JOSHUA 22:28 - AMÜSA BAIBEL (BSI)

²⁸ Ihrünü lümba tsü, hütsüta tikehkhang, ihrü tsuzarünü, ‘Dhing! Ihrü jümürünüsü Abüdongba bholu tsatsa külüpko pü yochehsohnung külüpcho. Hütsü amübü ko kangmübü trüpnung nengdang mah, ta Ihsa müyurüti kahla amüdhethsa lile.’

JOSHUA 22:28 Iomraidhean Croise

LIPOH 31:48

Laban-nü Jakob te yocho, “Ihjüding nengdang hiba lung khangcho hi alümkehnung linung.” Hütsünü hiba müdüm te Galeed dsicho.

2 YANGTHSARÜTI 16:10

Khode yangthsabanü Damaskas lang yangthsaba Tiglath Pileser te shirütanung wücho, abinü hütsüla bholu tsü ngucho ko bebürü Uria yang hütsü kyo külüp-pü müthehcho.

NÜCHEHCHO 25:40

Hütsüri Ihnü nührü te azong chah ngusohcho roh-i müzah külüpm.

ISAYA 19:19

Hütsüba nyümong rode, Ijip lih la Abüdongba bholu khüdu ko Ijip lurü la abi khyang müsacheh jücho dongdi khüdu linung.

IBRIRÜ 8:5

Arühnü nguchiba tsü ninglang liba amübükuh nbükhüm du iithsare. Mosa-sü hütsü roh-i du licho. Khode abinü shükuh thsanung dikehcho, Tsingrangba-nü abi te yocho, “Lüpcho tsü nüte azong chah ngusohcho roh-i du thsaang.”

JOSHUA 22:27

ta Ihsa khanglang müyurütinü ajüje ihrüsü Amüsa Shükuh la ihrü amübü ko kangmübü te Abüdongba mübü likopü müdhesohnung nengdang ihrünü bholu hi külüpcho. Hi nührü tsurütinü ihrü tsuzarüti te nührülü Abüdongba nengdang tu nohlüm mülepü müyosohnung külüpcho lile.

JOSHUA 22:29

Ihrünü Abüdongba nyümnü mah mahkhang amübü, tsang mübü mahkhang kangmübü trüpnung bholu külüp abi khanglang müwünungba mah. Ihrünü Shükuh la liba Ihsa Tsingrang Abüdongba bholu chah khu apa tu mükülüpnung.”

JOSHUA 24:27

Abinü müyurü atümung te yocho, “Hiba lung hi Ihsa yuzi linung, hinü Ihsa te Abüdongba-nü chocho apüm yuchiko. Hütsüeko nührünü nührü Tsingrang münyümsohnung lung hi nührü nyüm yuzi linung.”