JOSHUA 18:16 - AMÜSA BAIBEL (BSI)

¹⁶ Hütsülanü jowü Hinnom Ngah dhingchahchü azong jingdümpi lanü kihku lahpi Refaim Ngah chii lurü tsü licho. Ko hütsülanü kihjing lahpi Hinnom Ngah Jebus Enrogel chihcho.

JOSHUA 18:16 Iomraidhean Croise

2 SAMUEL 17:17

Abiathar tsurü Jonathan ko Zadok tsurü Ahimaz nyühnü Jerusalem müdsuolang Enrogel kihnatung la tsü ying pümcho, tunüo anyünü yangdila tsü bürünü ngu müzüduchehcho. Lede kulilarü khüdunü wü tuturü tikehrünang anyüh te yonung ko anyünü wünü David te yocho.

2 SAMUEL 5:18

Filistinrünü ro Refaim Ngah la müdong hütsü khyücho.

1 YANGTHSARÜTI 1:9

Nyümong khüdu Adonija-nü Enrogel kihnatung shündhün Mürü Lung te san, misüpung ko akangpü misüza kangmübü mübücho. Abinü yangthsaba David tsurü aparü ko yangthsaba pohki Juda lanü rorüh thsazirüti hiba kangmübü thsütila tsü dsiyohcho,

2 YANGTHSARÜTI 23:10

Sünüsü palu tsurü mahkhang tsularüti Molek tsingrang khyang trüp kangmübü müjüsohnung nengdang, yangthsaba Josiah-nü Hinnom Ngah la müyudsirü mübüchah Tofet tsü münyijücho.

1 ROHTHÜP 14:9

Filistinrü tsü ro Refaim Ngah chihcho ko mahnung dikehcho.

2 ROHTHÜP 28:3

Hinnom Ngah la müchiji trüpcho ko Israelrü rode Abüdongba-nü iipehjüba nyitsarü iithsa abinü kyothri khyang atsurü mii trüp kangmübü jücho.

2 ROHTHÜP 33:6

Abinü Hinnom Ngah la trüp mübüthsa atsurüti kangmübü jücho. Abinü azi-among nguchi nguchicho ko müchehmülohrü te müchehcho. Abinü Abüdongba nyüm amünyi arangcheh shitpah abi rihlong chürosohcho.

ISAYA 30:33

Assyria yangthsaba trüpsohnung papadenü müdüm khüdu rungnüm lile. Hütsü dee asoh ko amüza, ko singnü müjung zangtipüle. Hütsü tahkehsohnung Abüdongba-nü mihmüle mehkehjünung.

JEREMIA 19:11

ko Akohba Abüdongba-nü chocho arüh te yocho, “Ihnü hiri nyitsarü ko hiba yangdi hi thsangnyangjünung, ko hütsü alih füh müpnahcho achungkehta mütsacho kyo kangnung. Müyurünü asücho tsü Tofet la mii dhrürangnung, tunüo adhrürangchah khüdesü mülinung.

JEREMIA 19:2

Hinnom Ngahlang Fühlahrüp Tbükhüm khu wünung yocho. Hütsüla Abinü I khyang jünungba yusi tsü sobhonungba licho.

JEREMIA 19:6

Hütsünü, hiba müdüm te Tofet mahkhang Hinnom Ngah pü müdsinung becho chihle. Hütsü mülih, hite Kingthrüm Ngah pü dsinung.

JEREMIA 32:35

Arühnü Molek tsingrang khyang arüh tsurüti ko tsularüti kangmübü jünung, Hinnom Ngah la Baal khyang bholu külüpko. Ihnü hütsüta nguchinung arüh khyang yuzeng müjü ko arühnü hütsüta nguchi Judarü münyi shitpahsohnungepü I lasih la mii müzüro.”

JOSHUA 15:63

Ta Judarünü Jerusalem la lirü Jebus-rü tsü mükoh iipehcho. Ade yingcheh Jebus-rü tsü Judarü yola lile.

JOSHUA 18:28

Zela, Haelep, Jebus (mahkhang Jerusalem), Gibea ko Kiriat Jearim: arüh mükang yangdi yohnü yangdi dhüremüyü thsacho. Benjamin tsutpunü nguba alih tsü hi thsacho.

YUKHARÜTI 1:21

Ta Benjaminrünü Jerusalem la lirü Jebus-rü mü-iipehchehcho ko hütsütinü Jebus-rü tsü hütsüla Benjaminrü yola lirocho.

YUKHARÜTI 1:8

Judarünü Jerusalem mahcho ko hütsü kohcho. Arühnü müyurüti kyüsehcho ko yangdila tsü michang thsürangjücho.

YUKHARÜTI 19:10

Ta abinü adelü thali hütsüla müyüpnyücho, achotsü abi ashamtpü, kulirü ko khe hiba gadu anyüh zeh shemüsucho.