MATHI 14:3 - AMÜSA BAIBEL (BSI)

³ Tunüo Herod-nü akhulang Johan rangsohcho, ko rahpü akhangtikuh la yohpücho. Abinü hi ani Filip nitpü Herodias thsacholanü nguchicho.

MATHI 14:3 Iomraidhean Croise

MATHI 11:2

Khode Baptijüba Johan-nü akhangtikuh lanü Khrista-nü nguchicho yuchicho, abinü amono khürü Jisu yang wüsohcho.

MATHI 14:6

Herod suro nyümongla Herodias tsulatpünü amülung atümung bete nyiichicho. Herod khütang künyangcho.

MATHI 4:12

Khode Johan akhangtikuh la rangyohkopü Jisu-nü yuchicho, abinü Galil lang tsipehcho.

MARK 6:14

Ade Herod yangthsabanü hiri apüm nengdang nyisicho, tunüo Jisu nengkhong tsü apümlang sobhocho. Khürünü yocho, “Baptijüba Johan kangchehli roko! Hütsünü thsayahiya nguchichehnung abi chah zii hi kehre.”

MARK 6:17

Herod apunü Johan rangsohcho, ko abinü rahsohpü akhangtikuh la yohpücho. Herod-nü amung Filip nitpü Herodias, sü abinü khyücho, abükyü thsacholanü nguchicho.

MARK 6:19

Hütsünü Herodias-nü Johan nyüm kangcho ko abi kyüsehnyücho, ta Herod lichonü abükyünü mükohcho.

MARK 6:22

Hütsüla Herodias tsulatpü rocho, ko nyichinü Herod ko abi shirüti künyangsohcho. Achotsü yangthsabanü lazatpü te yocho, “Nüh tu khyünyüro? Nühnü tu khyünyünang Ihnü jünung.”

MARK 8:15

Jisu-nü arüh müzahsohnü yocho, “Nyieng, Nührünü Farisirü ko Herod-rü bhüpza nengdang müzahmükieng.”

YUSE ATSA LUK 13:1

Hütsü shikhela nyitsarü khürünü Jisu te Galilrü sürü Tsingrangba khyang amübü jüyade Pilat-nü müpsehcho hütsü nengdang yocho.

YUSE ATSA LUK 13:31

Hütsüde Farisirü khürü ronü Jisu te yocho, “Nüh hilanü shehmüi khüdenang tsibae, tunüo Herod-nü nüh müpsehnung yangchile.”

YUSE ATSA LUK 23:11

Herod ko abi athrungrütinü Jisu müthsamünyüjü ko mülangjü bichicho; ko hütsüpü ariri shü phakehjücho ko thali Pilat yang müthehcho.

YUSE ATSA LUK 23:7

Khode Pilat-nü Jisu tsü Herod yanglih lanüepü müdhecho, abinü Herod yang abi müthehcho, tunüo hütsü shikhela Herod mii Jerusalem la ro licho.

YUSE ATSA LUK 3:1

Yangthsaba Tiberius yangthsacho kang dhüremüngau la; Pontius Pilat tsü Judea governor, Herod tsü Galil yangthsarü, ko amung Filip tsü Iturea ko Trakonitis limih la yangthsarü; Lesanias tsü Abilene yangthsarü,

YUSE ATSA LUK 8:3

Joana, Chuza nitpü, sü Herod kuh la khehthsithsarü licho; ko Susana ko aparü khingkurü adrong sürünü arüh kuthsi Jisu ko amonoti nengdang jücho arühsü abi yola wücho.

RIWÜRÜTI NGUCHI 12:1

Hi shikhela Herod Yangthsabanü Lithro khiyoh khürü chah dhsümthsenung dikehcho.

RIWÜRÜTI NGUCHI 4:27

Ajüje, Herod e Pontius Pilat nyüh yangpirüti ko Israelrü nühnü Mesia kangsohba, amüsa nü Dikehrü Jisu nyüm hiba yangdila shirütacho.