MATHI 1:21 - AMÜSA BAIBEL (BSI)

²¹ Abükyünü adhrezarü khüdu nümüsunung, ko nühnü abi neng Jisu dsinung, tunüo abinü anyitsarü arüh münyi lanü khümchonung.”

MATHI 1:21 Iomraidhean Croise

LIPOH 17:19

Ta Tsingrangba-nü yocho, “Nü nitpü Sara-nü nü khyang azarü khüdu nümüsujünung ko nühnü aneng Isak dsijünung. Ihnü abi te ko abi chahnü trahchochoti te I azengtacho yohpünung. Hiba hi müchangkaba azengtaba lile.

LIPOH 17:21

Ta sekang hitade Sara khu suronung liba nü tsudhre Isak te Ihnü azengtaba yohpünung.”

LIPOH 18:10

Arüh yola khüdunü yocho, “Choo düku lipü Ih thali ronung ko nü nitpü Sara-nü azarü khüdu nümüsunung.” Sara hütsüla trahtri yingte nyi yacho,

JEREMIA 23:6

Abi yangthsaba kangde Judarü khümcho linung ko Israelrü yangtsa la linung. Abi te ‘Ihsa Akhümcho Abüdongba’ pü dsinung.”

JEREMIA 33:16

Judarü ko Jerusalemrü khümchonung ko tbachi linung. Yangdi tsü, ‘Abüdongba Ihrü Akangcheh’ pü dsinung.

DANIEL 9:24

“Amünyi ko Amütsa lanü nührü müyurü ko nührü yangdi lehchehnung kang nyühre tsü dhünyehnü hipü, hütsü Tsingrangba akyahchocho shikhe lile. Müngucheh ko choyoh tsü tikehnung, ko Amüsa Amübükuh tsü müsacheh linung shulüm amünyi mülangpehjünung ko müchangkaba yuje tsü lisohnung.

ZEKARIA 9:9

Künyangtaang, Zion-rü! Akünyangnü züdeing, nührü Jerusalemrü! Dhing, nührü yangthsaba nührü yang role! Abi akoh ngu rore, ta longlüm kang Gadu za khüdu chah pümpü rore.

MATHI 1:25

Ta azarü tsü müsurodelü abinü abükyü te mümükhongcho. Ko Josef-nü aneng Jisu dsijücho.

YUSE ATSA LUK 1:13

Ta riwürü tsünü abi te yocho, “Tüdrü, Zekaria! Tsingrangba-nü nü dangkhidangnang yuchiko, nü nitpü Elizabeth-nü nü khyang azarü khüdu nümüsujünung. Ko nühnü abi neng Johan dsijünung.

YUSE ATSA LUK 1:31

Nü fü müdeng kangnung ko dhrezarü khüdu nümüsunung, ko nühnü abi neng Jisu dsinung.

YUSE ATSA LUK 2:11

Chünye David yangdila nührü Kangchehjüba Abüdongba Khrista tsü suroko!

YUSE ATSA LUK 2:21

Nyükhih khüdu khanglang, khode akhunga tsü müjüp-pehnung bekhyah chihcho, abi longla mühiede ninglang riwürünü jücho roh-i, abi neng Jisu dsijücho.

JOHAN 1:29

Nyümong khüu tsü, Johan-nü Jisu abi yanglang rochi ngu yocho, “Alimih münyi hitsibong Tsingrangba Sanza tsü dhing!

JOHAN 4:42

ko arühnü khingkutpü te tsü yocho, “Nühnü yochonü mah, ta ihrübürünü yuchicho khu ade ihrünü yudsire, ko yuje abi tsü limih Kangchehjübaepü ihrünü müdhele.”

RIWÜRÜTI NGUCHI 13:23

Anyengchocho roh-i David chahnü trahchocho lanü Tsingrangba-nü Israelrü khyang Kangchehjüba khüdu Jisu tsü jücho.

RIWÜRÜTI NGUCHI 3:26

Hütsünü Tsingrangba-nü abi dikehrü throchehcho, ko nührü müipi amütsa lang lanü ximüla nührü müwajünung nengdang, nührü yanglang akhu abi müthehcho.”

RIWÜRÜTI NGUCHI 4:12

Akangcheh tsü abi khu dunü ngunung; Liküpla Ihsa khümchonungthsa Tsingrangba-nü sü khyangsü jo mühle.”

RIWÜRÜTI NGUCHI 5:31

Israelrü khyang lasih thsamüla mülang pehba jünung khyanglangnü, Tsingrangba-nü abi tsalangthring langnürü ko Kangchehjüba kangsohcho.

TITAS 2:14

Abinü amütsa apüm lanü Ihsa khümchonung ko apu yo amüsa nyitsarü, atsa nguchinyürü kangsohnung abinü apu akang jücho.

IBRIRÜ 7:25

Hütsünü, sürü Tsingrangba yang abi khu khümchonung rorünang, ade ko lede abi akohba lile, tunüo Tsingrangba te arüh nengdang kihchinung abi lede lile.

1 JOHAN 1:7

Tanye abi atsingse la licho roh-i Ihsanü atsingse la likhang, Ihsa khüdunü khüdu te akehtala lile ko Atsurü Jisu Khrista shühnü Ihsa münyi apüm lanü müsachehjüre.

1 JOHAN 3:5

Amünyiti hitsinung Khrista rochoepü nührünü müdhele, ko abi chah amünyi mühle.

MISHACHO 7:14

Ihnü lalingcho, “Ihnü mümüdhe, nühnü müdhele, adirü!” Abinü Ite yocho, “Hiri nyitsarüti hi adrünung dhsümthsedhsümloh lanü khümcho rorüti lile. Arühnü arüh jengki Sanza shüh la thsütoh thru kangsohko.

YUKHARÜTI 13:3

Abüdongba ninglang riwürünü abükyü te chüro yocho, “Nüh pümdongcho ko tsuzarü mühle, ta tunyah mülipü nüfü müdeng kangnung ko azarü khüdu suronung.

1 SAMUEL 1:20

Hütsü, abükyü fü müdeng kangcho ko adhrerü khüdu nümüsucho. Ko abi neng Samuel dsicho, tunüo abükyünü yocho, “Ihnü Abüdongba chahnü chingchocho.”