MATHI 12:4 - AMÜSA BAIBEL (BSI)

⁴ Abinü Tsingrangba kuh la züducho, ko abi ko abi nyitsarünü bebürü dunü tsunung mülaba, Tsingrangba khyang mübücho hümdhse arüh nengdang amütsuba hümdhse yuzeng nyüm arühnü tsucho.

MATHI 12:4 Iomraidhean Croise

NÜCHEHCHO 25:30

Tsingthsang tsü yuzeng singdi bete yohpünung ko tsingthsang chah tsü lede I khyang mübücho Amüsa hümdhse kehnungbae.

LEVIRÜ 8:31

Mosa-nü Aron ko atsurüti te yocho, “Abüdongba liba Shükuh trahtrilang shuh tsü hiwüng ko Abüdongba-nü mülacho roh-i hütsü chong ko khachehthroba mübücho lohla liba hümdhse te hütsü tsung.

MATHI 12:3

Jisu-nü lalingcho, “David ko anyitsarütinü arüh yangseh lide tu nguchicho nührünü mükhidhingcho do?

MATHI 12:5

Mahkhang Sabath nyümong mükhu amübükuh la liba Bebürütinü Sabath nyümong yuzeng thsangnyangrü ta arüh mümülangjürü, hütsü nührünü Mosa Yuzeng la mükhidhingcho ang?

MARK 2:26

Abinü Tsingrangba kuh la züducho ko Tsingrangba khyang mübücho hümdhse tsucho. Hiba hi Abiathar bebü amungthri thsade tikehcho. Ihrü yuzengnü, hitari tsuyongnung tsü bebürü dunü tsunungbae, ta David-nü hütsü tsucho ko anyitsarü khyangsü jücho.”

YUSE ATSA LUK 6:4

Abinü Tsingrangba kuh la züducho ko Tsingrangba khyang mübücho hümdhse tsü khyo tsucho, ko anyitsarüti khyangsü jücho. Hitari hümdhse tsü bebürü chah khu aparünü tsunung tsü Yuzeng nyüm lile.”

IBRIRÜ 9:2

Shükuh khüdu thsacho, ko akhudiba chongsah te Amüsa Müdüm pü dsicho. Hütsüla dsi müdongsing ko Tsingrangba khyang mübücho hümdhse kehpüba tsingthsang licho.

1 SAMUEL 21:4

Bebübanü yocho, “Ih Amüsa hümdhse chah khu apa hümdhse mühle; nü nyitsarüti du tsü chünyang shomang khingkurü te mümükhongpü likhang, hütsü tsung.”

1 SAMUEL 21:6

Hütsünü bebübanü David khyang hümdhse tsü jücho, tunüo Tsingrangba khyang mübücho asinü mülihba hümdhse ahi du tsü abi kheh la licho.