JOSHUA 22:29 - AMÜSA BAIBEL (BSI)

²⁹ Ihrünü Abüdongba nyümnü mah mahkhang amübü, tsang mübü mahkhang kangmübü trüpnung bholu külüp abi khanglang müwünungba mah. Ihrünü Shükuh la liba Ihsa Tsingrang Abüdongba bholu chah khu apa tu mükülüpnung.”

JOSHUA 22:29 Iomraidhean Croise

LIPOH 44:17

Josef-nü yocho, “Hütsüta mah! Hütsüta khodesü müthsanung! Sü bha la shing zehcho, abi du tsü I yurü thsanung. Nührü anyingchotilü nührü au yanglang atbachila thali wüng.”

LIPOH 44:7

Arühnü abi te yocho, “Adirü, nühnü yoba tsü tu khuo? Ihrünü hütsüta münguchi pü ihrünü yuchümre.

1 YANGTHSARÜTI 21:3

Naboth-nü yocho, “Hi I jümürü chahnü thsiking lile. Ihnü nü khyang jünung Abüdongba-nü yatieng.”

2 YANGTHSARÜTI 18:22

Assyriaba tsünü mütozah yocho, “Mahkhang Abüdongba nührü Tsingrang chah dümpirü mah-o? Hezekia apunü bholu ko müchiji apüm thsangnyangjo, Judarü ko Jerusalemrü te Jerusalem bholu te du mübünung yocho mahrü do?

2 ROHTHÜP 32:12

Abüdongba bholu ko mübüji thsangnyangba tsü apu ko Judarü ko Jerusalemrü telü bholu khüdu chah du mübüji trüpnung yore.

ROMRÜ 3:6

Hütsü roh-i khodesü mah! Tsingrangba tsü yuje müthsakhang, abinü khüta limih yu khanung?

ROMRÜ 6:2

Khodesü mah! Ihsa amünyi la süko, khang Ihsanü khüta hütsüla du linung?

ROMRÜ 9:14

Akhanglü Ihsanü tu yonung, Tsingrangba chah yuje mülirü mah-o? Hütsü roh-i khodesü mah.

AZIKA YU 12:11

Abüdongba-nü Abi mübüsohnung müdüm khüdu du throchehnung ko Ihnü mülacho lüpcho hütsüla nührünü hironung: atrüpba ko apa kangmübü, dhüre nohlüm ko amüküp mübü ko Abüdongba te nyengchocho amüküp mübü.

JOSHUA 22:23

Ihrünü Abüdongba yu mühnyi ko ihrübürü kangmübü mahkhang tsang mübü mahkhang akehta mübü trüpnung bholu külüpcho thsakhang, Abüdongba apu khyang ihrü khingchisohng.

JOSHUA 22:26

Hütsünü kangmübü trüpnung mahkhang amübü mübünung nengdang mah,

JOSHUA 22:28

Ihrünü lümba tsü, hütsüta tikehkhang, ihrü tsuzarünü, ‘Dhing! Ihrü jümürünüsü Abüdongba bholu tsatsa külüpko pü yochehsohnung külüpcho. Hütsü amübü ko kangmübü trüpnung nengdang mah, ta Ihsa müyurüti kahla amüdhethsa lile.’

JOSHUA 22:30

Bebüba Finehas ko langnürü dhüre nyüzüdulang hungtila tsutpula athahtinü Reuben, Gad ko Nyüchürolang Manaserünü yocho tsü nyicho ko arüh longsücho.

JOSHUA 24:16

Hütsüde müyurütinü lalingcho, “Ihrünü Abüdongba pehjüpü apa tsingrangti khodesü müdikehnung.

1 SAMUEL 12:23

I nengdanglü, nührü khyang müdangkhidangnangjükhang Ih amünyi shitpahnung lanü Abüdongba-nü yatieng. Hütsü mülih, Ihnü atsa ko amütsa nengdang nührü te donung.