JOSHUA 22:5 - AMÜSA BAIBEL (BSI)

⁵ Mosa-nü nührü khyang jüba yuzeng tsü bichinung tünbüchü: Abüdongba nü Tsingrang müing, Abi lümcho nguching, Abi yuzeng bichieng, Abi te yocho nyieng ko nü lasih ko nü nbü apümnü Abi dikehng.”

JOSHUA 22:5 Iomraidhean Croise

NENGSEKHI 106:3

Sürünü Abi yuzeng bichiro, sürünü tu athsalang hütsü lede nguchiro arüh akünyangnung.

NENGSEKHI 78:7

Hütsüde arühnüsü Tsingrangba chah yudsinung ko Abinü tu nguchicho hütsü münbüchünung, ta lede Abi yuzeng nyinung.

NÜCHEHCHO 15:26

Abinü yocho, “Nührünü I lümcho khyo ko I yuzeng yohpo I yocho nyikhang, Ijiprü chah chihsohba dhsara tunüsü nührü mükhingchisohnung. Ih nührü kyangjübong Abüdongba.”

NÜCHEHCHO 20:6

Ta I müirü ko I yuzeng bichirü te shang hajar adrong I amüi ngusohre.

NÜCHEHCHO 23:13

“Ih, Abüdongba-nü nührü te yocho adhangpi nyieng. Aparü tsingrang te tükihchi; arüh neng adangchi mii tüdangchi.

NÜCHEHCHO 23:25

Nührünü Ih Abüdongba nührü Tsingrang mübükhang, nührü tsang ko kih michah amüwa linung ko dhsara khyümüijünung.

CHOYOH 4:23

Nühnü müzah lümdhing; tunüo nü akang tsü nühnü lümba tsünü külüpre.

ISAYA 55:2

Longmüxoba nengdang tuepü thsi pehro? Tuepü nguchipü yangseh liro? Iyu nyieng ko Ihnü yocho roh-i nguching, ko tsuyongnung atsauba nührünü tsunung.”

JEREMIA 12:16

Arühnü arüh lasih apümnü I müyurü yangthsa khyüchokhang, ko khüdupi arühnü I müyurü te Baal nengla yuchümsohcho kyo, ‘Abüdongba akang lichonü’ arühnü yuchümkhang, arühsü I müyurü yola khiyohnung ko müwanung.

MATHI 22:37

Jisu-nü lalingcho, “‘Nü lasih apümnü, nü nbü apümnü, ko nü lümlong apümnü Abüdongba nü Tsingrang müing.’

MATHI 4:10

Hütsüde Jisu-nü lalingcho, “Tsipehng, Satan! Amüsa yunü yore, ‘Abüdongba nü Tsingrang mübüng ko abi du dikehng!’”

MATHI 6:24

“Sünüsü abüdongrü anyüh müdikehcheh; abinü khüdu thrünyinung ko akhüu müinung; khüdu te yochonyinung ko akhüu tsü müchümükehnung. Nührünü Tsingrangba ko kuthsi anyüding müdikehcheh.

JOHAN 12:26

Sünü Ih dikehnyüro, abinü I khanglang iirobae, hütsünü Ih khüde linang I dikehrüsü hütsüla linung. Ko sünü Ih dikehro I U-nü abi dhichinung.

JOHAN 14:15

“Nührünü Ih müikhang, I yuzeng bichinung.

RIWÜRÜTI NGUCHI 11:23

Abi khode chihcho ko Tsingrangba-nü müwajücho ngude, abi künyangcho, ko arüh lasih apümnü Abüdongba te yudsi ko yujecho linung arüh atümung thsüchicho.

RIWÜRÜTI NGUCHI 27:23

Tunüo Ih sü yo, ko sü Ihnü dikehro, hütsüba Tsingrang ninglang riwürü khüdu shomang Ih yang ropü yocho,

ROMRÜ 1:9

Ihnü yoba tsü yuje, ko hütsü Tsingrangba tsurü, sü nengdang Ihnü I lasih apümnü Yuse Atsa thsingyuro, abi I yuzi lile.

ROMRÜ 12:9

Akhürah müzehpü amüi lieng. Khüi amütsa hütsü thrünyieng; khüi atsa hütsü yümpung.

