MATHI 13:11 - AMÜSA BAIBEL (BSI)

¹¹ Jisu-nü lalingcho, “Rang liba ninglang Yanglih nengdang lümlong tsü nührü khyang ma arüh khyang müjü.

MATHI 13:11 Iomraidhean Croise

NENGSEKHI 25:14

Sürünü Abüdongba yocho nyiro arüh Abi shangrü lile ko Abinü arüh te Abi azengtacho drengdrengsohre.

ISAYA 29:10

Abüdongba-nü nührü nyichisohre, yüpsehsohnung külüpre. Azikehrü tsü müyurü nahtse thsanungbae, ta Tsingrangba-nü arüh nahtohsohko.

ISAYA 29:11

Azikehrü müngucheh apüm adüzü nührü tenü rang lile; hütsü thrahloh shingticho kyo linung. Akhichehrü yang nüte khi yohsohnung hiwünye, hütsü shingtipü lirü tsü, abinü mükohnungepü nührü te yonung.

ISAYA 35:8

Hütsüla tungte lang khüdu, “Amüsaba Lang” linung. Münyirü süsü hütsüba langla mütsehnung; hütsüla tsehrü amüsithsarü sünüsü münümülanung.

MATHI 13:10

Hütsüde monotinü ro Jisu te tsingdhingcho, “Tuepü nühnü nyitsarü te chotade yukitaba bichiro?”

MATHI 16:17

Jisu-nü lalingcho. “Johan tsurü Simon, nüh amüwa thsaang!” “Tunüo hiba yuje hi shutsa khu mah, ta ninglang liba I U-nü nü khyang jücho lile.

MATHI 19:11

Jisu-nü lalingcho, “Hiba adoba hi atümung nengdang mah, ta hütsü Tsingrangba-nü jücho nyitsarü khyang due.

MATHI 20:23

“Nührünü ajüje I shing lanü yongchehnung.” Jisu-nü arüh te yocho, “ta I tsalang ko fülilang sürü pümnung hütsü throchehnung I chah tase mühle. Hiri pümji tsü I U-nü sürü nengdang rungnümjücho arüh yo lile.”

MARK 10:40

Ta I tsalang ko fülilang sürü pümnung hütsü throchehnung I chah tase mühle. Hütsü sürü nengdang rungnümcho arüh khyang jünung Tsingrangba mücie.”

MARK 4:11

Jisu-nü arüh te yocho, “Nührü khyanglü rang liba Tsingrangba yanglih tsü jüko, ta aparü sürü amilang liro, atümung te yukitaba dunü yore,

YUSE ATSA LUK 8:10

ko abinü lalingcho, “Nührü khyanglü rang liba Ninglang yanglih lümlong müdhenung jüko, ta aparü nengdanglü yukitaba khu dunü hütsü rore, hütsünü arühnü ngunung ta müdhingchehnung, ko yuchinung, ta mühnyichehnung.

JOHAN 6:65

Ko abinü yocho, “Hitacho khu, Aunü mümülakhang sünüsü I yang mürochehnungepü Ihnü nührü te yoko.”

JOHAN 7:17

Sünü Tsingrangba lümcho nguchiro abinü Ihnü doba hi Tsingrangba chahnü a mahkhang Ipu lümyunü chorünang müdhenung.

RIWÜRÜTI NGUCHI 16:14

Ihrü yu nyirü yola Theatira lanü nyahrüm shü irü Ledia zehcho. Abükyü tsü Tsingrangba mübülarü khüdu thsacho ko Paul-nü thsingyucho nyinung nengdang Abüdongba-nü alasih khangthrujücho.

ROMRÜ 11:25

Jünirüti, Ihnü nührü khyang arangyu khüdu müdhesohnyüre, tunüo hütsü khu nührü müdhecho du lümba lanü khümchonung. Israelrü lasih müküpba tsü lede nengdang mah, ta yangpirüti Tsingrangba yanglang pisa mürode du linung.

ROMRÜ 16:25

Ihsanü Tsingrangba khyang ahechi jünung! Jisu Khrista Yuse Atsa Ihnü thsingyucho ko papade shang adrong rang licho arangyu mishachonü, abinü nührü yudsi la drengdrengsohnung kohle.

