JOSHUA 24:20 - AMÜSA BAIBEL (BSI)

²⁰ ko nührünü Abi pehjüpü shuparü tsingrang dikehkhang, Abinü nührü nyümnung ko khingchinung. Abi akhulang nührü te tsa linye, Abinü nührü changjünung.”

JOSHUA 24:20 Iomraidhean Croise

1 ROHTHÜP 28:8

“Hütsüeko ade, I müyurüti, Ihsa Tsingrang bete ko Israelrü ashimükhongrü bete, nührünü hiba asu lih hi khyünung ko lede nengdang aronung shang khyang jümüchinungthsa, Tsingrangba-nü Ihsa khyang jüba yuzengti apüm athsalangnü bichiengpü Ihnü nührü te khangre.”

1 ROHTHÜP 28:9

Ko Solomon te abinü yocho, “Itso, nühnü I Tsingrang müdhenung ko lasih apümnü Abi dikehnung Ihnü nüte khangre. Abinü Ihsa lümcho ko khyünyücho apüm müdhele. Nühnü Abi yang wükhang, Abinü nüh khyüchonung; ta nühnü Abi tenü zakhang, Abinü lede nengdang nüh pehjünung.

2 ROHTHÜP 15:2

ko abinü yangthsaba Asa shirünung wücho. Abinü yocho, “Iyu nyieng, yangthsaba Asa ko nührü Judarü ko Benjaminrü atümung! Nührünü Abi te litashi Abüdongba nührü te linung. Nührünü Abi yangchikhang, Abinü nührü khyang Abi shirüsohnung, ta nührünü ximüla tsikhang, Abinü nührü pehjünung.

EZRA 8:22

Langla arorühti nyümnü Ihrü nyahnung yangthsaba te rothsarü mülung chingnung Ihnü shahcho, tunüo Ihnü abi te ihrü Tsingrang-nü abi chah longlangrü müipi müwajüre, ta sürünü Abi tenü za tsiro arüh te mükünyangre ko khingchirepü yoko.

NENGSEKHI 89:31

arühnü I athülaba mükhichikhang ko I yuzeng müyohpükhang,

ISAYA 1:28

Ta amünyi shitpahrü ko anyümrü atümung Abinü changsohnung; Abi pehjürü atümung Abinü kyüsehnung.

ISAYA 63:10

Ta arühnü Abi nyüm yacho ko Abi Anbü Amüsa mükünyangsohcho. Hütsüta Abüdongba tsü arüh rorüh kangcho ko arüh nyüm khatacho.

JEREMIA 17:13

Abüdongba, Nüh Israel alongdi; Nüh pehjürü apüm ashah khyüsohnung. Lihwüla neng thrahba kyo arüh changpehnung, tunüo arühnü Nüh pehjüko, Abüdongba, Kih amüseng yongna.

EZEKIEL 18:24

“Ta amüsarü nyüh khüdunü atsa nguchiti pehpü amütsarünü nguchiba nguchi amütsa ko athrünyinung nguchimüsukhang, abi lisohnung mah-o? Mah, abinü nguchicho atsa tusü mülümchehnung. Abi yuje müchocho ko apu münyi ngang abi sünung.

RIWÜRÜTI NGUCHI 7:42

Hütsünü Tsingrangba arüh tenü ximülacho ko arüh khyang ningchah chenghiti mübünung pehjücho. Azikehrüti vakhala thrah lile: ‘Israelrüti! Lipilih la nührünü kang yüre kanglungrü müpseh kangmübü jüba tsü I khyang mah.

AZIKA YU 4:25

“Hütsüla tsuzarü thsa ko shümtsurü ro anyahli linye, kyothri külüpnü amünyi tüshitbah. Hütsü Abüdongba jingte amünyi lile ko hütsünü Abi rihlong chürosohnung.

AZIKA YU 4:26

Nührünü I yocho münyikhang, hiba lih lanü tunyah mülipü changpehnungepü nührü nyüm chünye Ihnü ning ko alih nengla yuchümre. Jordan keh wüpü liba limih la tsü nührü anyahli mülinung. Nührü riri changnung.

IBRIRÜ 10:38

Ta amüsarüti yudsinü akang linung; ta arüh khürü shehlikhang, Ihnü abi te mükünyangnung.”

JOSHUA 24:21

Müyurünü Joshua te yocho, “Ta ihrünü Abüdongba dikehnung.”

1 SAMUEL 12:15

Ta nührünü Abüdongba te münyikhang ko Abi yuzeng mübichikhang, Abinü nührü ko nührü yangthsaba nyüm yanung.

1 SAMUEL 12:25

Ta nührünü mütozah amünyi shitpahkhang, nührü ko nührü yangthsaba changnung.”