MATHI 10:7 - AMÜSA BAIBEL (BSI)

⁷ ‘Ninglang yanglih amünyethsa lile, pü thsingyunü wüng!’

MATHI 10:7 Iomraidhean Croise

ISAYA 61:1

AbüdongbaTsingrang nbü I chah lile, tunüo ailümrü yang yusi atsa thsingyunung. Lasih dhsa lirü kyangjünung, Kümyoh lirü müthehnung, Ko arangyoh la lirü nengdang nyüje sobhonung Abinü Ih müyühjü throchehcho.

MATHI 10:8

Füdhsarü kyangjüng, asürü kangli rosohng, mübhira kehrü müsachehjüng, ko amünyi nbüti iipehjüng. Nührünü amükangnü ngucho, amükangnü jüng.

MATHI 11:1

Khode Jisu-nü amono dhüreanyüh te hiri thülakacho, abinü hütsü müdüm pehjücho ko amünyeh yangditila thsingyunung ko donung wücho.

MATHI 21:31

Anyüh yola khüibanü aunü lümcho nguchicho?” “Aziba tsünü” arühnü lalingcho. Hütsünü Jisu-nü arüh te yocho, “Ihnü nührü te yore: Alihmüthsü dhrirü ko nahtrahnaxenglarü nührü te akhu Tsingrangba yanglih la züdure.

MATHI 21:43

“Hütsüeko Ihnü nührü te yore,” “Nührü chahnü Tsingrangba Yanglih tsü hitsinung ko asih sihsohba nyitsarüti khyang jünung.”

MATHI 23:13

“Nührü ahohah, yuzeng adorü ko Farisirüti! Nührü akhürahrüti! Nührünü aparü khyang ninglang Yanglih wünung trahtri tohtijüre, ko nührübürüsü müzüdu, ko azüdunyürüsü müzüdusohre!

MATHI 3:2

Abinü yocho, “Nührü münyi lanü ximülaang, tunüo Ninglang Yanglih amünyethsa lile!”

MATHI 4:17

Hütsütinü Jisu-nü abi yusi thsingyunung dikehcho: “Nührü münyi lanü ximülaang, tunüo ninglang Yanglih amünyethsa lile!”

MARK 6:12

Achotsü arühnü wücho ko nyitsarünü arüh münyi lanü lasih thsamülabaepü thsingyucho.

YUSE ATSA LUK 16:16

“Mosa yuzeng ko azikehrünü thrahchoti tsü baptijüba Johan tizah bichi rocho; hütsütinü Tsingrangba yanglih yuse atsa tsü thsingyure ko atümungnü tsohkhuta züdure.

YUSE ATSA LUK 9:2

Hütsüpü Tsingrangba Yanglih thsingyunung ko füdhsarü kyangjünung hiroh-i yopü arüh müthehcho,

YUSE ATSA LUK 9:6

Monoti tsü shemüsu yangdongti atümung bongnü Yuse atsa thsingyu ko nyitsarüti kyangjü wücho.

YUSE ATSA LUK 9:60

Jisu-nü lalingcho, “Asürü tsü arühbürü asürü khyang dhrürangsohng. Ta nühlü wüng ko Tsingrangba yanglih sobhoung.”

JOHAN 3:2

Romang khüdu abinü Jisu yanglang wüpü abi te yocho, “Adorü, nüh Tsingrangba-nü müthehcho adorü khüduepü ihrünü müdhere; tunüo Tsingrangba müzehkhang, nühnü nguchiba thsayahiya hi sünüsü münguchicheh.”

RIWÜRÜTI NGUCHI 10:25

Peter züdunung thsade, Kornelius-nü abi te shirüta, ajingte mükhukeh mübücho.

RIWÜRÜTI NGUCHI 28:31

Tu müthsungkyangpü abinü Tsingrangba yanglih nengdang thsingyunü ko Abüdongba Jisu Khrista nengdang rezeh docho.

RIWÜRÜTI NGUCHI 4:2

Riwürü anyüh tsünü nyitsarüti te Jisu asücho lanü kanglirocho, ko hütsünü asürü kanglinung nengdang yuzi jo docho ngu arüh wahcho.