1 KORINTRÜ 13:2

Ih choyohnung jiyü, amüdhe apüm ko rang liba apüm nyichehnung; ko azong dhipehnungthsa yudsi linye; ta amüi mülikhang, Ih tu mah.

1 KORINTRÜ 15:51

Dhing! Ihnü nührü te arangyu khüdu yonung. Ihsa müsünung, ta khode achangka rühti mehnang, dhrongyengnü, nah mülülüp chahnü Ihsa atümung mülichipehnung.

1 KORINTRÜ 2:14

Anbü müliba nyitsarünü Tsingrangba jiyü khyüchonung mükoh. Hütsütari nyitsarünü arüh nyichehnung mükoh, abi nengdang arüh tsü amüsithsa lile, tunüo arüh amii tsü anbü aichi yukhare.

1 KORINTRÜ 2:7

Tsingrangba arang lümlong khüiba amüi tsurü tenü rang yohpüro, ta limih müthridenü Ihsa ahechi nengdang abinü throchehpehcho; hiba lümlong tsü Ihnü sobhore.

1 KORINTRÜ 4:1

Ihrü Khrista dikehrüti sürü chah Tsingrangba arangyu khehthsithsanung nyümkehjüchoepü nührünü lüm.

1 KORINTRÜ 4:7

Sünü nüh aparü tenü adiu kangsohcho? Nü licho apüm tsü Tsingrangba-nü müjücho do? Akhang, nührü liba tsü jiyü khüdu roh-i mülümpü tuepü müthsehro?

EFESIARÜ 1:18

Abi nyitsarü khyang anyengchocho anyemüyang amüwa khüta athangchi,

EFESIARÜ 1:9

Tsingrangba lümlong ko rang müdheba apüm la, Khrista khu tikehsohnung khüi abinü dhrongchehjung licho, hiba arang lümchung tsü abinü lümcho roh-i nguchi Ihsa te müdhesohcho.

EFESIARÜ 5:32

Hiba arangyu dee asoh, hi Khrista ko lithro nengdang chorepü Ihnü yore.

EFESIARÜ 6:19

Ih yu chonung thsade, I khyang yusi jüchehnungthsa I nengdangsü dangkhidangnangjüng, hütsünü du Ihnü rezehnü cho Yuse Atsa arangyu tsü müdhesohnung.

KOLOSIRÜ 2:2

Arüh suzehcho amüila shürütajo, ko hütsü khu alongdi ajeng khüinü yuje nyichehba hiroro, hütsü nguchisohnung nengdang Ihnü hi nguchire. Hütsüta arühnü Tsingrangba arangyu khüi Khrista apu liro, hütsü müdhenung.

1 TIMOTI 3:16

Rang liba Ihsa yangthsa arangcheh hi Ihsanü hoh-re: Abi shutsa la mishacho, Anbü la langsohcho, ninglang riwürünü ngucho. Abi yuchoti apüm la thsingyucho, liküprünü yudsicho, ko ninglang nükeh tsicho.

1 TIMOTI 3:9

ta lümlong amüsanü yuje yudsi mishacho la yümpungrü thsabae.

JAKOB 1:5

Nührü yola khürü lümlongnü müdsi likhang, abinü Tsingrangba sünü hütsü nührü khyang jüro, abi te dangkhidangnang; tunüo Tsingrangba-nü atümung khyang amükangnü ko achomangnü jüre.

1 JOHAN 2:20

Ta nührülü Khrista-nü Anbü Amüsa mükhakehjüko, hütsünü nührü atümungnü yuje tsü müdhele.

1 JOHAN 2:27

Ta nührülü, Khrista-nü abi nbü nührü chah mükhakehjüko. Abi nbü nührü chah litashilü, nührü te donung süsü müdhsütah. Tunüo abi nbünü nührü te lüpcho donung, ko abinü nührü te tu donang hütsü yuje. Hütsünü, Anbünü tu docho hütsü bichieng, ko Khrista chah chingkeh lieng.