JOSHUA 7:12 - AMÜSA BAIBEL (BSI)

¹² Hütsü khu Israelrünü arüh rorüh bete müyachehre. Arühnü arüh betenü shehre, tunüo arühbürü tsü ade changpehnung mülangjüko! Ihnü nührü te mükhyünung yoba kohro tsü nührünü müpehkhangdelü Ih nührü te mülinung.

JOSHUA 7:12 Iomraidhean Croise

NENGSEKHI 44:10

Nühnü ihrü rorüh bete tsisohko, ko arühnü ihrü yo khyüko.

NENGSEKHI 60:10

Yuje Nühnü ihrü thrüchahchüpehcho mah-o? Ihrü rothsarü yola Nüh müshemüsunung do?

CHOYOH 28:1

Sünü mü-iichipü amütsarünü drü tsire, ta yuje chorü kihkhünying roh-i re zeh yare.

ISAYA 59:2

Hütsü nührü münyi khu Abinü nührü yu müyuchire. Nührünü Abi mübünung müküpde nührü münyi khu Tsingrangba tenü nührü zasohre.

JEREMIA 23:33

Abüdongba-nü Ite yocho, “Jeremia, I müyurü khüdu mahkhang azikehrü mahkhang bebürü khüdunü nüte, ‘Abüdongba yusi tuo’ pü tsingdhingde, nühnü abi te, ‘Nüh Abüdongba nengdang bhamüling lile ko Abinü nüh pehnung; pü young.’

JEREMIA 6:8

Jerusalemrü, nührü nengdang achongcha hiri amüdhethsa khüdu kangsohng, Ihnü nührü thrüchahchüpehnung; Ihnü nührü yangdi tsü süsü mülichehba lipilih kangsohnung.”

HOSEA 9:12

Ta arühnü azarü nümüsunye, Ihnü arüh khyümüinung, ko süsü akang müpehjünung. Ihnü hiri nyitsarü thrüchahchüpehde, arüh chah adrünung tikehnung.”

HABAKUK 1:13

Ta Nühnü khüta thsüyohchürü ko amütsarü hiri te rangchoro? Amünyi chah dhingnung Nü nah khura Amüsa, ko amütsa nguchirü Nühnü mükoh dhingre. Hütsükhang, arüh tenü amüsaba nyitsarü changjüde, tuepü Nü sahmüthsaro?

KHIDHINGCHO 14:39

Khode Mosa-nü Israelrü te Abüdongba-nü yocho yu tsü yocho; arühnü dee longricho.

KHIDHINGCHO 14:42

Tüwü. Abüdongba nührü te müzeh ko arorühnü nührü kohnung.

KHIDHINGCHO 14:43

Khode nührünü Amalek-rü ko Kanan-rü dhsükehnang, khatala tsü nührü sünung; nührü te Abüdongba müzehnung, tunüo nührünü Abi khanglang mü-i.”

KHIDHINGCHO 14:45

Hütsüde hütsüla lirü Amalek-rü ko Kanan-rünü arüh mahcho ko kohcho ko Horma chii iirocho.

AZIKA YU 7:26

Hitari kyothri tusü nührü kuh yang tühiro mahkhang hütsüri chah kehba chokehchola tsü nührü chah küdunung. Nührünü hitari kyothri thrünyieng ko tükhyüyoh, tunüo hütsü chokehcholacho kohro lile.

JOSHUA 6:18

Ta achangsohcholanü nührünü tusü tükhyü; nührünü khyükhang, Israelrü michah chongcha ko achangba hirore.

YUKHARÜTI 16:20

Hütsüpü abükyünü züdecho, “Samson! Filistinrü tsehle” Abinü jesucho ko lümcho, “Lede roh-i Ihnü lehcheh tsinung.” Abüdongba-nü abi pehjükopü abinü mümüdhecho.

YUKHARÜTI 2:14

Hütsünü Israelrü te Abüdongba rihlong chüro arüh rorüh khyang arüh mahsoh ko kengchosohcho. Abinü arüh mükang liba arorühti khyang arüh kohsohcho ko Israelrünü arühbürü tsungtinung mii adelü mükohcho.

YUKHARÜTI 2:4

Ninglang Riwürü tsünü hi yode, Israelrü atümung tracho,

1 SAMUEL 14:38

Achotsü Saul-nü langnürüti te yocho, “Hila rung ko chünye tu mülang shitpahchonang rangchehnung.