JOSHUA 13:14 - AMÜSA BAIBEL (BSI)

¹⁴ Mosa-nü Levi hung khyang alih müjü. Abüdongba-nü Mosa te yocho kyo, arühlü Israel Tsingrang Abüdongba khyang kangmübü jücho la arüh nohlüm khüdu ngunung.

JOSHUA 13:14 Iomraidhean Croise

EZEKIEL 44:28

“Ihnü Israel khyang shang khüdu lanü shang apa khyang jünung yocho kyo, bebürünü arüh bebü nohlüm ngunung. Arüh Israel la kuthsi mülinung, arüh dhsütah apüm Ih lile.

EZEKIEL 44:29

Tsang mübü, münyi mübü ko sahliba mübü hiri tsü bebürü nohlüm linung, ko I nengdang pathsa tu liro Israel la lüpcho arühnü khyüsohnung.

AZIKA YU 10:9

Hütsü khu, aparü hung kyo, Levirü khyang alih müjücho; Abüdongba nührü Tsingrang-nü nyengchocho kyo, arüh tsü Abüdongba dikehrü thsanung throchehcho)

AZIKA YU 12:12

Hütsüla Abi jingte nührü tsuzarüti kulirü ko nührü yangdila liba Levirü zeh künyang linung; Levirülü arüh yo alih mülepü lümkehng.

AZIKA YU 12:19

Ko nührü akang ayung, nührünü Levirü tsü tüthrüchahchübeh.

JOSHUA 13:13

Ta, Israelrü Geshur-rü ko Maaka-rü mü-iipehcho; arüh Israel la ade yingcheh lile.

JOSHUA 13:15

Mosa-nü arüh kukhi aichi Reuben hung khyang alih nohlüm-o arüh yo thsanung jücho.

JOSHUA 13:33

Ta Mosa-nü Levi hung khyanglü alih müjü. Arühlü Israel Tsingrang Abüdongba khyang mübücho la changsho tsü arüh nohlüm thsanung abinü arüh te yocho.

JOSHUA 18:7

Ta nührü yola Levirülü alih nohlüm tsü müngunung, tunüo arüh tsü Abüdongba bebürü kang dikehnungba lile. Ko Gad, Reuben, nyüchürolang Manaserülü Abüdongba dikehrü Mosa-nü arüh khyang arüh nohlüm Jordan nyüchürolang jopehko.”