MATHI 17:5 - AMÜSA BAIBEL (BSI)

⁵ Abi chota yade, nyükhi atsingse khüdunü arüh shüticho ko nyükhi la tsünü yuva khüdunü yocho, “Hiba hi Ipu amüiba Tsurü, sü chah I long kyangre, abi yocho nyieng!”

MATHI 17:5 Iomraidhean Croise

JOB 38:1

Hütsütade tsingxinyübong lanü Abüdongba-nü Job te chotacho.

NENGSEKHI 81:7

Nührü dhsangthsila nührünü Ite dsicho, ko Ihnü nührü khümchocho. I lichah tsingxinyübong lanü Ihnü nührü te lalingcho. Ihnü Meriba kihnatung la nührü thsadsücho.

NÜCHEHCHO 19:19

Rühti yuva tsü adiu adiu kangcho. Mosa-nü chotacho ko Tsingrangba-nü ningki lanü lalingcho.

ISAYA 42:1

Abüdongba-nü yore, “Ihnü rezehsohba, I dikehrü hila lile, Ihnü throchehba, sü chah Ihnü longlangre. Ihnü I nbünü abi jengjüko, ko abinü yucho atümung khyang yuje jünung.

ISAYA 42:21

Abüdongba tsü khümchonyüba Tsingrang, hütsünü Abi yuzeng ko adoba jücho, ko müyurüti khyang hütsüri bichisohnyüre.

MATHI 12:18

“Hila I dikehbong lile, Sü Ihnü throchehcho, Sü Ihnü müiro, ko sü chah I long kyangro. Ihnü abi chah I nbü müthehnung, ko abinü yochoti te I yukhaba seyohjünung.

MATHI 17:6

Khode monoti tsünü yuva tsü yuchicho, arüh adrüchonü arüh romih alih la thsürangcho.

MATHI 3:17

Ko dhing ninglangnü yuva khüdunü yocho, “Hiba hi Ihnü müiba Tsurü, sü chah I long kyangre.”

MARK 1:11

Ko ninglangnü yuva khüdu rocho, “Nüh Ihnü müiba tsurü, nü chah I long kyangre.”

MARK 9:7

Hütsüpü nyükhi ro anbükhümnü arüh phaticho, ko nyükhi la tsünü yuva khüdu rocho, “Hiba hi Ihnü müiba Tsurü, abi yocho nyieng!”

YUSE ATSA LUK 3:22

ko Anbü Amüsa mümüdhrü kyo abi chah jürocho. Ko ninglangnü yuva khüdu rocho, “Nüh Ihnü müiba Tsurü. Nü chah I long kyangre.”

JOHAN 3:16

Tunüo Tsingrangba-nü limih yah müichonü abinü apu amüi tsurü jücho, sürünü abi chah yudsiro müsünung, ta lede akang ngunung.

JOHAN 3:35

Aunü atsudhre müire ko lüpcho abi kheh la yohjüko.

JOHAN 5:37

Ihnü tu nguchiro hütsü I U-nü I khyang nguchinung jücho nguchire, hiri khunü aunü Ih müthehcho yuzi jüre. Nührünü khodesü abi yuva müyuchi mahkhang abi romih müngudhing,

RIWÜRÜTI NGUCHI 1:9

Hi yopü, arühnü dhingyade, abi ninglang nükeh tsicho ko arüh nah tenü nyükhinü abi shüticho.

RIWÜRÜTI NGUCHI 7:37

Israelrüti, ‘Tsingrangba-nü müthehcho kyo nührü yang azikehrü khüdu müthehnung, ko abi tsü nührübürü nyitsarü thsanungpü yoba tsü Mosa licho.’

EFESIARÜ 1:6

Ahechi achomang, apu amüibong tsurü khu Ihsa khyang amükang jiyü jücho nengdang, Tsingrangba neng senung.

AZIKA YU 18:15

Hütsü mülih, nührübürü nyitsarü yolanü abinü nührü khyang Ih kyo azikehrü khüdu müthehchünung ko nührünü Abi yu nyieng.

AZIKA YU 18:19

Abinü I nengla chonung ko sünü abi yocho münyinang Ihnü abi khingchinung.

AZIKA YU 5:22

“Yuzeng hiri hi azong chah nührü atümung shimükhongde Abüdongba-nü nührü khyang jüba tsü lile. Khode Abinü michang lanü ko nyükhi acheh lanü yuva arangchehnü chotacho, Abinü apa mah ta yuzeng hiri jücho. Hütsüpü Abinü hütsüri tsü lungtpah anyüh la thrahcho ko I khyang jücho.

KOLOSIRÜ 1:13

Abinü ama zii lanü Ihsa khümchocho,

IBRIRÜ 5:9

Khode abi dekhing kangsohcho, ayu nyirü atümung nengdang abi tsü müchangkaba akangcheh pohchehchah kangcho,

MISHACHO 1:7

Dhing, abi nyükhi michah role! Nyitsarü müipinü ko abi chah thrarü nüsü abi ngunung. Liküpnü abi me tranung. Hütsüta tikehnung!

MISHACHO 14:14

Hütsüpü Ihnü dhingde nyükhi athru khüdu ngucho, ko nyükhi la tsü nyitsarü kyopü khüdu athah la hon kuthri thripü ko akheh la yavi akoh bipü ngucho.