MARK 12:2 - AMÜSA BAIBEL (BSI)

² Khode shükusih khyübülungnung akyang chihcho, abinü maxacho lanü nohlüm khyünung kulirü khüdu luthsarü yang müthehcho.

MARK 12:2 Iomraidhean Croise

IBRIRÜ 1:1

Atsicho la, Tsingrangba-nü azikehrü khu adrongpi Ihsa jümürü te lang adrongnü chotako,

YUSE ATSA LUK 20:10

Khode shükusih laanung akyang chihcho, abinü anguchirü yang abi nohlüm chingnung akulirü khüdu wüsohcho. Ta arühnü kulibong tsü lahcho ko khehshü thali müthehcho.

YUSE ATSA LUK 12:48

Ta kulirü sünü Abüdongba lümcho mümüdhepü ta axüpnung leng lango nguchiro, abi thri du xüpnung. Sü khyang adrong jücho abi chahnü adrong khangre; sü khyang alaa jücho abi chahnü alaa khangre.

MATHI 21:34

Khode shükusih laanung akyang chihcho, abinü anguchirü yang abi nohlüm chingnung akulirüti müthehcho.

ZEKARIA 7:7

Jerusalem rii jode ko arüh yangdi mükang lijengcho du mah, ta adesü kihjing lahpi ko nyüzüdu lang azong jingdümpi nyitsarünü jeng li bekhyah, Abüdongba-nü müngulang azikehrü khu yocho.

MIKA 7:1

Alongdi mühle! Singdong chah asih ko shükusih shü chah shükusih nying mükeh nguba yangseh liba nyitsarü khüdu kyo Ih lile. Shükusih apüm ko anyiyah ngurüsih apüm laakhangpehko.

JEREMIA 44:4

Ihnü nührü yang I dikehrü azikehrüti mütozah rosohcho, arühnü nührü te Ihnü thrünyiba adrünung nguchiti münguchinung yocho.

JEREMIA 35:15

Ihnü nührü yang mütozah I dikehrü azikehrü müthehre, ko arühnü nührü te amünyi langti pehjünung ko yuje du nguchinung yore. Ko Ihnü nührü ko nührü jümürü khyang jüba lih la tsü lidu linung nengdang aparü tsingrangti mümübünung ko müdikehnung nührü te müzahsohko. Ta nührünü Iyu mühnyi.

NENGSEKHI 1:3

Arüh yongna bekhümla yaba, bechola asih sihba, ko ava mütrülohba singdong kyole. Arüh nguchicho apüm la akoh ngure.

EZRA 9:11

Ihrü linung wüba limih tsü amümüsaepü arühnü ihrü te yoko, tunüo hütsüla lirüti tsü jongnah khüulangnü khüulangchi amünyi nguchinü jeng licho.

2 ROHTHÜP 36:15

Abüdongba, arüh jümürü Tsingrang-nü mütozah apu müyurü müzahsohnung azikehrüti müthehcho, tunüo Abinü arüh ko Amübükuh rikinyücho.

2 YANGTHSARÜTI 17:13

Abüdongba-nü Israel ko Juda yang müzahsohnung yusi hirü azikehrü müthehcho: “Nührü amünyi lang lanü ximülaang ko Ihnü nührü jümürü khyang I dikehrü azikehrü khu jüba I Yuzeng nyieng.”

MARK 12:1

Achotsü Jisu-nü arüh te yukitabanü chotacho: “Shikhe khüdu nyüh khüdunü shükusiluh thsacho, ko tbünü tbütipü anyehnung shukuh jucho, ko roshengvi khüdu thsacho. Hütsüpü anguchirü khyang luh tsü yuthsahsohnung jüpü shitsehnung tsicho.

MARK 12:3

Luthsarüti tsünü kulirü tsü rangcho, ko lahpü thali tbhüdeng tsisohcho.