ROMRÜ 8:28

Tsingrangba-nü abi müirüti sürü abi lümcho la dsi liro, arüh te lüpchola atsa du nguchirepü Ihsanü müdhele.

AZIKA YU 10:20

Abüdongba nührü Tsingrang yocho nyieng ko Abi du mübüng. Abi te yuje choung ko Abi nengla du nührünü yuchüm.

AZIKA YU 11:1

“Abüdongba nü Tsingrang müing ko lede Abi yuzeng apüm bichieng.

AZIKA YU 11:13

“Hütsüeko, Ihnü chünye nührü khyang jüba yuzengti tsü nyieng; Abüdongba nü Tsingrang müing ko nü lasih apümnü Abi dikehng.

AZIKA YU 11:22

“Ihnü jüba yuzengti tsü yuje cho bichieng: Abüdongba, nührü Tsingrang müing, Abinü mülacho apüm nguching ko Abi te longlang lieng.

AZIKA YU 13:4

Abüdongba khanglang wüng ko Abi dhiching; abi yocho nyieng ko Abi yuzeng yohpüng; Abi mübüng ko Abi te yuje cho lieng.

AZIKA YU 4:29

Hütsüla nührünü Abüdongba nührü Tsingrang yangchinung ko nührünü nührü lasih apümnü Abi yangchikhang, Abi ngunung.

AZIKA YU 4:4

ta nührü khütoi Abüdongba nührü Tsingrang te yochonyi licho arüh chünye yingcheh lile.

AZIKA YU 4:6

Hütsüri yuje cho bichieng, khang hütsünü nührü thsehdhsacho aparü yuchonü müdhenung. Khode arühnü yuzeng hi apüm yuchinang arühnü yonung, ‘Hiba yucho arangcheh hi lümlong ali ko anyicheh lile!’

AZIKA YU 4:9

Müzahmükieng! Nührü akangli ayung, nührünü tu ngucho hütsü münbüchünung lümkehng.

AZIKA YU 5:10

Ta I müirü ko I yuzeng bichirü te shang hajar adrong I amüi ngusohre.

AZIKA YU 6:17

Abinü nührü khyang jüba yuzeng apüm bichinung tünbüchü.

IBRIRÜ 12:15

Tsingrangba achomang lanü müximülanung müzahng. Singra akha khüi zide hütsü müyühnü chongcha khütang chürosohro, süsü hütsü tükyo.

JAKOB 1:12

Sünü athsadsü rangchoro abi amüwanung; tunüo khode abinü athsadsü tsü kohnang, Tsingrangba-nü abi müirüti khyang jünung nyengchocho akang tsü ngunung.

JAKOB 2:5

Nyieng, amüi jünirüti! Limih la ailümrü tsü Tsingrangba-nü yudsi la alirü kangnung ko abi müirüti te nyengchocho yanglih tsü arüh yo kangnung abinü throchehcho.

JOSHUA 23:8

Ta nührünü ade yingcheh lirocho kyo, Abüdongba te yochonyi lieng.

MISHACHO 15:3

ko Tsingrangba dikehrü Mosa khi ko Sanza khi thsa yacho: “Akohba Abüdongba Tsingrang, nü nguchi khüta amülah ko anyemüyangnung! Yanglihti yangthsaba, nü langti khüta yuje ko amüsa!

1 SAMUEL 12:20

Samuel-nü yocho, “Tüdrü! Nührünü hütsüta amünyi nguchinye, Abüdongba chahnü za tütsi, ta nührü lasih apümnü Abi dikehng.

1 SAMUEL 12:24

Abüdongba yocho nyieng ko nührü lasih apümnü Abi dikehng. Abinü nührü nengdang khütoi nguchicho hütsü lümchehng.

1 SAMUEL 7:3

Samuel-nü Israelrü te yocho, “Nührünü nührü lasih apümnü Abüdongba yang ximülaekhang, nührünü yangpirü tsingrang ko Astarte tsingranglarü tenü zang. Abüdongba te nührü jangjang müsachehng ko Abi du mübüng, khang Abinü nührü Filistinrü khehlanü khümchonung.”