JOSHUA 7:7 - AMÜSA BAIBEL (BSI)

⁷ Ko Joshua-nü yocho, “Abüdongba Tsingrang! Tuepü Nühnü ihrü Jordan keh norocho? Amor-rü kheh la jünungba ang? Ihrü changsohnungba ang? Tuepü ihrü yah Jordan khüulang tsü mülisohcho?

JOSHUA 7:7 Iomraidhean Croise

2 YANGTHSARÜTI 3:10

Yangthsaba Joram-nü züdecho, “Ihsa kingkako! Abüdongba-nü Ihsa yangthsarü asang Moab yangthsaba kheh la jüko.”

NENGSEKHI 116:11

Ihnü drüseh lidesü yocho, “Sü chahsü longlangnung mühle.”

NÜCHEHCHO 16:3

“Abüdongba-nü ihrü Ijip la tsünü müpseh pehba thsako. Hütsüla ihrünü pümpü shuh ko apa ihrü tsunyücho tsuba thsako. Ta nühnü ihrü kongsehsohnung hiba akungaselih la noroko.”

NÜCHEHCHO 17:3

Ta müyurüti xosehchonü mütozah Mosa te jümjüm yocho. “Tuepü ihrü, ihrü tsuzarüti ko ihrü akang kuthsi xoseh süsohnung ihrü Ijip lanü nüchehcho?”

KHIDHINGCHO 14:16

Nühnü Nü müyurü anyengchocho lih la münorochehcho khu akungaselih la kyüsehkhangkopü chonung.

KHIDHINGCHO 14:3

Tuepü Abüdongba-nü Ihsa hütsüba lih lang nowüro? Khatala tsü Ihsa sünung ko Ihsa tsuzarü nitpürü rang notsinung. Ijip lang thalicho atsauba müthsanung do?”

MATHI 17:17

Jisu-nü lalingcho, “Nührü yudsi müliba ko thsamehba nyitsarüti! Khütoi chah Ih nührü te linung? Khütoi chah Ihnü nührü te rangchonung? Azaba tsü Ih yang norung!”

MATHI 17:20

“Hütsü nührü yudsi mükükyüchonüe” Jisu-nü lalingcho. “Ihnü ajüje nührü te yore, nührü yudsi xehnyi tse toh-i dusü likhang, nührünü hiba akhang te yonung kohnung, ‘Hilanü hütsüla wüng!’ Ko hütsüla wünung. Nührünü lüpcho kohnung!”

IBRIRÜ 12:5

Tsingrangba-nü atsurü te roh-i athsüchi yu yobasü nührünü nbüchücho mah-o? “Itso, Abüdongba-nü nüh mülichijüde lasih jüng, ko abinü yübüde suh tüzah.

JOSHUA 7:6

Joshua ko Israelrü langnürütinü awahchonü arüh shü rehnah, arüh awah ngusohnung arüh thah chah tavi kangkeh, Abüdongba Yuzeng Singdi jingte chichi hütsüla nyüzeh yüpjocho.

JOSHUA 7:8

O Abüdongba, Ihnü tu yonung, tunüo Israelrü arorüh tenü shehli roko.

YUKHARÜTI 20:23

Arühnü abi te tsingdhingcho, “Ihrü jünirü Benjaminrü nyüm ihrünü adesü wü khatanung mah-o?” Abüdongba-nü lalingcho, “Ho wüng.” Hütsünü Israel rothsarüti rezehchicho ko arühnü akhudi nyümong kyo thseh pümcho.

1 SAMUEL 4:3

Asünyingrü amüdongjilang thali rode, Israel zirünü yocho, “Tuepü Abüdongba-nü chünye Ihsa Filistinrü khyang kohsohcho? Abi Ihsa yola zehnung ko arorüh khehlanü Ihsa khümchonung nengdang Ihsanü Shiloh lanü Abüdongba Singdi tsü hironung.”