MARK 2:5 - AMÜSA BAIBEL (BSI)

⁵ Arüh yudsi mülahcho ngu, Jisu-nü dsidsi sonü dhsaba te tsü yocho, “Itso, nü münyi pehjüko.”

MARK 2:5 Iomraidhean Croise

LIPOH 22:12

Abinü yocho, “Azaba chah nü kheh tüthah mahkhang abi chah tu tünguchi. Nühnü Tsingrangba drürepü adelü Ihnü müdheko, tunüo nü tsurü khüdu du licho nühnü I khyang jünung müditpang.”

NENGSEKHI 103:3

Abinü I münyi apüm mülang pehjüre ko I dhsara apüm kyangjüre.

ISAYA 38:17

I adhsa tsü atbachi kangnung. Dhsürü apüm lanü Ih khümchoung; I münyi apüm pehjüng.

ISAYA 53:11

Chongcha akang khanglang, abi akünyang thali ngunung; abi adeng la müchongcha pü abinü müdhenung. Longlangba I dikehrü, sü chah I longxore, abinü adrong akhingchi hinung ko abi khyanglangnü Ihnü arüh mülangpehjünung.

MATHI 9:2

khürünü abi yang dsidsisüba nyüh khüdu yüpji chahnü hirocho. Jisu-nü arüh yudsi mülahcho ngu abinü dsidsi süba te yocho, “Müci zieng, Itso, nü münyi pehjüko.”

MATHI 9:22

Jisu-nü ximüla abükyü ngunü yocho, “Tülümxü, Alechü! Nü yudsinü nüh kyangjüko.” Ko hütsüdenü khingkutpü tsü kyangpehcho.

MATHI 9:5

Nü münyi pehjüko, pü yonung amülaba a, mahkhang, Shemüsung ko tsehng, pü yonung amülabao?

MARK 2:6

Hütsüla yuzeng adorü khürü arüh lüm la tsingdhingnü pümcho.

MARK 5:34

Jisu-nü abükyü te yocho, “I tsulatpü, nü yudsinü nüh kyangjüko. Tülümxüpü tsieng, ko nü dhsara lanü kyangpü lieng.”

YUSE ATSA LUK 5:20

Jisu-nü arüh yudsi mülahcho ngunü nyitsarüba te tsü yocho, “I müyang, nü münyi pehjüko.”

YUSE ATSA LUK 8:48

Jisu-nü abükyü te yocho, “Alechü, nü yudsinü nüh kyangjüko. Mülümxüpü tsieng.”

JOHAN 2:25

Sünüsü abi te arüh nengdang yonung müdhsütahcho, tunüo arüh lasih la tu liro apunü müdhecho.

JOHAN 5:14

Akhanglang Jisu-nü abi amübükuh la ngu abi te yocho, “Nyieng, adelü nüh kyangpehko; amütsauba suronü nüh müchinungthsa adelü amünyi tüshitbah.”

RIWÜRÜTI NGUCHI 11:23

Abi khode chihcho ko Tsingrangba-nü müwajücho ngude, abi künyangcho, ko arüh lasih apümnü Abüdongba te yudsi ko yujecho linung arüh atümung thsüchicho.

RIWÜRÜTI NGUCHI 14:9

Abinü hütsüla pümpü Paul yu nyicho. Abinü yudsile ko kyangnung kohlepü müdhenü Paul-nü abi chah nyeh-e dhingcho

RIWÜRÜTI NGUCHI 5:31

Israelrü khyang lasih thsamüla mülang pehba jünung khyanglangnü, Tsingrangba-nü abi tsalangthring langnürü ko Kangchehjüba kangsohcho.

1 KORINTRÜ 11:30

Hütsü khu nührü adrong füdhsare ko sumüzehre ko khürü süko.

2 KORINTRÜ 2:10

Nührünü nyüh khüdu mülang pehjüde, Ihnüsü abi mülang pehjüre. Khode Ihnü pehjüro, Ihnü pehjüba tsü Khrista jingte nührü khyanglangnü,

EFESIARÜ 2:8

Tunüo Tsingrangba achomang ko yudsi khu nührü khümcho lile.

KOLOSIRÜ 3:13

Khodederü nyüh khüdunü khüdu nyüm chorünang nührünü rangchota mülang pehjütaang. Abüdongba-nü nührü khyang mülang pehjücho roh-i, nührü khüdunü khüdu mülang pehjütaang.

JAKOB 5:15

Yudsi dangkhidangnang tsünü füdhsaba tsü kyangnung; Abüdongba-nü abi kyangjünung, ko abinü shitpahcho münyiti mülangpehjünung.