JOSHUA 7:11 - AMÜSA BAIBEL (BSI)

¹¹ Israelrünü amünyi shitpahko! Arühnü Ite anyengchotacho thsangnyangko. Arühnü changpehsohnung lanü kohro khürü khyüko. Arühnü fühko, arahkheh choko ko arüh kohro yola yohko.

JOSHUA 7:11 Iomraidhean Croise

2 YANGTHSARÜTI 18:12

Samaria khüluba tsü, Israelrünü Abüdongba, arüh Tsingrang yocho münyi, Mosa khu jücho yuzeng münyi ko azengtacho thsangnyangcho khunü licho. Arühnü hütsüri münyicho ko mübichicho.

2 YANGTHSARÜTI 5:24

Arühnü Elisha liba akhang tsü chihde, Gehazi-nü shibha anyüh tsü khyo akuh la hizüducho. Hütsüpü abinü Naman kulirü anyüh tsü thali tsisohcho.

ISAYA 24:5

Nyitsarünü Tsingrangba yuzeng thsangnyang ko lede nengdang külüpcho azengchotaba thsangnyang alih münyijüko.

JEREMIA 31:32

Hütsü Ihnü arüh jümürü Ijip lanü nüchehde arüh te külüpba azengtacho mükyonung. Ih arüh anii kyo linye, arühnü hütsüba azengchotacho tsü müyohbü.

HOSEA 6:7

“Ta Adam lih chihyeng, Ihnü arüh te zengtaba arühnü thsangnyangcho.

LEVIRÜ 5:15

Nyüh khüdunü mümüdhepü Abüdongba Amüsa kohro müjükhang, abinü Abüdongba yang thsamehcho mübü lapha mükeh san mahkhang mizapung khüdu hirung. Angang tsü yuzengnü mülacho aichi khanung.

HABAKUK 2:6

Amükohrünü akohrü müthsamünyüre. Arühnü yore, “Bürü yo nühnü khyüre, ta nüh ahohah! Khütoi nyahli thsite teerü te khingnü ching nüh alirü kangnung?”

ZEKARIA 5:4

Hiba chokehchola hi aführü kukhi müipi, ko arahkheh cho yuchümrü kukhi müipi la züdunungepü Akohbong Abüdongba-nü yore. Arüh kukhitila hi linung ko arüh thsangnyangjünung.”

MATHI 22:21

“Kaisar” arühnü lalingcho. Hütsüde Jisu-nü arüh te yocho, “Khang, tu Kaisar yo, hütsü Kaisar khyang jüng, ko tu Tsingrangba yo hütsü Tsingrangba khyang jüng.”

RIWÜRÜTI NGUCHI 5:9

Hütsünü Peter-nü abükyü te yocho, “Abüdongba Anbü thsadsünung tuepü nühjü yube trümcho? Nü nii me dhrürangrüti trahtri te yale, ko arühnü nühsü dhitsinung!”

AZIKA YU 17:2

“Adüzünü nührü yangdila lirü khingkurü mahkhang adhrerü khürünü Abüdongba nyüm amünyi shitpahko

IBRIRÜ 4:13

Tsingrangba tenü rangnung tusü mühle; athricho lüpcho abi nah te misha lile. Ko abi te Ihsa atümung palu nguchi hüm nguchisohnung lile.

JOSHUA 23:16

Abüdongba Tsingrang-nü mülacho azengtaba tsü nührünü müyohpükhang ko nührünü aparü tsingrang dikeh ko mübükhang, Abinü rihlong chüro nührü khingchinung ko tunyah mülipü Abinü jüba alih atsa hila nührü süsü nying mülinung.”

JOSHUA 7:1

Abüdongba-nü Israelrü te Jeriko lanü tusü mükhyünung ta lüpcho changpehsohnung yobasü münyicho. Nyitsarü khüdu anengnü Akhan-nü hütsüba yuzeng tsü thsangnyangcho, hütsünü Abüdongba-nü Israelrü te rihlong chürocho. (Akhan tsü Zabdi shümtsurü ko Karmi tsurü, Juda hung lanü changshocho Zera tsutpu lanü licho)

JOSHUA 7:10

Abüdongba-nü Joshua te yocho, “Shemüsung! Tuepü alih la hita yüpjoro?

YUKHARÜTI 2:20

Hütsüde Abüdongba-nü rihlong chüro Israelrü te yocho, “Ihnü arüh jümürü khyang jücho azengtacho hiba yuchonü thsangnyangko. Tunüo arühnü I yocho münyi,

1 SAMUEL 14:38

Achotsü Saul-nü langnürüti te yocho, “Hila rung ko chünye tu mülang shitpahchonang rangchehnung.