JOSHUA 9:9 - AMÜSA BAIBEL (BSI)

⁹ Hütsüde arühnü abi te yukheh hi yocho: “Adirü, ihrü limih ashulanü rocho, tunüo ihrünü nührü Tsingrang Abüdongba nengdang yuchiko.

JOSHUA 9:9 Iomraidhean Croise

1 YANGTHSARÜTI 8:41

“Ashula liba shuparünü Nü neng ko Nühnü müyurü te nguchicho yuchi, Nüh mübünung ko Nüte kihchinung hiba amübükuhlang rode,

NEHEMIA 9:5

Levirü hirinü mübünung dsiyohcho: Jeshua, Kadmiel, Bani. Hashabneia, Sherebia, Hodia, Shebania ko Petahia. Arühnü yocho: “Shemüsung ko Abüdongba nührü Tsingrang seing; Müchangkapü Abi seing! Atümungnü Abi ahechi neng seing, nyitsarünü seba tsü adekheng müthsanye.”

NENGSEKHI 148:13

Arüh atümungnü Abüdongba neng sesohng! Abi neng aparü atümung tenü adiuba; Abi ahechi ning ko alih tenü amichahba.

NENGSEKHI 72:19

Abi ahechi neng achangka müli seing. Abi ahechinü limih apüm jengsohng. Amen! Amen!

NENGSEKHI 78:12

Arüh jümürütinü ngu Ijip la, Zoan ngah la Tsingrangba-nü thsayahiya nguchicho.

NENGSEKHI 83:18

Limih apüm michah Nüh du tsü Abüdongba ko amichahba yangthsabaepü arüh khyang müdhesohng.

NÜCHEHCHO 15:14

Yuchotinü hütsü yuchicho, ko adrüchonü dhridhricho; Filistiarü alümxünü jengcho;

NÜCHEHCHO 9:16

Ta nüte I zii ngusohnung, ko limih apüm la I neng müdhesohnung Ihnü nü akang yohpücho.

ISAYA 55:5

Ade nührünü shuparü dsinung; khüdupi arühnü nührü mümüdhecho, ta ade arühnü nührü yola zehnung shang ronung! Ih, Abüdongba nührü Tsingrang, Israel Amüsa Tsingrang-nü hiri apüm tikehsohnung; Ihnü nührü khyang adhichi ko ahechi apüm jünung.”

ISAYA 66:19

Arüh müjang shibülungde, I ziinü khütoi nguchinung kohro hütsü arühnü ngunung ko arüh khingchiba tsü Ihnü-epü müdhenung.” “Ta Ihnü arüh khürü rikinung ko I nengkhong müyuchierü I dicho ko I zii nengdang müyuchierü yuchoti ko limih ashulang arüh müthehnung: Spain, Libya ko Lydia lang tbüdeng bichinungla asithsarü zeh ko Tubal ko Greece lang. Hiri yuchoti ko arühnü I dicho sobhonung.

KHIDHINGCHO 14:15

Ade, Nühnü Nü müyurü atümung changsohde, Nü neng yuchi liba yuchotinü

KHIDHINGCHO 20:14

Mosa-nü yusi hirü Kadesh lanü Edom yangthsaba yang müthehcho. Arühnü yocho, “Hiba yusi hi nührü jünirü Israelrü chahnü lile. Ihrü khütoi chongcharo,

RIWÜRÜTI NGUCHI 8:7

Nyitsarü adrong chahnü amünyi nbü khong chürocho, ko dsidsisürü ko jingjahrü adrong kyangcho.

AZIKA YU 20:11

Arühnü tbükhüm khangthru yangtsa külüpkhang, arüh tsü nührü hehneh thsanung.

AZIKA YU 20:15

Hütsüta nührü linung lanü ashu za liba yangditi te bichieng.

JOSHUA 9:10

Abinü Ijip la nguchicho lüpcho ko Jordan nyüchürolang liba Amor-rü yangthsarü anyüh Ashtarot la liba Heshbon yangthsaba Sihon ko Bashan yangthsaba Og nyüh chah tu nguchicho hiri apüm yuchiko.

JOSHUA 9:16

Yangtsa tsü külüp-pü nyümong asang khanglang, yuje hiri nyitsarü hi münyehta lirüepü Israelrünü müdhecho.

JOSHUA 9:17

Achotsü Israelrünü shemüsucho ko nyümong asang khanglang hiri nyitsarü liba yangdi Gibeon, Chefira, Beroth ko Kiriat Jearim chihcho.

JOSHUA 9:24

Arühnü lalingcho, “Adirü, Abüdongba nührü Tsingrang-nü abi dikehrü Mosa khu nührü rode hiba limih hi apüm nührü khyang jünung ko hütsüla lirü apüm kyüsehnung mülajükopü ihrünü nyisichonü, ihrünü hütsüta nguchicho. Ihrünü nührü dee drücho; ko ihrü akang nengdang lümxüchonü hita nguchicho.