JOSHUA 3:16 - AMÜSA BAIBEL (BSI)

¹⁶ Bebürütinü yongkhi la tsü mütrahyohyeng, kih tsü pohkacho, ko Zarethan müshüm Adam yangdi chii kih tsü tingbülung yacho. Asü Kihdi yang pohjüroba tsü nyehpehcho ko müyurüti tsü Jeriko tenü lahkhucho.

JOSHUA 3:16 Iomraidhean Croise

LIPOH 14:3

Hiri yangthsarü münganü Siddim ngah la tsungphung khüdu kangcho. (Siddim tsü ade Asü kihdi.)

1 YANGTHSARÜTI 4:12

Baana, Ahilud tsurü: Tanak, Megido yangditi ko Beth Shan shündhün lih apüm, Zarethan yangdi shündhün, Jezrel yangdi kihjinglang ko Abel Mehola ko Jokmeam yangdidi chiinü.

1 YANGTHSARÜTI 7:46

Hiri apüm tsü yangthsabanü Jordan Ngah la Sukot e Zarethan nyüh kahla idhse müluji lanü mülusohcho.

NENGSEKHI 114:3

Amoh kihnü dhingcho ko drü tsicho; Jordan Yongkhinü müpohcho.

NENGSEKHI 114:5

Kihdi, tunü nüh rang tsisohcho? O Jordan, tuepü nühnü müpohcho?

NENGSEKHI 29:10

Abüdongba-nü kih asoh michah yangthsare; Abinü achangka müli yangthsare.

NENGSEKHI 33:7

Abinü kihdi apüm müdüm khüdula khyübülungcho; Abinü kihjü asoh alih yonglang khangtire.

NENGSEKHI 66:6

Abinü kihdi alih akung kangsohcho; Ihsa jümürünü jingnü yongkhi tsü kehcho. Hütsüla Abinü nguchichola Ihsanü künyangtacho.

NENGSEKHI 74:15

Nühnü kihnatung ko yongna pohsohre; Nühnü yongkhi adidi kungchehsohre.

NENGSEKHI 77:19

Nühnü kiloh khu tsehcho; Nühnü kihyü asoh kehcho, ta Nü jingdrang müngucho.

NENGSEKHI 78:13

Abinü kihdi changshosohpü hütsü khu arüh nükhucho; Abinü kih tsü züdi kyo yasohcho.

NÜCHEHCHO 14:21

Mosa-nü kihdi michah akheh dhimüsucho ko Abüdongba-nü kihdi tsü nyüchüro nyübongnü dee zi füsohcho. Hütsü müyüp fücho ko kihdi tsünü alih akung kangcho.

NÜCHEHCHO 14:22

Kih tsü changsahcho ko anyüdinglang kih dengzi chongcho ko Israelrü kihdi la tsü alih akung lanü khu tsicho.

NÜCHEHCHO 14:29

Ta Israelrülü kihdi anyüdinglang kih dengzinü chongtipü alih akung la tsehcheh tsicho.

NÜCHEHCHO 15:8

Nühnü kihdi michah mehcho ko kih tsü adhseng khangpücho; hütsü züdi kyo müchongkhüti yacho; kihdi la asoh-uba tsü lung kyo kangcho.

ISAYA 50:2

“Ih arüh yang arüh khümchonung wüde, tuepü I nyitsarünü Ite mülalingcho? Ihnü dside tuepü arühnü mülalingcho? Ihnü arüh khümchonung mükohcho mah-o? Ihnü yu khüdunü kihdi kungsohnung kohle, ko hütsüla zehba nguh, kih mülichonü sükhangnungthsa, yongkhiti tsü lipilih kangsohnung.

EZEKIEL 47:8

Abinü Ite yocho, “Hiba kih hi nyüchüro lih khu pohre ko Asü Kihdi lang pohwüre. Hütsü Asü Kihdi la pohyohde, hütsüba kihdi mikih tsü kih amüsengnü mülihjüre.

NAHUM 1:4

Abinü kihdi te yuzeng jüre, ko hütsü kungpehre! Abinü yongkhiti kungchehsohre. Bashan ngah mükusohre, Karmel zong müyengsohre ko Lebanon yungpi yülasohre.

HABAKUK 3:8

Abüdongba, yongkhi tsünü Nü zii chürosohcho mah-o? Kihdi tsünü Nü rihlong chürosohcho mah-o? Nüh nyükhi michah rachicho; Nü nyitsarü khyang akohba hirojüde, nyükhi tsingxinyübong tsü Nü akhüluba thsacho.

KHIDHINGCHO 34:3

Kihjing lahpi tsü Zin akungaselih lanü Edom lurü chii linung; nyüchürolang tsü Asü Kihdi kihjing lahpi achangka chii linung.

AZIKA YU 1:1

Hiba vakhala Israelrü Jordan Yongkhi nyüchürolang akungaselih la liyade Mosa-nü arüh te chotacho yu zehle. Arüh Suf shündhün Jordan ngah la khüulang Paran yangdi ko akhüulang Tofel, Laban, Hazeroth ko Dizahab kahla licho.

AZIKA YU 3:17

Nyüzüdulang Jordan yongkhi chii, Galil kihdi lanü kihku lahpi Asü Kihdi ko nyüchürolang Pisga zong jingdümpi chii licho.

JOSHUA 12:3

Hütsüla Jordan Ngah kihjing lahpi Galil Kihdi lanü Beth Jeshimoth (Asü kihdi nyüchürolang) ko Pisga Zong jingdümpi lahpi liba tsü chii zehcho.

JOSHUA 15:2

Hiba kihjinglang lurü tsü kihjinglang Asü Kihdi achangka lanü dikeh

JOSHUA 16:7

Hütsüpü Janoa lanü Ataroth ko Nara jowü Jeriko chii ko Jordan la changkacho.

JOSHUA 3:13

Khode limih apüm Abüdongba Yuzeng Singdi dhirü bebürü tsünü kih la arüh jing mütrahrangnang, Jordan yongkhi tsü pohzahnung ko pohjüroba kih tsü müdüm khüdula tingbülung yanung.”

JOSHUA 4:22

Israelrünü Jordan yongkhi akung la tsehkhu tsicho yukheh arüh te young.

JOSHUA 5:1

Jordan nyüzüdulang Amor-rü yangthsarü atümung ko Mediteranean kihdi jüp liba Kanan-rü yangthsarü atümungnü Abüdongba-nü Israel apüm mükhukhangde, Jordan yongkhi kungsohchoepü yuchicho. Arühnü Israelrü drüpehcho ko arüh müci sümcho.

YUKHARÜTI 7:22

Arühnü rühti tsü mehyade, Abüdongba-nü arorühti tsü nohshengnü arühbürü khatasohcho. Arühnü Zarethan langthring Beth Shita ko Tabat shündhün Abel Mehola chii rang tsicho.