JOSHUA 7:21 - AMÜSA BAIBEL (BSI)

²¹ Ihrünü kengchocho kohro yola Ihnü Babylon-rü fükhüm khüdu taripi süreh anyü-oshi ko hon süreh achangshochah kehnü külüpcho tpah khüdu ngucho. Ihnü hütsü mükhyahrachonü hütsü khyüko. Hütsü I shükuh la taripinü akhyangdi thsapü jurangpüle.”

JOSHUA 7:21 Iomraidhean Croise

LIPOH 10:10

Adikehla abi yanglih tsü Babylon, Erek ko Akkad licho, hiri asangding Babylon la lile.

LIPOH 3:6

Khingkutpü tsünü hiba singdong tsü adhingnung atsa ko asih tsü atsunung tsara ngucho ko müdhe kangnung tsü khüta anyemüyangnung pü lümcho. Achotsü abükyünü singsih tsü laa rocho ko tsucho; ko abükyünü anii khyangsü jücho, ko abinü tsucho.

LIPOH 34:27

Arüh kingthrümpü khanglang Jakob tsurü aparüti tsünü arüh nirü ashah khyüsohcho ngang yangdila kohro apüm zang khyücho.

LIPOH 6:2

ninglangrünü nyitsarü tsularüti tsü tsa ngucho, achotsü arühnü arüh müru khyücho.

2 SAMUEL 11:2

Nyümong khüdu, anyüzehlang, David-nü achongnong lanü shemüsu abi kuh amunglang küducho. Abi hütsü michah tsehchi rachide, abinü khingkurü khüdu mütsahya ngucho. Abükyü tsü atsah khütang tsacho.

2 YANGTHSARÜTI 7:8

Khode arüh müyü tsü amüdongchah müdsuolang rochihcho, arühnü shükuh khüdula züducho ko hütsüla licho tsü tsuyongcho, hon, taripi ko jengki khyücho ko hichüdu rang yohpücho; hütsüpü thali shükuh apa khüdula züducho ko hütsüta nguchicho.

JOB 31:1

Ihnü khodesü lazalarü chah mükhyah müdhingnung yuchümko.

NENGSEKHI 119:37

Amii mülibala müci jünung lanü Ih nülieng; Nü anyengchocho kyo Ite tsaang.

NÜCHEHCHO 20:17

“Nühnü aparü kukhi tümükhyah; abi nitpü, akulirü, amisü, agadu mahkhang abi licho tusü tümükhyah.”

CHOYOH 1:19

Arahkhehnü jingchonung iichirü akang changkare ko hütsü jingchorü akang khyüre.

CHOYOH 23:31

Shingla yongkha amoh tsüchinü nyehkeh ngude nühnü tümükhyah.

CHOYOH 28:22

Thsamütsa suro khode ro mütohnung mümüdhepü axükehrünü alirü kangnung dhsüdhsare.

CHOYOH 4:23

Nühnü müzah lümdhing; tunüo nü akang tsü nühnü lümba tsünü külüpre.

ISAYA 28:15

Asürü te yangtsa külüp ko asürü limih te azengtacho külüpko pü nührünü müthsehre. Achangba rode hütsünü nührülü müchinungepü lümre, tunüo nührünü arahkheh ko akihyochüba dümpire.

ISAYA 29:15

Sürünü arüh lümchung Abüdongba tenü rangkhunung müküpro, arüh ahohah! Arühnü arüh lümchung bürünü müngu mahkhang mümüdhepü rang nguchire.

HABAKUK 2:9

Nüh ahohah! Akengchochonü nü kukhi alirü kangcho ko nüpu kukhi dhsürü lanü khümchonung nühnü müküpcho.

YUSE ATSA LUK 12:15

Ko abinü arüh atümung te yocho, “Müruthsa apüm lanü kukeng müzah lieng, tunüo nyitsarü khüdu akang tsü kuthsi khütango lichonü akang mülire.”

YUSE ATSA LUK 12:2

Tuturü haptipüro khohchehnung ko rang licho apüm müdhesohnung.

EFESIARÜ 5:3

Nührü Tsingrangba tsurüeko, nührü yola nahtrahnaxeng mahkhang amümüsa, mahkhang müxümüngu khiyu dangchinung athsalang mah.

EFESIARÜ 5:5

Nahtrahnaxengrü, amümüsarü, mahkhang müxümüngurü (tunüo müxümünguba tsü kyothri mübüba khüdue) süsü Khrista ko Tsingrangbarü yanglih la nohlüm mühlepü nührünü müdheing.

AZIKA YU 7:25

Arüh kyothriti trüp-pehjüng. Hütsüri chah kehba hon ko taripi tümükhyah ko hütsüri nührübürü nengdang tükhyü. Nührünü khyükhang, hütsü asüba linung, tunüo Abüdongba-nü kyothri mübürü thrünyire.

KOLOSIRÜ 3:5

Hütsüeko nührü chah liba mükhyahmürah, adüzünü: nahtrahnaxeng, amümüsa, mükhyahba, amünyi müruba, ko müxümüngu (tunüo müxümüngu tsü kyothri mübüba khüdu lile), hiri nührünü müpsehng.

IBRIRÜ 13:5

Thsi müiba lanü nührü za lieng, ko nü licho la longkyang. Tunüo Tsingrangba-nü yore, “Ihnü khodesü nüh müpehjünung; Ihnü khodesü nüh müthrüchahchüpehnung.”

JAKOB 1:15

Khode amünyi mükhyahmürahnü abi jengnang amünyi surore; ko khode amünyi tsü zinang, asüba surore.

JOSHUA 7:20

Akhan-nü lalingcho, “Yuje,” “Ihnü Israel Tsingrang Abüdongba nyüm amünyi shitpahko ko Ihnü nguchiba tsü hi.

JOSHUA 7:22

Achotsü Joshua-nü nyitsarü khürü müthehcho ko arühnü shükuh la tsü shangwücho ko mülangjücho kohro tsü taripinü akhyangdi thsapü hütsüla jurangpücho arühnü ngucho.

2 PETER 2:15

Arühnü lang amüchong tsü pehjüpü thrümeh tsiko; arühnü Beor tsurü Balaam sünü thsi müicho khyanglangnü amüthsalang nguchicho,