JOSHUA 24:18 - AMÜSA BAIBEL (BSI)

¹⁸ Ihrünü hiba lih lang rode, Abüdongba-nü hila liyarü Amor-rü apüm iipehjücho. Hütsüeko ihrünüsü Abüdongba dikehnung; Abi tsü ihrü Tsingrang lile.”

JOSHUA 24:18 Iomraidhean Croise

NENGSEKHI 116:16

Abüdongba, Ih Nü dikehrü lile; Itpanü roh-i, Ihnü Nüh dikehre. Nühnü Ih asülanü khümchoko.

NÜCHEHCHO 10:2

ko nührünü nührü tsuzarü ko shümtsurü te thsayahiya hiri nguchide Ihnü khüta Ijiprü dohsohcho, hütsüri yosohnung shulüm nührü atümungnü Ih tsü Abüdongba epü müdhenung.”

NÜCHEHCHO 15:2

Abüdongba tsü rezeh I tsungtirü; Ih khümchobong tsü Abi lile. Abi I Tsingrang ko Ihnü Abi senung, Iu Tsingrang ko Ihnü Abi dicho nengdang khi thsanung.

NÜCHEHCHO 23:31

Ihnü nührü lih lurü tsü khüulang Agaba kihkong lanü Eufrates Yongkhi chii ko khüulang Mediteranean kihdilanü lipilih tsü chii jünung. Hütsüla lirü michah Ihnü nührü khyang tase jünung ko nührü wüde nührünü arüh iipehnung.

MIKA 4:2

ko arüh nyitsarünü yonung, “Ihsanü Abüdongba khang chah küdunung, Israel Tsingrang Amübükuh yang. Tunüo Abinü nguchisohnyücho Ihsa te yonung; Ihsanü Abi langla tsehnung. Tunüo Abüdongba adoba Jerusalem lanü rore; Zion lanü Abinü müyurü te chotare.”

ZEKARIA 8:23

Hütsü nyümong yangpirü dhüre Jihudarü khüdu yang ropü yonung, Ihrüsü nührü yola zehnyüre, tunüo nührü te Tsingrangba zehlepü ihrünü yuchire.”

RIWÜRÜTI NGUCHI 7:45

Akhanglang, Ihsa jümürütinü arüh tpurüti khehlanü shükuh tsü khyüchocho ko Joshua yola wüde arühnü hütsü arüh te dhicho ko arüh wüde Tsingrangba-nü iipehjo, arühnü yuchoti khehlanü alih tsü khyücho. Ko David shikhe chii hütsü yohpücho.

AZIKA YU 10:21

Abi seing, Abi nührü Tsingrang ko Abinü nührü nengdang nguchi amülah ko adrünung nguchicho nührü nahnü nguko.

AZIKA YU 33:27

Tsingrangba tsü lede nührü khüm roko; Abi müchangkaba kheh tsü nührü atroba. Nührü zürode Abinü nührü rorüh iipehjücho, ko nührü te arüh changjünung yocho.

JOSHUA 23:9

Nührü rode Abüdongba-nü akurahrü yuchoti iipehjücho ko nührü bete sünüsü müyachehsohcho.

JOSHUA 24:17

Abüdongba ihrü Tsingrang-nü ihrü tpurü ko ihrü Ijip lih la ayurü suro lanü nüchehcho ko Abinü nguchicho thsayahiya ihrünü nguko. Ihrünü khu roba yuchoti apüm khehlanü Abinü ihrü khümchocho.

JOSHUA 24:19

Joshua-nü müyurü te yocho, “Ta nührünü Abüdongba dikehnung mükohnung. Abi amüsa Tsingrang ko Abinü nührü münyi müpehjünung. Abinü Abi nyümba mürangchore,