JOSHUA 12:6 - AMÜSA BAIBEL (BSI)

⁶ Yangthsarü anyüh hi Mosa-nü kohchehcho. Abüdongba dikehrü Mosa-nü arüh lih tsü Reuben ko Gad hung khyang ko Manase hung changsho khyang arüh yo thsanung jücho.

JOSHUA 12:6 Iomraidhean Croise

1 YANGTHSARÜTI 4:19

Geber, Uri tsurü: Gilead, Amor-rü yangthsaba Sihon ko Bashan yangthsaba Og nyühnü yangthsathsa yaba lih. Hiri governor dhüreanyüh chah lahkeh, apüm michah governor khüdu licho.

KHIDHINGCHO 32:29

“Gad ko Reuben-rünü Abüdongba-nü mülachola Jordan keh wünü khatanung rungnüm likhang ko arüh khu nührünü alih tsü kengchochehkhang, arüh khyang arüh yo thsanung Gilead tsü jüng.

KHIDHINGCHO 32:32

Abinü nücho pohki, ihrünü hila Jordan nyüchürolang kuthsi hi ngunungthsa, ihrünü Kanan la tsü züdu khatanung.”

KHIDHINGCHO 32:33

Achotsü Mosa-nü Gad ko Reuben hung khyang ko Manase hung achangsho khyang Amor-rü yangthsaba Sihon ko Bashan yangthsaba Og lih apüm ko hütsü mükangmüshü yangditi apüm zeh jücho.

JOSHUA 14:3

Mosa-nü nyüchüro lahpi Jordan la alih tsü ahung anyüpü achangsho khyang jopehpü licho. (Josef trah tsü hung anyüh kangcho: Manase ko Efraim.)

JOSHUA 18:7

Ta nührü yola Levirülü alih nohlüm tsü müngunung, tunüo arüh tsü Abüdongba bebürü kang dikehnungba lile. Ko Gad, Reuben, nyüchürolang Manaserülü Abüdongba dikehrü Mosa-nü arüh khyang arüh nohlüm Jordan nyüchürolang jopehko.”

JOSHUA 22:4

Ade, Abinü nyengchocho kyo, Abüdongba nührü Tsingrang-nü arüh khyang yangtsa jüko. Hütsüeko adelü Jordan nyüchürolang Abüdongba dikehrü Mosa-nü nührü khyang jüba nührü lih lang thali wüng.