JOSHUA 1:8 - AMÜSA BAIBEL (BSI)

⁸ Lede Yuzeng vakha tsü nührü mübüde khieng. Nyangnyü romang mükhu hütsü khieng ko hütsüla thrah licho apüm bichieng. Hütsükhang, nüh müwanung ko akoh linung.

JOSHUA 1:8 Iomraidhean Croise

LIPOH 24:63

Abinü anyüzehlang rachinung wücho ko ut-ti rochi ngucho.

2 ROHTHÜP 26:5

Abi khyang yudsila lümlong jürü Zekaria akang lide, abinü Abüdongba yuje cho dikehcho ko Tsingrangba-nü abi müwajücho.

NENGSEKHI 119:11

Ihnü Nü yuzeng I lasih la yohpüre, hütsü dunü Ihnü Nüh nyüm amünyi müshitpahnung.

NENGSEKHI 119:15

Nü athülaba Ihnü lümdhingre; Nü adoba Ihnü müchehdhingre.

NENGSEKHI 119:97

Ihnü Nü yuzeng khütoh-i müiro! Ihnü mükhyang hütsü nengdang lümdhingre.

NENGSEKHI 119:99

Adorü tenü Ihnü alaa nyichehre, tunüo Ihnü Nü athülaba lümdhingre.

NENGSEKHI 19:14

Iyu ko I lümchoti Nühnü khyüchochehba kangsohng, O Abüdongba, I tsikehsing ko khümchobong!

NENGSEKHI 40:10

Ihnü akangcheh yusi tsü rang müyohbü; Ihnü Nü yuje ko arüku nengdang lede chocho. Nü müyurü ashimükhongla Nüh yuje ko müthrehba amüi nengdang müchopü mühle.

CHOYOH 3:1

Itso, Ihnü docho tünbüchü. Ihnü yocho lede lümkehng.

ISAYA 59:21

Ko Ihnü nührü te azengchotaba khüdu külüpre: Ihnü lede nengdang nührü khyang I zii ko I adoba jüre, ko ade tinü nührünü Ite yochonyinung, nüh, nührü tsuzarü ko shümtsurüti tesü aronung shang apüm la I yochonyinung doung.”

MATHI 12:35

Nyitsarü atsa khüdunü akangcho atsa lanü kohro atsa hirore; nyitsarü amütsa khüdunü akangcho amütsa lanü kohro amütsa hirore.

MATHI 28:20

Ko Ihnü nührü te tuturü mülacho apüm bichinung arüh te young, ko limih müchangde Ih nührü yola lede zeh linung.”

MATHI 7:21

“Ite, ‘Abüdongba, Abüdongba’ pü dsirü müipi ninglang Yanglih la müzüdunung, ta sünü ninglang liba I U-nü khyünyücho nguchinang abi du züdunung.

MATHI 7:24

“Hütsüeko, sünü I yu hiri yuchiro ko bichiro, abi alümzeh nyitsarü lung michah kuthsabong kyole.

YUSE ATSA LUK 11:28

Ta Jisu-nü lalingcho, “Sürünü Tsingrangba yu yuchiro ko bichiro arüh uthring khüta amüwanung!”

JOHAN 13:17

Adelü nührünü hiba yuje tsü müdheko, nührünü hütsü bichikhang nührü khütoi akünyang thsanung!

JOHAN 14:21

“Sünü I yuzeng khyüchoro ko hütsüri bichiro abinü Ih müire. Sünü Ih müiro; I U-nü abi müinung ko Ihnüsü abi müinung ko abi te Ipu mishanung.”

EFESIARÜ 4:29

Nü yu yuchirü khyang achomang jüchehba, khüinü külüpkehro, ko bekhyah te phishuro hütsütari yu chah khu, nührünü dhsakehjüba yu tücho.

AZIKA YU 29:8

arüh lih khyüjücho ko hütsü Reuben hung, Gad hung ko Manase hung achangsho khyang changnah jücho.

AZIKA YU 29:9

Hütsüeko, nührü nguchi lüpchola akoh ngunung nengdang, azengtacho yu hiri apüm yuje cho bichieng.

AZIKA YU 30:14

Mah, nührü te hila lile. Nührünü hütsü müdhele ko khichehle, hütsüeko ade hütsü bichieng.

AZIKA YU 31:11

Israelrü mübüji lang tsü Abüdongba nührü Tsingrang mübünung rode, müyurüti te khi young.

AZIKA YU 31:24

Mosa-nü vakha khüdula tusü müpehpü yuzeng tsü thrahcho.

AZIKA YU 5:1

Mosa-nü Israelrü atümung dsimükhong arüh te yocho, “Israelrü, Ihnü chünye nührü khyang jüba yuzeng hiri nyieng. Hütsüri nyichoung ko bichinung lümkehng.

AZIKA YU 5:29

Arühnü hita lede lümkhang! Arühnü lede Ih dhichi ko I yuzeng apüm bichikhang, lede arüh ko arüh trah tsa linung.

AZIKA YU 5:32

“Israelrü, Abüdongba nührü Tsingrang-nü nührü te mülacho lüpcho nguching. Abi yuzeng khüdusü tübeh!

KOLOSIRÜ 3:16

Khrista yu tsü nührü lasih la thangchi lisohng. Lümlong apümnü nührü khüdu e khüdurü dotang ko thülatang. Nengsekhi, mübükhi ko amüsa khi thsaang; Tsingrangba khyang nührü lasih la anengse jo thsaang.

JOSHUA 1:7

Re zehng, müci mülahng; ko Mosa-nü nü khyang jüba Yuzeng du tsü khahkhah bichieng. Hütsüla lango dusü tülayü ko nüh khüdederü wünang nühnü kohnung.

JOSHUA 8:34

Hütsüde Joshua-nü Yuzeng vakhala zehcho kyo amüwa ko chokehchola zeh, Yuzeng apüm tsü yuva chüro khicho.

MISHACHO 22:14

Sürünü akang singdong chahnü singsih tsuchehnung ko yangdila tbükhüm khu züduchehnung nengdang arüh jengki thsütohro arüh amüwanung.