JOSHUA 8:1 - AMÜSA BAIBEL (BSI)

¹ Abüdongba-nü Joshua te yocho. “Nü yola rothsarü apüm nüng ko Ai lang wüng. Tüdrü mahkhang müci tüsüm. Ihnü nü khyang Ai yangthsaba, abi müyurü ko yangdi michah akoh jünung ko alih tsü nü yo kangnung.

JOSHUA 8:1 Iomraidhean Croise

NENGSEKHI 27:1

Abüdongba tsü I atsingse ko I akangcheh; Ihnü süsü müdrünung. Abüdongba-nü dhsürü apüm lanü Ih tsungtire; Ihnü khodesü müdrünung.

NENGSEKHI 44:3

Nü nyitsarütinü arüh thsunohrünü alih tsü mümahcheh; arühbürü tasenü hütsü mükoh; ta Nü zii ko tasenü, Nühnü arüh müicho, Nüh zehcho khu ngusohcho.

NENGSEKHI 46:11

Akohba Abüdongba Ihsa te lile; Jakob Tsingrang tsü Ihsa tsikehsing.

ISAYA 12:2

Tsingrangba I khümchorü; Ihnü Abi chah longlangnung ko Ih müdrünung. Abüdongba-nü zii ko tase jüre; Abi I khümchorü.

ISAYA 43:2

Nüh kih asoh khu kehde, Ih nüte linung; chongchanü nüh mümülümphanung. Nüh michang khu tside, nüh mütrüpnung; athsadsü amülahnü nüh mülerohpehjünung.

JEREMIA 46:27

“I müyurü, tüdrü, Israelrü, tüneh. Ihnü nührü ashu lih lanü khümchonung, nührü rangyoh liba lih lanü. Nührü kulang thali ronung ko yangtsa la linung; nührü khümcho linung, sünüsü nührü müdrüsohnung.

JEREMIA 49:3

Heshbon-rü, züdeing! Ai thsangnyangko! Rabalarüti, meshüng! Müyahshü müpieng ko meshüng. Tsohkhuta tsieng. Nührü tsingrang Molek tsü abi bebürü ko yangthsarüti yola yangtsilang nowünung.

DANIEL 2:21

Abinü bekhyah ko tsingkang müyü mülihchijüre; Abinü yangthsarü külüpre ko jowüsohre; lümlong ko anyichehba Abinü jüre.

DANIEL 4:25

Nüh amüi tsurü yolanü iipehnung ko rangmü kanglungrü yola linung. Nüh kang dhünyeh misüpung kyo zanu tsunung, ko jungchah yüpnung ko nü chah Tsingrang-nü limih yanglihti bichire ko abinü jünyürü khyang hütsüri jürepü nühnü müdhenung.

DANIEL 4:35

Abinü limih nyitsarü tsü tu mah dhingre; Ninglang riwürü ko alih la müyurü Abi pohki lile. Sünüsü Abi lümcho nyümnung mükoh, mahkhang abi nguchi mütsingdhingcheh.

MATHI 8:26

Jisu-nü yocho, “Nührü tuepü hitoi drüro?” “Nührü yudsi samrale!” Hütsüpü abinü shemüsu nyübong ko kiloh te zahnung yuzengjücho ko longlüm kangcho.

AZIKA YU 31:8

Abüdongba apunü nüh nünung ko nüte zehnung. Abinü nüh müpehjünung, hütsüeko sumüzeh tüli mahkhang drü tüli.”

AZIKA YU 7:18

Arüh tüdrü; Abüdongba nührü Tsingrang-nü Ijip yangthsaba ko abi nyitsarü te tu nguchicho hütsü lümchehng.

AZIKA YU 7:21

Hütsüeko hiri nyitsarü tüdrü. Abüdongba nührü Tsingrang nührü te lile; Abi Tsingrang amülah ko Abi du drünungbae.

JOSHUA 1:9

Ihnü nüte re zehnü ko müci zinung yuzengjücho lümkehng. Tüdrü ko suzah tüli, tunüo Ih, Abüdongba nü Tsingrang nüh khüdederü wünye nüte zeh lile.”

JOSHUA 10:7

Achotsü Joshua ko abi rothsarü apüm akurahrüti zeh Gilgal lanü shemüsucho.

JOSHUA 10:8

Abüdongba-nü Joshua te yocho, “Arüh tüdrü. Ihnü nü khyang akoh tsü jopehko. Arüh sünüsü nü bete müyachehnung.”

JOSHUA 2:24

Ko anyünü abi te yocho, “Yutsatsa Abüdongba-nü alih tsü apüm Ihsa khyang jüko. Hütsüla lirü müyurüti atümungnü Ihsa drüseh lile.”

JOSHUA 6:2

Abüdongba-nü Joshua te yocho, “Ihnü nü kheh la Jeriko yangthsaba ko athrungrü rothsarüti zeh jüko.

JOSHUA 7:9

Kanan-rü ko hütsü lih la lirü apümnü hütsü yuchinung. Arühnü ihrü benung ko ihrü apüm kyüsehnung. Hütsüde Nühnü Nü neng khümchonung tu nguchinung?”