JOSHUA 22:15 - AMÜSA BAIBEL (BSI)

¹⁵ Arühnü Gilead lih lang Reuben, Gad ko Nyüchürolang Manase yang rocho.

JOSHUA 22:15 Iomraidhean Croise

1 ROHTHÜP 21:3

Joab-nü lalingcho, “Abüdongba-nü Israelrü ade liba tenü thsihpinü alaa kangsohnung! Nüh adibong, hiri apüm nüyo lile. Tuepü nühnü hi khidhing yucho apüm thsamehsohnyüro?”

2 ROHTHÜP 10:19

Hütsütinü kihku lahpi liba Israelrünü David hung te nyümta licho.

2 ROHTHÜP 25:27

Abinü Abüdongba nyüm yako tinü, Jerusalem la abi kihyochünung arah külüpcho. Achangkala abi Lakish yangdi lang drü tsicho, ta arorühnü iiwü abi kyüsehcho.

2 ROHTHÜP 26:18

Arühnü yocho, “Uzziah! Nühnü Abüdongba khyang müchiji trüpnung athsalang mah. Aron trah lanü amüsachehcho bebürü dunü hi nguchinungbae. Amüsa Müdüm hi pehjüng. Nühnü Abüdongba Tsingrang wahsohko ko adelü nühnü Abi amüwa müngunung.”

2 ROHTHÜP 28:13

Arühnü yocho, “Arangyohrüti hila tünoro! Ihsanü Abüdongba nyüm Abi rihlong chüro Ihsa khingchinungthsa amünyi kükyo shitpahko. Adesü Ihsa münyi alaa kangnung nührünü nguchinyüre.”

EZRA 9:15

Abüdongba Israel Tsingrang, Nüh yuje lile, ta Nühnü ihrü akang lisohre. Ihrünü ihrü thsamehcho Nüte nyengchore; Nüh yang ronung ihrü tu athsalang mühle.”

EZRA 9:2

Jihudarünü shupalarü te kukangre, hütsüta Tsingrangba Amüsa nyitsarüti tsü münyipehko. Langnürüti ko ayingthsarüti tsü athsangnyangrü ayingba kangko.

NENGSEKHI 78:8

Arüh jümürüti ahongzi ko yocho mühnyirü, Tsingrangba chah müyudsirü ko Abi te mülonglangchehrü mükyonung.

NÜCHEHCHO 32:8

Ihnü arüh te mülacho lang arühnü pehjüko; arühnü hon mülu misüpung külüpnü hütsü mübüre ko hütsü khyang kangmübü mübüko. Arühnü Ijip lanü arüh nüchehba arüh tsingrang tsü hiepü yore.

ISAYA 63:10

Ta arühnü Abi nyüm yacho ko Abi Anbü Amüsa mükünyangsohcho. Hütsüta Abüdongba tsü arüh rorüh kangcho ko arüh nyüm khatacho.

LEVIRÜ 26:40

“Ta nührü chahnü trahchochoti sürünü Ite rihta ko Ih nyüm yacho ko Ihnü arüh nyümsoh, arüh rorüh lih la yangtsilang wüsohcho.

LEVIRÜ 5:19

Hiba hi Abüdongba nyüm shitpahcho münyi nengdang thsamehcho mübü lile.

KHIDHINGCHO 14:43

Khode nührünü Amalek-rü ko Kanan-rü dhsükehnang, khatala tsü nührü sünung; nührü te Abüdongba müzehnung, tunüo nührünü Abi khanglang mü-i.”

KHIDHINGCHO 32:15

Ade nührü Reuben ko Gad hungnü abi yocho münyikhang, apüm adesü hiri müyurü apüm akungaselih la thrüchahchüpehnung ko arüh changba tsü nührü bha thsanung.”

KHIDHINGCHO 5:6

Israelrü nengdang athülaba hiri jücho. Nyüh khüdunü Abüdongba te yuje müchode ko khürü nyüm münyi shitpahde,

MATHI 18:17

Ko abinü arüh te mühnyikhang, hütsüpü du Lithro atümung te young. Achangkathsa, abinü Lithro te mühnyikhang, abi müyudsirü mahkhang alihmüthsü dhrirü khüdu roh-i khiching.

1 KORINTRÜ 1:10

Jünirüti, nührü yola achangnah mülipü nyichehta linung shulüm Ihnü nührü atümung te Khrista nengla thsüchire. Alümcho ko nahdhingkeh khüdula nührü kehtaang.

1 KORINTRÜ 5:4

Nührü shibülungde, Ihsa Abüdongba Jisu zii la I nbü nührü yola zehnü,

AZIKA YU 30:17

Ta nührünü yocho münyikhang ko apa tsingrang mübünung nücho tsikhang,

AZIKA YU 7:4

tunüo hütsüde apa tsingrang mübünung nührü tsuzarü tsü Abüdongba tenü arühnü nücho tsinung. Hütsütakhang Abüdongba-nü nührü te zichüronung ko nührü changjünung.

IBRIRÜ 12:25

Hütsünü, sünü choro abi yu mühnyinung lanü müzahng. Sürünü limih la amüsa yusi jübong yu mükhyüchocho arüh mütsiphucho. Akhang, Ihsanü ninglangnü chobong chahnü ximüla tsikhang khüta tsiphunung!

JOSHUA 22:12

Khode Israelrünü hi yuchicho, yucho shünü nyüchürolang lirüti nyüm khatanung wünung Shiloh la shibülungcho.

JOSHUA 22:14

Nyüzüdulangrü ahung müipi lanü nyüh khüdu-khüdu arüh dhüre ko tsutpula kukhi müipi athah khüdu-khüdu Finehas yola wücho.

JOSHUA 22:16

Ko Abüdongba müyurü atümung nengla, arühnü yocho, “Tuepü nührünü Israel Tsingrang nyüm amünyi hi nguchicho? Nührünü bholu hi külüpcho khu Abüdongba nyümko. Adelü nührünü Abi khanglang mütsehre.

JOSHUA 22:18

Nührünü adelü Abi khanglang mütsehnung mah-o? Nührünü chünye Abüdongba nyümkhang, Abinü atu Israel atümung te zichüronung.

1 SAMUEL 15:23

Abi nyümba tsü azi-among nguchicho münyi kyo lile, ko hongzicho tsü kyothri mübücho münyi kyo lile. Nühnü Abi yuzeng dhsonglicho kyo, Abinü nüh yangthsaba thsasohnung dhsongliko.”