürüti Nyitsarü Tsurü michah jüroli-tuwüli ko nührünü ngunung.”

JOHAN 3:3

Jisu-nü lalingcho, “Ihnü nüte yutsatsa yonung: anyüpili müsurokhang sünüsü Tsingrangba yanglih müngunung.”

JOHAN 3:5

Jisu-nü lalingcho, “Ihnü nüte yutsatsa yore,” “Kih ko Anbü la müsurokhang, sünüsü Tsingrangba yanglih la züdunung mükoh.

RIWÜRÜTI NGUCHI 14:22

Arühnü yudsirüti rezehsohcho ko yudsila drengdreng linung thsüchicho. Arühnü docho, “Tsingrangba yanglih la züdunung nengdang chongcha adrong khunungbae.”

RIWÜRÜTI NGUCHI 28:27

tunüo hiri nyitsarü lümlong dhamako, arüh nangkhi thsitiko ko arüh nahtse tohko. Mahrelang, arüh nahtsenü ngunung, arüh nangkhinü yuchinung, arüh lümlongnü nyichehnung, arühnü Ih yang ximülanung, ko Ihnü arüh kyangjünung, ko Tsingrangba-nü yore.’ ”

RIWÜRÜTI NGUCHI 3:19

Hütsüeko Tsingrangba-nü nührü münyi pehsohnung nengdang lasih thsamülang.

1 KORINTRÜ 14:20

Jünirüti, akhungarü roh-i tülüm, amütsa lahpi akhungarü thsaang, ta nüh lümlong la lümjing.

1 PETER 2:2

Akhungarüti roh-i, anbü nyikih amüdhseng mürung, hütsü yongchonü nührü zinung ko khümchonung.

2 PETER 1:11

Hütsüta Ihsa Abüdongba ko Kangchehjüba Jisu Khrista müchangkaba yanglih la tsü züdunung nührü khyang ajeng mülajünung.