MATHI 1:12 - AMÜSA BAIBEL (BSI)

^12-16 Babylon lang yangtsi nowü bekhyah tinü Jisu surocho chii, jümürü chung hiroh-i: Jihoiakin, Shealtil, Zerubabel, Abiud, Eliakim, Azor, Zadok, Akim Eliud, Eliazar, Mathan, Jakob ko Josef, sünü Mesia dsiba Jisu atpa Mary te kukangcho.

MATHI 1:12 Iomraidhean Croise

2 YANGTHSARÜTI 24:14

Nebukadnezar-nü Jerusalem lanü, yangthsaba tsurüti apüm, azirüti apüm, atümungnü hajar dhüre rang tsicho. Abinü Juda la iilüm-ifürü chah khu ikengrü mii zeh sihthsa nguchirü apüm kümtsicho.

2 YANGTHSARÜTI 25:27

Babylon la Evilmerodak tsü yangthsaba kangba kang la, abinü Jehoiakhin akhangti lanü mütheh abi te amüi ngusohcho. Hütsü Jehoiakhin rang tsipü kang sangrepü dhünyeh choo dhüre anyüu nyümong mükyüpü dhünyeh-ula tikehcho.

1 ROHTHÜP 3:17

Babylon-rünü rang notsiba yangthsaba Jehoiakhin chahnü trahchochoti: Jehoiakhin tsurü dhünyeh licho:

EZRA 3:2

ko Tsingrangba nyitsarü Mosa yuzeng la thrah licho athülaba roh-i tsü arühnü hütsüchah kangmübü trüpnung nengdang Jehozadak tsurü Joshua ko abi te bebürüti, Shealtil tsurü Zerubabel ko arüh tsutpurü zeh Israel Tsingrang Bholu külüpchicho.

EZRA 5:2

Khode Shealtil tsurü Zerubabel ko Jehozadak tsurü Joshua nyühnü arüh yusi tsü yuchicho, arühnü Jerusalem la Amübükuh thsachinung dikehcho ko azikehrü anyüh tsünü arüh trocho.

NEHEMIA 12:1

Hiri hi Shealtil tsurü Zerubabel ko Amungthriba Bebürü Joshua nyüh yola yangtsilangnü thalirü Bebürü ko Levirü chung: Seraia, Jeremia, Ezra, Amaria, Maluk, Hatush, Shekania, Rehum, Meremot, Iddo, Ginethoi, Abija, Mijamin, Madia, Bilga, Shemaia, Joiarib, Jedaia, Salu, Amok, Hikia ko Jedaia. Joshua chichah bebürü yola hirihi langnürü thsacho. Anengse jüba mübü khi thsanung hirinü xükümcho: Jeshua, Binnui, Kadmiel, Sherebia, Juda ko Matania.

JEREMIA 22:24

Abüdongba-nü Juda yangthsaba Jehoiakim tsurü yangthsaba Jehoiakhin te yocho, “Ih akang liba Tsingrang lide, nüh I kheh tsalang ashingsing imüshi thsanye,

JEREMIA 22:28

Ihnü yocho, “Yangthsaba Jehoiakhin amüpnahcho apehcho ko sünüsü müdhsütahba alih füh kyo kangcho mah-o? Hütsü khu abi ko abi tsuzarüti arühnü mümüdheba lih khüdulang yangtsilang notsicho mah-o?”

JEREMIA 22:30

“Hiba nyitsarü hi atsurü mii changnungthsa mülangjüko. Khodesü akoh münguba nyüh khüdu kangnung. Abi chahnü David mülih Juda la yangthsathsanung tsuzarü mülinung. Ih, Abüdongba-nü choko.”

HAGGAI 1:1

Persia la Darius kang anyüu yangthsade, choo adhüroh-uba akhudi nyümongla, Abüdongba-nü azikehrü Haggai khu chotacho. Yusi tsü Shealtil tsurü, Juda la governor Zerubabel ko Jehozadak tsurü Amungthriba Bebüba, Joshua nyüh nengdang licho.

HAGGAI 1:12

Achotsü Zerubabel ko Joshua ko Babylon yangtsilangnü thalirü atümungnü arüh Abüdongba Tsingrang yu nyicho. Arühnü Abüdongba riwürü, azikehrü Haggai drü yochonyicho.

HAGGAI 1:14

Amübükuh thsalinung nengdang Abüdongba-nü atümung thsümüsucho. Juda la governor Zerubabel; Amungthriba Bebüba Joshua, ko yangtsilangnü thalirü atümung. Arühnü arüh Tsingrang, Akohba Abüdongba amübükuh,

HAGGAI 2:2

Abinü Haggai te, Juda la governor Zerubabel ko Amungthriba Bebüba Joshua ko müyurü te hita yosohnung Haggai te yocho,

HAGGAI 2:23

Hütsü nyümong nüh I dikehrü Zerubabel; Ihnü khyünung ko I nengla yangthsanung throchehba tsü nüh lile.” Akohba Abüdongba-nü choko.

MATHI 1:17

Hütsüde, Abraham tinü David chii shang dhüremüyü, ko David tinü Babylon la yangtsicho chii shang dhüremüyü, ko hütsü tinü Khrista surocho chii shang dhüremüyü licho.

YUSE ATSA LUK 3:27

Joanan tsurü, Resa tsurü, Zerubabel tsurü, Shealtil tsurü, Neri tsurü,