JOSHUA 13:6 - AMÜSA BAIBEL (BSI)

⁶ Hila Lebanon Zong ko Misrefot Maim kahla liba akhang nyitsarü Sidon-rü lih apüm zehle. Israelrü ro chihde Ihnü hiri nyitsarü apüm iipehnung. Ihnü nüte yocho kyo, nühnü alih tsü Israelrü khyang changjüng.

JOSHUA 13:6 Iomraidhean Croise

NENGSEKHI 80:8

Ijip lanü Nühnü shükusih hirocho; yucho parü iipehpü arüh lih la hütsü khyümcho.

KHIDHINGCHO 33:54

Alih tsü ahung ko tsutpu papa, amülah ko aikyah aichi zii thsadhing changtaang.

JOSHUA 1:6

Re zehng ko müci zieng, tunüo Ihnü arüh jümürü te nyengchocho lih la arüh züdude, nüh arüh langnürü thsanung.

JOSHUA 11:12

Abüdongba dikehrü Mosa-nü mülacho roh-i, Joshua-nü yangditi arüh yangthsarüti apüm kohcheh nyitsarü apüm changsohcho.

JOSHUA 11:8

Abüdongba-nü Israelrü khyang arüh michah akoh ngusohcho; ko Israelrünü arüh kihku lahpi Misrefot Maim ko Sidon ko nyüchürolang Mizpa angah chii mahnü iiwücho. Khata tsü apüm mükyüsehkhangde khatacho.

JOSHUA 13:7

Hütsüeko ade, alih tsü hung düku ko Manase hung changsho-o khyang arüh yo thsanung changta jüng.”

JOSHUA 23:13

Abüdongba nührü Tsingrang-nü nührü wüde hiri yuchoti müh-iipehjünungepü nührünü müdheing. Hütsü mahpü arüh tsü nührü nengdang zeng mahkhang mütrüm ko nührü thsela xüpcho mahkhang nah la zeng zehde dhsacho kyo linung. Ko hütsü Abüdongba nührü Tsingrang-nü nührü khyang jüba alih atsa hila nührü müsükhangde linung.

JOSHUA 23:4

Ihnü mahchehba ko ade nying liba yuchoti yo alih nyüchürolang Jordan Yongkhi lanü nyüzüdu Mediteranean kihdi chii nührü khyang Ihnü changnah jüko.

JOSHUA 23:5

Abüdongba nührü Tsingrang-nü nührü wüde nührütenü arüh shehsohnung ko arüh iipehjünung. Abüdongba nührü Tsingrang-nü nyengchocho kyo nührünü arüh lih khyünung.