JOSHUA 14:12 - AMÜSA BAIBEL (BSI)

¹² Hütsüeko ade, Ih ko I shangrütinü yusi jüba nyümong Abüdongba-nü nyengchoba akhang lih tsü I khyang jüng. Hütsütade ihrünü Anakim-rü tsü yangdi tbü pohki lilepü yusi jücho. Abüdongba Ite zehkhang, abinü yocho kyo, Ihnü arüh tsü iipehchehnung.”

JOSHUA 14:12 Iomraidhean Croise

2 YANGTHSARÜTI 19:4

Assyriarü yangthsabanü akang liba Tsingrang müthsamünyünung abi pohki adirü khüdu müthehcho. Abüdongba nü Tsingrang-nü hütsüta choba tsü yuchipü arüh khingching. Hütsüeko nying liba Ihsa nyitsarü nengdang dangkhidangnangjüng.”

2 ROHTHÜP 14:11

Asa-nü Abüdongba abi Tsingrang te dangkhidangnangcho, “O Abüdongba, Nühnü re müzehba rothsarü rezehsoh tronung kohle. Ade ihrü troung, O Abüdongba ihrü Tsingrang, tunüo ihrü Nü chah dümpire ko Nü nengla ihrünü rothsarü mülung hitoi te khatanung ro lile; Abüdongba, Nüh ihrü Tsingrang lile; Nüh kohnunglü sünüsü mülongdire.”

NENGSEKHI 44:3

Nü nyitsarütinü arüh thsunohrünü alih tsü mümahcheh; arühbürü tasenü hütsü mükoh; ta Nü zii ko tasenü, Nühnü arüh müicho, Nüh zehcho khu ngusohcho.

NENGSEKHI 60:12

Tsingrangba Ihsa lahpi zeh Ihsanü kohnung; Abinü Ihsa rorüh kohnung.

KHIDHINGCHO 13:28

Ta hütsüla lirü tsü re azeh ko arüh yangditi tsü dee amülülah ko dee tsa tbütipü lile. Adrünung tsü, akurongrü trah khüdu hütsüla lile.

KHIDHINGCHO 13:33

Ihrünü ngucho atümung athsengthseng ko Anak chahnü trahchocho akurongrü mii nguko. Arüh dhingde Ihsalü khengqu khüdu roh-i due.” Ihsanü hütsü müdhebae.

KHIDHINGCHO 21:34

Abüdongba-nü Mosa te yocho, “Abi tüdrü. Ihnü abi, abi nyitsarüti ko abi lih apüm michah akohjünung. Nühnü Heshbon la Amor-rü yangthsaba Sihon te nguchicho kyo abi tesü nguching.”

ROMRÜ 8:31

Hiri atümung ngude, Ihsanü tu yonung? Ihsa te Tsingrangba likhang, Ihsa nyümnung sü liro?

AZIKA YU 1:28

Tuepü Ihsa hütsülang wünung? Ihrü drüle. Hütsüla lirü nyitsarü tsü Ihsa tenü re azeh-u ko athsengthsengu, ko arüh tsü ning chii tbüticho yangditila lirepü awürüti tsünü Ihsa te yocho. Arühnü hütsüla akurahrüti ngucho.”

AZIKA YU 9:1

“Nyieng, Israelrü! Chünye nührünü Jordan Yongkhi keh wü nührü tenü adiu ko rezeh-urü yo alih khyünung lile. Arüh yangditi tsü tbünü ning chii chongti lile.

AZIKA YU 9:3

Ta ade Abüdongba Tsingrang, michang kyo nührü bekhu wücho nührünü ngunung. Nührü züdude, Abinü nyengchocho roh-i nührünü arüh changjü iipehnungthsa Abinü arüh kohnung.

FILIPIRÜ 4:13

Ih rezehsohba Jisu Khrista la Ihnü apüm nguchinung kohle.

IBRIRÜ 11:33

Yudsinü, arühnü limih apüm te khatacho ko kohcho. Arühnü tu yuje hütsü nguchicho ko Tsingrangba anyengchocho khyüchocho. Arühnü kihkhünying be khangtijücho,

JOSHUA 15:14

Kaleb-nü Anak trah Sheshai, Ahiman ko Talmai tsutpu yangdi lanü iipehcho.

YUKHARÜTI 1:20

Mosa-nü yuzengjücho kyo, Kaleb sünü Anak hung asang iipehcho, abi khyang Hebron tsü jücho.

1 SAMUEL 14:6

Jonathan-nü dhrezaba te tsü yocho, “Ihjünü müyudsirü Filistinrü müdongchah tsü lahkhu tsinung. Abüdongba-nü tronungsü kohle; Abinü lümkhang, Ihsa khütoi azikyah thsanye tumüthsa, Abinü akoh jünung.”