MARK 3:3 - AMÜSA BAIBEL (BSI)

³ Jisu-nü nyitsarüba te tsü yocho, “Hila kürung.”

MARK 3:3 Iomraidhean Croise

ISAYA 42:4

Abi alongdi müchahnung mahkhang müci müsümnung; Abinü alih la yuje külüpnung. Mütrotinü abinü donung yingnung.”

DANIEL 6:10

Khode yuzeng la tsü nengchümko pü Daniel-nü yuchicho, abinü kulang wücho. Abi kuh amunglang chongsah khüdula, Jerusalem lang pipü nyübongkhi khürü licho. Hütsüla, abi yah roh-i, khangthru liba nyübongkhi te tsü abinü nyümongla asangpi mükhukeh Tsingrangba te dangkhidangnangcho.

MATHI 12:10

ko hütsüla nyüh khüdu akheh süpü licho. Hütsüla nyitsarü khürü Jisu-nü amüthsalang nguchicho mülang rangnyü licho, hütsünü arühnü abi te tsingdhingcho, “Sabath nyümong kyangjünung tsü Ihsa yuzengnü mülarü mah-o?”

MARK 3:2

Hütsüla nyitsarü khürünü Jisu mülangjünyo; abinü Sabath nyümong kyangjü a mahnangpü dee khengyengnü licho.

MARK 3:4

Hütsüpü abinü arüh te tsingdhingcho, “Ihsa yuzengnü Sabath nyümong tu nguchinung müla liro? Rükunung a lerohpehjünung? Nyitsarü akang khüdu khümchonung a mahkhang hütsü changjünung?” Ta arühnü tusü müyocho.

YUSE ATSA LUK 6:8

Ta Jisu-nü arüh lümcho richeh ngu nyitsarüba te tsü yocho, “Yamüsung ko belang hila rung.” Ko abinü shemüsu hütsüla yacho.

JOHAN 9:4

Atsingsela Ihsanü I riwüsohba nguchi nguchinung; tunüo sünüsü münguchichehnungthsa ama tsü tsehle.

1 KORINTRÜ 15:58

Hütsüeko jünirüti, drengdreng müshehchipü yaang. Abüdongba nguchi nengdang lede müpah-müdeng, tunüo Abüdongba dikehba la nührü nguchi khodesü amükang müthsanung.

GALATIARÜ 6:9

Hütsüeko Ihsanü atsa nguchinung mümüthohnung; tunüo Ihsanü suh müzahpü atsa nguchikhang, Ihsanü xanung akyang ronung.

FILIPIRÜ 1:14

Ih arangyoh la lichonü Abüdongba la jünirüti alaa longlangsohko, ko arühnü müringpü thsingyunung müci mülahcho.

1 PETER 4:1

Khrista shutsa la chongchachonü, nührünüsü abinü lümcho roh-i nührü jangjang rezehchi lüm; tunüo sürü shutsa la chongcharo arüh adelü amünyi la mühle.