JOSHUA 23:16 - AMÜSA BAIBEL (BSI)

¹⁶ Abüdongba Tsingrang-nü mülacho azengtaba tsü nührünü müyohpükhang ko nührünü aparü tsingrang dikeh ko mübükhang, Abinü rihlong chüro nührü khingchinung ko tunyah mülipü Abinü jüba alih atsa hila nührü süsü nying mülinung.”

JOSHUA 23:16 Iomraidhean Croise

1 YANGTHSARÜTI 14:15

Abüdongba-nü Israel khingchinung ko yongkhi la thoh kyo abükyü shühchinung. Abinü Israelrü jümürü khyang jüba alih atsa hilanü arüh rohchehnung ko Eufrates Yongkhi khu sohpehnung, tunüo arühnü Ashera tsingranglarü kyothri külüpcho khu abi rihlong chürosohko.

1 YANGTHSARÜTI 9:6

Ta nüh ko nü trahnü I khanglang mürokhang, nührünü I yuzeng ko amülaba mübichikhang ko aparü tsingrang mübükhang,

1 YANGTHSARÜTI 9:7

Ihnü jüba lih la tsünü Ihnü I müyurü Israelrü khyümüipehnung. Ko I mübüji thsanung Ihnü müsachehba Amübükuh hi mii Ihnü pehjünung. Limihrünü Israelrü mülangjü chonung ko mütsa bichinung.

2 YANGTHSARÜTI 17:7

Israelrünü, Abüdongba arüh Tsingrang, Ijip yangthsaba khehlanü khümcho Ijip lanü nüchehba nyüm amünyi shitpahchonü, Samaria khülucho.

2 YANGTHSARÜTI 24:20

Abüdongba-nü Jerusalemrü ko Judarü te khütang rihlong chürocho, hütsünü abi betenü arüh iipehcho.

ISAYA 24:5

Nyitsarünü Tsingrangba yuzeng thsangnyang ko lede nengdang külüpcho azengchotaba thsangnyang alih münyijüko.

JEREMIA 32:23

Ta arühnü ro hiba lih khyüde, Nü yuzeng mübichi mahkhang Nü adoba roh-i müli; ko Nühnü yocho tusü arühnü münguchi. Hütsü khu Nühnü achangba hiri arüh chah tikehsohcho.

JEREMIA 32:24

“Yangdi tsü mahnung Babylon-rünü hütsü mükang roshengvi thsare, ko arüh mahle. Chita, yangkong ko dhsaranü yangdi tsü arüh kheh la züdusohnung. Nühnü chocho apüm tikehko.

KHIDHINGCHO 33:56

Nührünü arüh mü-iipehkhang, Ihnü arüh changsohnung lümba kyo, nührü changsohnung.”

AZIKA YU 17:3

ko tsingrang apa, mahkhang nyü mahkhang chonu mahkhang chenghi mübü ko dikehnü abi te anyengchotacho thsangnyangko.

AZIKA YU 28:15

“Ta nührünü Abüdongba nührü Tsingrang yocho münyikhang, ko Ihnü chünye nührü khyang jüba yuzeng hiri apüm yuje cho mübichikhang, hiri amütsa apüm nührü chah tikehnung:

AZIKA YU 6:15

Nührünü aparü tsingrang mübükhang, nührü michah Abüdongba rihlong michang kyo ronung ko nührü riri changjünung, tunüo nührü te liba Abüdongba Tsingrang tsü nahmoh Tsingrang lile.

YUKHARÜTI 2:14

Hütsünü Israelrü te Abüdongba rihlong chüro arüh rorüh khyang arüh mahsoh ko kengchosohcho. Abinü arüh mükang liba arorühti khyang arüh kohsohcho ko Israelrünü arühbürü tsungtinung mii adelü mükohcho.

YUKHARÜTI 2:20

Hütsüde Abüdongba-nü rihlong chüro Israelrü te yocho, “Ihnü arüh jümürü khyang jücho azengtacho hiba yuchonü thsangnyangko. Tunüo arühnü I yocho münyi,

1 SAMUEL 12:25

Ta nührünü mütozah amünyi shitpahkhang, nührü ko nührü yangthsaba changnung.”