JOSHUA 10:13 - AMÜSA BAIBEL (BSI)

¹³ Arühnü arüh rorüh mükohyingcheh nyünü yingcho ko chonunü mümühachicho. Hi Jashar Vakha la thrah lile. Nyünü ningwümla mümühachi yingcho ko mükhyang müzüducho.

JOSHUA 10:13 Iomraidhean Croise

2 SAMUEL 1:18

ko Judarü te donung yuzengjücho. (Hi Jashar vakha la thrah lile.)

2 YANGTHSARÜTI 20:10

Hezekia-nü lalingcho, “Nbükhüm tsü bekhu mütrah dhüre wüsohnung tsü amüla. Hütsü khanglang mütrah dhüre shehsohng.”

ESTHER 8:13

Jihudarünü rungnümpü hütsüba nyümong rode arüh rorüh nyüm rühyangnung rungnüm linung yanglih mükhu nyitsarü atümung te yuzeng roh-i müdhesohnung yocho.

JOB 9:7

Abinü nyü müchürosohnung kohle, ko amala chenghitinüsü müvisohnung.

NENGSEKHI 148:3

Abi seing, chonu ko nyü; Abi seing, avisa chenghiti.

NENGSEKHI 19:4

ta arüh yuva limih apümlang würe ko hütsü limih achangchi yuchire. Tsingrangba-nü nyü khyang ninglang kuh khüdu thsa lile;

ISAYA 24:23

Chonu marürah kangnung, ko nyünü müdhsapehnung, tunüo Akohba Abüdongba tsü yangthsaba kangnung. Abinü Zion chah Jerusalem la yangthsanung, ko müyurü langnürütinü Abi ahechi ngunung.

ISAYA 38:8

Yangthsaba Ahaz-nü külüpba phaqu chah tsü, Abüdongba-nü nbükhüm tsü phaqu dhüre shehlisohnung.” Ko nbükhüm tsü phaqu dhüre shehlicho.

JOEL 2:10

Arüh rode alih shühchire; Ning dhridhrire. Chonu ko nyü mapehre, ko chenghinü müvipehre.

JOEL 2:31

Abüdongba nyümong amülah ko adrünung müroede, nyü tsü mapehnung ko chonu tsü ashüh kyo mohnung.

JOEL 3:15

Nyü ko chonu marürah kangnung, ko chenghitinü adelü müvinung.

HABAKUK 3:11

Nü tbüdeng mülachi müthehde ko Nü thsuh ariri mülade, nyü ko chonu mümühachicho.

KHIDHINGCHO 21:14

Hütsünü Abüdongba khata Vakhanü hita yore. “Sufa lih la Waheb yangdiba ko angah;

KHIDHINGCHO 31:2

“Israelrü chah tu nguchicho hütsüngang Midian-rü tsü khingching. Nühnü hütsü nguchipü, nüh sünung.”

MATHI 24:29

“Hütsü thsamütsa nyümongti khukhangyeng, nyü tsü mapehnung ko chonunü müvipehnung, ning chahnü chenghiti trümchonung, ko adukah la liba tase tsü arüh lang lanü shehmüinung.

MATHI 5:45

Hütsünü nührü ninglang liba Au tsurüti kangnung. Tunüo abinü atsarü ko amütsarü anyüding michah apu nyü thsakehjüre, ko atsa nguchirü ko amütsa nguchirü michah tsing rosohre.

YUSE ATSA LUK 18:7

Tsingrangba-nü apu nyitsarü sürünü abi te ama tsingse arüku nengdang züdero arüh khüm yu mükhanung ang? Arüh tronung abinü münunung ang?

RIWÜRÜTI NGUCHI 2:20

Abüdongba roba amülah ko ahechi nyümong müchide, nyüh tsü mapehnung ko chonu tsü ashüh kyo amoh kangnung.

JOSHUA 10:11

Amor-rü tsü Israel rothsarü tenü drü jowüde, Abüdongba-nü Azeka lang ayung arüh chah shurü sühsohcho. Israelrünü kyüsehcho tenü shurünü adrongu kengsehcho.

JOSHUA 10:14

Papadesü ko akhanglangsü Abüdongba-nü amüi tsurü yu nyicho khodesü mütikehdhing. Abüdongba-nü Israelrü khüm khatajücho!

MISHACHO 21:23

Yangdi la tsü nyü mahkhang chonu atsingse müdhsütah, tunüo Tsingrangba ahechi tsünü hütsüla vire, ko Sanza tsü hütsü yo atsingse lile.

MISHACHO 6:10

Arühnü yuva amülahnü züdecho, “Amüsa ko yuje, Akohba Abüdongba! Limih la lirü yukhanung ko ihrü müpsehrü rühyangnung nühnü khütoi münu linung?”

MISHACHO 6:12

Ko Sanza tsünü ashingticho adhüroh-u tsü rohphoh khangthrucho Ihnü ngucho. Hütsüde alihyo atrehdi zingcho, ko nyü tsü arangshü roh-i anyah kangcho, ko chonu tsü ashüh kyo amoh kangcho.

MISHACHO 8:12

Hütsüpü ninglang riwürü müyüubanü abi rühti mehcho. Hütsüde nyü chang asangla khüdu, chonu chang asangla khüdu, ko chenghi chang asangla khüdu chah shingkehcho; hütsünü arüh atsingse chang asangla khüdu changpehcho; ko nyümong chang asangla khüdu ko ama chang asangla khüdu atsingse changpehcho.

YUKHARÜTI 16:28

Hütsüde Samson-nü dangkhidangnangcho, “Akohba Abüdongba, yanglilüm Ih lümchehng; Tsingrangba, Filistinrünü I nah hehchehpehjücho ngang rühyangnung, yanglilüm, khüdupi I tase thali jüng.”

YUKHARÜTI 5:2

Abüdongba seing! Israelrünü khatanung dhrongchehko; Müyurünü künyangseh jopehko.