JOSHUA 7:13 - AMÜSA BAIBEL (BSI)

¹³ Shemüsung! Müyurüti müsachehsohng ko I yanglang ronung rungnümsohng. Atu rungnümnung arüh te young, tunüo Ih Israel Tsingrang Abüdongba-nü hi yore: ‘Israelrü, Ihnü changpehsohcho kohro khürü nührü kheh la lile. Nührünü hi müpehde nührü rorüh bete müyachenung!’

JOSHUA 7:13 Iomraidhean Croise

LIPOH 34:27

Arüh kingthrümpü khanglang Jakob tsurü aparüti tsünü arüh nirü ashah khyüsohcho ngang yangdila kohro apüm zang khyücho.

2 ROHTHÜP 28:10

Ade nührünü Juda ko Jerusalem nyitsarü adhrerü ko khingkurü nührü yuhrü kangsohnung lümre. Nührü Tsingrang Abüdongba nyüm nührünüsü amünyi shitpahcho nührünü mümüdherü do?

MATHI 7:5

Khürahbong! Akhu nüpu nah lanü singnah tsü pehng, hütsüpü du nü jünirü nah la anyah tsü pehjünung tsidsa ngunung.

AZIKA YU 13:6

“Nü mung, nü tsurü, nü tsularü, nü nitpü mahkhang nü shangrü khungnü mii nührü ko nührü khodesü mümübücho tsingrang mübüsohnung rangnü thsüchinung kohle.

JOSHUA 3:5

Joshua-nü müyurü te yocho, “Nührü jangjang müsachehng, tunüo atu Abüdongba-nü nührü yola thsayahiya nguchinung.”

JOSHUA 6:18

Ta achangsohcholanü nührünü tusü tükhyü; nührünü khyükhang, Israelrü michah chongcha ko achangba hirore.

JOSHUA 7:11

Israelrünü amünyi shitpahko! Arühnü Ite anyengchotacho thsangnyangko. Arühnü changpehsohnung lanü kohro khürü khyüko. Arühnü fühko, arahkheh choko ko arüh kohro yola yohko.