JOSHUA 8:33 - AMÜSA BAIBEL (BSI)

³³ Israelrü, arüh langnürüti, thsazirüti, yukharüti ko arüh yola liba shuparüsü zeh Abüdongba Yuzeng Singdi khüu-khüulang ko hütsü dhirü Levirü bebürü chah dhingkeh yacho. Arüh changsho-o nü Gerizim Zong lahpi arüh khang pipü ko changsho-o tsünü Ebal Zong lahpi arüh khang pipü yacho. Hi Abüdongba dikehrü Mosa-nü arühnü amüwa khyüchonung shikhela hita nguchinung mülacho lile.

JOSHUA 8:33 Iomraidhean Croise

NÜCHEHCHO 12:49

Hiba yuzeng akyokyo tsü shutsakhung Israelrü ko nührü yola shuparü chah bichinung.”

LEVIRÜ 24:22

Hiba yuzeng hi Israelrü ko nührü yola liba shuparü atümung nengdang linung, tunüo Ih nührü Tsingrang, Abüdongba lile.”

KHIDHINGCHO 15:15

Aronung shang apüm la nührü chahnye, nührü yola liba shuparü chahnye, akyokyo yuzeng tsünü rah lile. Abüdongba jingte nührü ko arüh sako linung;

KHIDHINGCHO 15:16

nührü ko arüh chah yuzeng akyokyo du tsünü bichinung.

KHIDHINGCHO 15:29

Abüdongrü Israel thsanye, likhungrü shuparü thsanye sünü mümüdhepü thsamehnang hütsü roh-i du nguchinung.

JOHAN 4:20

“Ihrü jümürü Samariarünü hiba zong la Tsingrangba mübü rocho, ta nührü Jihudarünü Jerusalem la du Tsingrangba mübübaepü yore.”

AZIKA YU 11:29

Khode anyengchocho lih la tsü Abüdongba-nü nührü noronang, amüwa tsü Gerizim ko chokehchola tsü Ebal Zong lanü sobhonung.

AZIKA YU 31:12

Khingkurü adhrerü, azarü ko nührü yola liba shuparü atümung müjang dsibülung ko atümungnü hütsü yuchipü Abüdongba nührü Tsingrang yuzeng adoba yuje cho bichisohng.

AZIKA YU 31:25

Khode abinü thümcho, abinü yuzeng singdi xükümrü Levirü bebürü te tsü yocho.

AZIKA YU 31:9

Hütsüpü Mosa-nü Yuzeng tsü thrahchocho ko yuzeng singdi xükümrü Levirü bebürü ko Israel zirü khyang jücho.

JOSHUA 23:2

Achotsü abinü Israelrü azibarüti, langnürüti, yukharüti ko müyurü yola thsazirüti atümung dsinü yocho, “Adelü Ih dee shiko.

JOSHUA 24:1

Joshua-nü Israelrü yucho apüm Shekem la shibülungsohcho. Abinü azirüti, langnürüti, yukharüti, ko thsazirüti dsicho ko arühnü Tsingrangba jingte rocho.

JOSHUA 3:14

Hütsü maxa bekhyah ko yongkhi tsü kihmülüm licho.

JOSHUA 3:3

“Khode bebürütinü nührü Tsingrang Abüdongba Yuzeng Singdi tsü dhi bipü tsi ngunang, nührünü palu alichahnü shemüsu arüh khanglang iiwüng.

JOSHUA 3:6

Hütsüpü abinü bebürü te Yuzeng Singdi tsü dhipü müyurü bekhu tsinung yocho. Ko arühnü abinü yocho kyo nguchicho.

JOSHUA 4:10

Abüdongba-nü Joshua te müyurü khyang nguchisohnung yoba lüpcho tsü münguchikhangde bebürünü Jordan longla tsü yacho. Hi Mosa-nü mülacho lile. Müyurütinü dhsüdhsa yongkhi tsü kehcho.

JOSHUA 4:18

ko khode bebürüti tsü kihbekhüm chii chürocho yongkhi tsü thali akong jengmülüm pohcho.

JOSHUA 6:6

Joshua-nü bebürüti dsinü arüh te yocho, “Yuzeng Singdi tsü dhieng ko nührü dhünyehnü rühti bipü hütsü bekhu püte.”