MATHI 13:23 - AMÜSA BAIBEL (BSI)

²³ Ko alih asu la longba majüh adüzü sürünü yusi yuchiro ko hütsü nyichehro: arühnü asih khürünü thsih khürünü rohre ko khürünü sangre sihre.”

MATHI 13:23 Iomraidhean Croise

EZEKIEL 18:31

Nührünü nguchi roba amütsa tsü pehng ko lasih asi ko lümlong asi khyüng. Tuepü nührü Israelrünü sünyüro?

EZEKIEL 36:26

Ihnü nührü khyang lasih asi ko lümlong asi jünung. Ihnü nührü chahnü lung kyo lasih amüküp khyümüijünung ko yochonyiba lasih jünung.

MATHI 12:33

“Singsih atsa sihsohnung singdong atsa adhsütah; Singdong amütsa chahnü singsih amütsa ngunung. Singdong khüdu tsü asih tsünü müdhere.

MATHI 13:8

Ta majüh khürü alih asu la longcho, ko asih sihcho; khürü chah asih thsih, khürü chah rohre, khürü chah sangre sihcho.”

MATHI 3:10

Singdong ara lanü re pehnung püh tsü tikehpo lile; asih atsa müsihba singdong müipi retsunung ko michang la yohnung.

MATHI 3:8

Nührü münyi lanü ximülakopü ngusohnungthsa nguching.

MARK 10:15

Ihnü nührü te yutsatsa yore, Sürünü Tsingrangba yanglih tsü azarü roh-i mükhyüchonang hütsüla khodesü müzüdunung.”

MARK 4:20

Ta aparü khürü tsü alih asu la shucho majüh kyole. Arühnü yusi tsü yuchirü, khyüchorü, ko asih khürünü sangre, khürünü rohre ko khürünü thsihpi sihre.”

YUSE ATSA LUK 13:9

Hütsüpü, sekang asih sihkhang atsa du; müsikhang nühnü repehng.’ ”

YUSE ATSA LUK 8:15

Alih asu la longba majüh adüzü tsü sürünü yusi tsü yuchiro ko lasih la yochonyi atsanü yohpüro ko asih müsih tashi arühnü rangchore.

YUSE ATSA LUK 8:8

Ko majüh khürü alih asu la longcho; ko anu tsü chinü thsihpinü asih sihcho.” Ko Jisu-nü yocho, “Hütsüeko nührü nangku kehkhang nyieng!”

JOHAN 15:16

Nührünü Ih throchehcho mah; ta Ihnü nührü throchehcho ko nührünü wünü singsih khütango sihsohnung Ihnü nührü jehsohcho. Hütsünü nührünü I nengla tuturü chingnang Aunü hütsü nührü khyang jünung.

JOHAN 8:47

Sü Tsingrangba chahnü roro abinü Tsingrangba yu nyire.Ta nührü Tsingrangba chahnü müthsachonü nührünü münyire.”

RIWÜRÜTI NGUCHI 16:14

Ihrü yu nyirü yola Theatira lanü nyahrüm shü irü Ledia zehcho. Abükyü tsü Tsingrangba mübülarü khüdu thsacho ko Paul-nü thsingyucho nyinung nengdang Abüdongba-nü alasih khangthrujücho.

RIWÜRÜTI NGUCHI 17:11

Hütsüla liba nyitsarüti tsü Tesalonikarü tenü asasaba thsacho. Arühnü yu tsü dee longphi nyicho, ko Paul-nü yoba tsü yuje a mahnang müdhenung nengdang nyümong müthe arühnü amüsa yu tsü khicho.

2 KORINTRÜ 9:10

Tsingrangba sünü mashurü khyang majüh jüro, ko atsunung hümdhse jüro, abinü nührü dhsütah majüh apüm jünung, ko zisohnung ko nührü amüküp jüba khu khütang xasohnung.

FILIPIRÜ 1:11

Tsingrangba ahechi ko anengse nengdang, Jisu Khrista khu dunü jünung kohba amüsa sih atsa tsünü nührü akang jengsohng.

FILIPIRÜ 4:17

Ih jiyü yangchirü mah; ta nührü neng zikehcho ngunyüre.

KOLOSIRÜ 1:10

Hütsütakhang, nührünü Abüdongba-nü lümcho roh-i lichehnung, ko tunü abi künyangnung hütsü nührünü lede nguchinung. Nührü akangnü nguchi atsa adhangpi chürosohnung, ko Tsingrangba müdheba la nührü zinung.

KOLOSIRÜ 1:6

Nührünü Tsingrangba achomang yuchiba ko müdheba nyümong lanü chünye yingcheh, yuse atsa tsünü amüwa mütozah hirojüre, ko limih apümlang sobhore.

1 TESALONIKARÜ 4:1

Achangkathsa jünirüti, Tsingrangba künyangsohnungthsa nührünü khüta linung hütsü ihrü chahnü nyichoko. Ajüje, nührünü hütsü roh-i li role. Ko ade Abüdongba Jisu nengla, nührünü alaa du nguchingpü ihrünü kihchire ko thsüchire.

2 TESALONIKARÜ 2:10

ko achangnung nyitsarü chah kihyochüba lüpcho bichinung. Arüh changnung, tunüo khümchonung shulüm yuje tsü mümüi ko mükhyücho.

IBRIRÜ 4:2

Arüh kyo Ihsanüsü Yuse Atsa tsü yuchiko. Arühnü yusi tsü yuchicho, ta hütsü arüh nengdang tu müjingcho, tunüo arühnü hütsü yuchide yudsinü mükhyücho.

IBRIRÜ 6:7

Alih khüi chah tsing adrongpi ro züro ko sürünü yuthsahro, arüh khyang tsuyongnung chiro, hütsü Tsingrangba-nü müwajüre.

IBRIRÜ 8:10

Abüdongba-nü yore, Ihnü aronungla Israelrü te külüpnung azengchota tsü hiroh-i linung: Ihnü arüh thoh la I yuzengti yohjünung ko arüh lasih la hütsü thrahnung. Ih arüh Tsingrang thsanung, ko arüh I nyitsarüti thsanung.

2 PETER 3:18

Ta Ihsa Abüdongba, Kangchehjüba Jisu Khrista müdheba ko abi achomang la mütozah zieng. Abi te ade ko lede ahechi thsaang! Amen.

1 JOHAN 5:20

Tsingrangba Tsurü ronü, Ihsa khyang yuje Tsingrangba müdhenung anyichehba jüchoepü Ihsanü müdhele. Ihsa yuje Tsingrangba chah ko Atsudhre Jisu chah lire. Hiba hi yuje Tsingrang ko müchangkaba akang.